രാ​ജ​കു​ടും​ബ​ങ്ങ​ൾ​ക്ക്​ ന​ൽ​കാ​നു​ള്ള പെ​ൻ​ഷ​ൻ കു​ടി​ശ്ശി​ക; പണലഭ്യതക്കനുസരിച്ച് വിതരണം ചെയ്യുമെന്ന് സർക്കാർ

കൊ​ച്ചി: രാ​ജ​കു​ടും​ബ​ങ്ങ​ൾ​ക്ക്​ ന​ൽ​കാ​നു​ള്ള പെ​ൻ​ഷ​ൻ കു​ടി​ശ്ശി​ക സ​ർ​ക്കാ​റി​ന്റെ സാ​മ്പ​ത്തി​ക സ്ഥി​തി​ക്ക​നു​സ​രി​ച്ച് വി​ത​ര​ണം ചെ​യ്യു​മെ​ന്ന് സ​ർ​ക്കാ​ർ ഹൈ​കോ​ട​തി​യി​ൽ. 2011 ജ​നു​വ​രി മു​ത​ലു​ള്ള കു​ടി​ശ്ശി​ക കോ​ട​തി ഉ​ത്ത​ര​വി​ട്ടി​ട്ടും ന​ൽ​കു​ന്നി​ല്ലെ​ന്ന്​ കാ​ട്ടി ആ​ലു​വ തെ​ക്കേ​ട​ത്ത് കോ​വി​ല​ക​ത്ത്​ ബി.​എ​ൽ. കേ​ര​ള​വ​ർ​മ ത​മ്പാ​ൻ ന​ൽ​കി​യ കോ​ട​തി​യ​ല​ക്ഷ്യ ഹ​ര​ജി​യി​ലാ​ണ്​ സ​ർ​ക്കാ​റി​ന്‍റെ വി​ശ​ദീ​ക​ര​ണം.

കോ​ട്ട​യം ജി​ല്ല​യി​ലെ ഞാ​വ​ക്കാ​ട് കു​ടും​ബ​ത്തി​ന് 2011 മു​ത​ൽ പ്ര​തി​മാ​സം 3000 രൂ​പ വീ​തം പെ​ൻ​ഷ​ൻ അ​നു​വ​ദി​ച്ചെ​ങ്കി​ലും മ​റ്റ് കു​ടും​ബ​ങ്ങ​ൾ​ക്ക്​ അ​നു​വ​ദി​ച്ചി​രു​ന്നി​ല്ല. ഹൈ​കോ​ട​തി ഉ​ത്ത​ര​വി​നെ​ത്തു​ട​ർ​ന്ന് 2017ൽ ​മ​റ്റ് കു​ടും​ബ​ങ്ങ​ൾ​ക്കും ഉ​യ​ർ​ന്ന പെ​ൻ​ഷ​ൻ അ​നു​വ​ദി​ച്ച്​ സ​ർ​ക്കാ​ർ ഉ​ത്ത​ര​വി​ട്ടി​രു​ന്നു.

വീ​ണ്ടും ഹൈ​കോ​ട​തി​യെ സ​മീ​പി​ച്ച ഇ​വ​ർ​ 2011 മു​ത​ൽ മു​ൻ​കാ​ല പ്രാ​ബ​ല്യ​ത്തോ​ടെ അ​നു​വ​ദി​ക്കാ​നു​ള്ള ഉ​ത്ത​ര​വും​ സ​മ്പാ​ദി​ച്ചു.