മ​അ്​​ദ​നി കേരളത്തിലെത്തി; റോഡ് മാ​ർ​ഗം അ​ൻ​വാ​ർ​ശ്ശേ​രി​യി​ലേക്ക് VIDEO

നെടുമ്പാശ്ശേരി: മ​ക​ന്‍റെ വി​വാ​ഹ​ത്തി​ൽ പ​െ​ങ്ക​ടു​ക്കാ​നും മാതാപിതാക്കളെ സ​ന്ദ​ർ​ശി​ക്കാ​നു​മാ​യി പി.​ഡി.​പി ചെ​യ​ർ​മാ​ൻ അ​ബ്​​ദു​ന്നാ​സി​ർ മ​അ്​​ദ​നി കേരളത്തിലെത്തി. മൂന്നു മണിയോടെ ​മഅ്ദനിയെ വഹിച്ചു കൊണ്ടുള്ള എ​യ​ർ ഏ​ഷ്യ വി​മാ​നം നെ​ടു​മ്പാ​ശ്ശേ​രി​ വിമാനത്താവളത്തിൽ ഇറങ്ങി. നെ​ടു​മ്പാ​ശ്ശേ​രി​യിൽ നിന്ന്​ റോഡ് മാ​ർ​ഗം ക​രു​നാ​ഗ​പ്പ​ള്ളി അ​ൻ​വാ​ർ​ശ്ശേ​രി​യി​ലെ വീ​ട്ടി​ലേ​ക്ക്​ പോയി.

പ്രതിസന്ധി ഘട്ടത്തിൽ സഹായിച്ച എല്ലാ കേരളീയരോടും നന്ദിയുണ്ടെന്ന് മ​അ്​​ദ​നി വിമാനത്താവളത്തിന് പുറത്ത് മാധ്യമങ്ങളോട് പറഞ്ഞു. മുഖ്യമന്ത്രി പിണറായി വിജയൻ, പ്രതിപക്ഷ നേതാവ് രമേശ് ചെന്നിത്തല, മുൻ മുഖ്യമന്ത്രി ഉമ്മൻചാണ്ടി, കെ.സി. വേണുഗോപാൽ എം.പി, കെ.പി.സി.സി അധ്യക്ഷൻ എം.എം ഹസൻ അടക്കമുള്ളവർ കർണാടക സർക്കാറുമായി ബന്ധപ്പെട്ടിരുന്നു. നീതിയുടെ പക്ഷത്ത് നിന്നുള്ള ഇടപെടലാണ് രാഷ്ട്രീപാർട്ടി നേതാക്കളും അഭിഭാഷകരും മനുഷ്യാവകാശ പ്രവർത്തകരും മാധ്യമങ്ങളും നടത്തിയത്. ഇക്കാര്യത്തിലുള്ള നന്ദി അറിയിക്കുന്നതായും മഅ്ദനി കൂട്ടിച്ചേർത്തു.

പി.ഡി.പിയുടെ മുതിർന്ന നേതാക്കളും പാർട്ടി പ്രവർത്തകരും മഅ്ദനിയെ സ്വീകരിക്കാൻ വിമാനത്താവളത്തിൽ എത്തിയിരുന്നു. സുരക്ഷാ പരിശോധനക്ക് ശേഷം പുറത്തുവന്ന മഅ്ദനിയെ അനുയായികൾ മുദ്രാവാക്യം വിളിച്ച് അഭിവാദ്യം ചെയ്തു.

ഉച്ചക്ക് 2.20നാണ് മഅ്ദനിയെയും വഹിച്ചു കൊണ്ടുള്ള വിമാനം ബംഗളൂരു ​കെം​പ​ഗൗ​ഡ വി​മാ​ന​ത്താ​വ​ള​ത്തി​ൽ ​നി​ന്ന്​ യാത്രതിരിച്ചത്. ഇ​ള​യ മ​ക​ൻ സ​ലാ​ഹു​ദ്ദീ​ൻ അ​യ്യൂ​ബി, ബ​ന്ധു​വും പി.​ഡി.​പി സം​സ്​​ഥാ​ന ജ​ന​റ​ൽ സെ​ക്ര​ട്ട​റി​യു​മാ​യ മു​ഹ​മ്മ​ദ്​ റ​ജീ​ബ്, സ​ഹാ​യി​ക​ളാ​യ സി​ദ്ദീ​ഖ്, നി​സാം, കർണാടക പൊലീസിലെ എസ്.ഐമാ​രാ​യ ര​മേ​ശ്, ഉ​മ​ശ​ങ്ക​ർ എ​ന്നി​വ​രാ​ണ്​ വി​മാ​ന​യാ​ത്ര​യി​ൽ മ​അ്​​ദ​നി അ​നു​ഗ​മി​ച്ചത്. 

ബാ​ക്കിയുള്ള 17 സു​ര​ക്ഷ ഉ​ദ്യോ​ഗ​സ്​​ഥ​ർ റോ​ഡു​മാ​ർ​ഗം കൊ​ച്ചി​യി​ലെ​ത്തും. ശ​നി​യാ​ഴ്​​ച രാ​വി​ലെ ബം​ഗ​ളൂ​രു സി​റ്റി പൊ​ലീ​സ്​ ക​മീ​ഷ​ണ​റു​ടെ ഒാ​ഫി​സി​ലെ​ത്തി​യ മ​അ്​​ദ​നി​യു​ടെ അ​ഭി​ഭാ​ഷ​ക​ൻ ഉ​സ്​​മാ​ൻ 1.18 ല​ക്ഷം രൂ​പ​യു​ടെ ഡി.​ഡി ക​മീ​ഷ​ണ​ർ സു​നി​ൽ​കു​മാ​റി​ന്​ ​ൈക​മാ​റി. മ​അ്​​ദ​നി​യു​ടെ യാ​ത്ര സം​ബ​ന്ധി​ച്ച വി​വ​ര​ങ്ങ​ളും ഇ​തോ​ടൊ​പ്പം സ​മ​ർ​പ്പി​ച്ചിരുന്നു. 

ബു​ധ​നാ​ഴ്​​ച രാ​വി​ലെ 11.30ന്​ ​ത​ല​ശ്ശേ​രി ന​ഗ​ര​സ​ഭ ടൗ​ൺ​ഹാ​ളി​ൽ ന​ട​ക്കു​ന്ന  മൂ​ത്ത മ​ക​ൻ ഉ​മ​ർ മു​ഖ്​​താ​റി​​ന്‍റെ വി​വാ​ഹ​ച്ച​ട​ങ്ങി​നാ​യി മ​അ്​​ദ​നി ചൊ​വ്വാ​ഴ്​​ച അ​ൻ​വാ​ർ​ശ്ശേ​രി​യി​ൽ​ നി​ന്ന്​ പു​റ​പ്പെ​ടും. വെ​ള്ളി​യാ​ഴ്​​ച വൈ​കീ​ട്ട്​ നാ​ലു മു​ത​ൽ ഒ​മ്പ​തു​വ​രെ കൊ​ല്ലം ടൗ​ൺ​ഹാ​ളി​ൽ ന​ട​ക്കു​ന്ന വി​വാ​ഹ​വി​രു​ന്നി​ലും അ​ദ്ദേ​ഹം പ​െ​ങ്ക​ടു​ക്കും.