പി. മോഹനൻ അടക്കമുള്ളവരെ വേട്ടയാടാൻ ശ്രമിച്ചു; ടി.പി. വധക്കേസ് വിധിയിൽ സി.പി.എം

തിരുവനന്തപുരം: ടി.​പി. ച​ന്ദ്ര​ശേ​ഖ​ര​ന്‍ വ​ധ​ക്കേ​സി​ലെ ഹൈകോടതി വിധിയെ സ്വാഗതം ചെയ്ത് സി.പി.എം. കോഴിക്കോട് ജില്ല സെക്രട്ടറി പി. മോഹനൻ അടക്കമുള്ളവരെ വേട്ടയാടാൻ ശ്രമം നടന്നുവെന്ന് സംസ്ഥാന സെക്രട്ടറി എം.വി. ഗോവിന്ദൻ പറഞ്ഞു.

പാർട്ടി നേതൃത്വത്തിനെതിരെ വലിയ കടന്നാക്രമണത്തിന് ശ്രമം നടന്നു. ടി.പി. കേസിനെ രാഷ്ട്രീയവൽകരിക്കാൻ ശ്രമിച്ചത് യു.ഡി.എഫ് ആണെന്നും എം.വി. ഗോവിന്ദൻ ആരോപിച്ചു.

ടി.​പി. ച​ന്ദ്ര​ശേ​ഖ​ര​ന്‍ വ​ധ​ക്കേ​സിലെ പ്രതികൾ സമർപ്പിച്ച അ​പ്പീ​ൽ ഹരജികൾ തള്ളിയ ഹൈകോടതി വിചാരണ കോടതിയുടെ ശിക്ഷാ വിധിയാണ് ശരിവെച്ചത്. അതേസമയം, പ്രതികളായ കെ.കെ. കൃഷ്ണൻ, ജ്യോതി ബാബു എന്നിവരെ വെറുതെവിട്ട വിചാരണ കോടതി വിധി ഹൈകോടതി റദ്ദാക്കി. ഇവർക്കുള്ള ശിക്ഷ 26ന് കോടതി വിധിക്കും. ഈ പ്രതികൾ 26ന് നേരിട്ട് ഹാജരാകണമെന്നും ഹൈകോടതി ഉത്തരവിട്ടു.

അതേസമയം, സി.​പി.​എം പാ​നൂ​ര്‍ ഏ​രി​യ ക​മ്മി​റ്റി അം​ഗ​മാ​യി​രു​ന്ന പി.​കെ. കു​ഞ്ഞ​ന​ന്ത​നെ ശിക്ഷിച്ചതും സി.​പി.​എം കോഴിക്കോട് ജില്ല സെക്രട്ടറി പി. ​മോ​ഹ​ന​നെ കേസിൽ വെ​റു​തെ​വി​ട്ടതും ഹൈകോടതി ശരിവെച്ചു. പ്ര​തി​ക​ളും സ​ര്‍ക്കാ​റും കെ.​കെ. ര​മ എം.​എ​ല്‍.​എ​യും ന​ല്‍കി​യ അ​പ്പീ​ലു​ക​ളി​ലാ​ണ് ജ​സ്റ്റി​സ് എ.​കെ. ജ​യ​ശ​ങ്ക​ര്‍ ന​മ്പ്യാ​ര്‍, ജ​സ്റ്റി​സ് കൗ​സ​ര്‍ എ​ട​പ്പ​ഗ​ത്ത് എ​ന്നി​വ​ര​ട​ങ്ങി​യ ഹൈ​കോ​ട​തി ഡി​വി​ഷ​ൻ ബെ​ഞ്ചാണ് അ​പ്പീ​ൽ പ​രി​ഗ​ണി​ച്ച് വി​ധി പ​റ​ഞ്ഞത്.

ആ​ര്‍.​എം.​പി സ്ഥാ​പ​ക നേ​താ​വാ​യ ടി.​പി. ച​ന്ദ്ര​ശേ​ഖ​ര​നെ 2012 മേ​യ് നാ​ലി​നാ​ണ് വ​ട​ക​ര​ക്ക​ടു​ത്ത് വ​ള്ളി​ക്കാ​ടു​വെ​ച്ച് ഒ​രു​സം​ഘം ബോം​ബെ​റി​ഞ്ഞു​വീ​ഴ്ത്തി​യ ശേ​ഷം വെ​ട്ടി​ക്കൊ​ല​പ്പെ​ടു​ത്തി​യ​ത്. സി.​പി.​എ​മ്മി​ല്‍ നി​ന്ന് വി​ട്ടു​പോ​യി ത​ന്റെ നാ​ടാ​യ ഒ​ഞ്ചി​യ​ത്ത് ആ​ര്‍.​എം.​പി എ​ന്ന പേ​രി​ല്‍ പാ​ര്‍ട്ടി​യു​ണ്ടാ​ക്കി​യ​തി​ലു​ള്ള പ​ക നി​മി​ത്തം സി.​പി.​എ​മ്മു​കാ​രാ​യ പ്ര​തി​ക​ള്‍ ച​ന്ദ്ര​ശേ​ഖ​ര​നെ വെ​ട്ടി കൊ​ല​പ്പെ​ടു​ത്തി​യെ​ന്നാ​ണ് കേ​സ്.

വി​ചാ​ര​ണ​ക്കോ​ട​തി എം.​സി. അ​നൂ​പ്, കി​ർ​മാ​ണി മ​നോ​ജ്, കൊ​ടി സു​നി, ടി.​കെ. ര​ജീ​ഷ്, മു​ഹ​മ്മ​ദ് ഷാ​ഫി, അ​ണ്ണ​ന്‍ സി​ജി​ത്ത്, കെ. ​ഷി​നോ​ജ്, കെ.​സി. രാ​മ​ച​ന്ദ്ര​ന്‍, ട്രൗ​സ​ര്‍ മ​നോ​ജ്, സി.​പി.​എം പാ​നൂ​ര്‍ ഏ​രി​യ ക​മ്മി​റ്റി അം​ഗ​മാ​യി​രു​ന്ന പി.​കെ. കു​ഞ്ഞ​ന​ന്ത​ന്‍, വാ​യ​പ്പ​ട​ച്ചി റ​ഫീ​ഖ് എ​ന്നീ പ്ര​തി​ക​ള്‍ക്ക് ജീ​വ​പ​ര്യ​ന്തം ത​ട​വും പി​ഴ​യും മ​റ്റൊ​രു പ്ര​തി​യാ​യ ക​ണ്ണൂ​ര്‍ സ്വ​ദേ​ശി ലം​ബു പ്ര​ദീ​പ​ന് മൂ​ന്നു​ വ​ര്‍ഷം ക​ഠി​ന ത​ട​വു​മാ​ണ് ശി​ക്ഷ വി​ധി​ച്ച​ത്.

പി.​കെ. കു​ഞ്ഞ​ന​ന്ത​ന്‍ ജ​യി​ല്‍ശി​ക്ഷ അ​നു​ഭ​വി​ച്ചു​ വ​രു​ന്ന​തി​നി​ടെ 2020 ജൂ​ണി​ല്‍ മ​രി​ച്ചു. 2014ലാ​ണ് വി​ചാ​ര​ണ​ക്കോ​ട​തി പ്ര​തി​ക​ള്‍ക്ക് ശി​ക്ഷ വി​ധി​ച്ച​ത്. 36 പ്ര​തി​ക​ളു​ണ്ടാ​യി​രു​ന്ന കേ​സി​ല്‍ സി.​പി.​എം നേ​താ​വാ​യ പി. ​മോ​ഹ​ന​ന്‍ ഉ​ള്‍പ്പെ​ടെ 24 പേ​രെ വെ​റു​തെ​വി​ട്ടി​രു​ന്നു.