പൂഞ്ഞാറിലെ മത സൗഹാർദം തകർക്കുന്നവരെ ജനം തിരിച്ചറിയണം-ഉമ്മൻ ചാണ്ടി

ഈരാറ്റുപേട്ട: പൂഞ്ഞാർ മതസൗഹാർദത്തി​െൻറ മണ്ണാണെന്നും അത് തകർക്കാൻ ശ്രമിക്കുന്നവരെ ജനം തിരിച്ചറിയണമെന്നും മുൻ മുഖ്യമന്ത്രി ഉമ്മൻ ചാണ്ടി. യു.ഡി.എഫ് സ്ഥാനാർഥി അഡ്വ.ടോമി കല്ലാനിയുടെ ഈരാറ്റുപേട്ടയിൽ നടന്ന റോഡ് ഷോയുടെ സമാപന സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം.

ജയിച്ചാൽ എം.എൽ.എ എന്ന നിലയിലുള്ള ശമ്പളം പൂഞ്ഞാറിലെ പാവപ്പെട്ട കാൻസർ രോഗികളുടെ ചികിത്സക്ക് ചെലവഴിക്കുമെന്ന് ടോമി കല്ലാനി പ്രഖ്യാപിച്ചു. മജു പുളിക്കൻ അധ്യക്ഷത വഹിച്ചു. ആ​േൻറാ ആൻറണി എം.പി, വി.എം. മുഹമ്മദ് ഇല്യാസ്, എം.പി. സലീം, പി.എച്ച്. നൗഷാദ്, സുഹറ അബ്​ദുൽ ഖാദർ ,കെ.സി. ജയിംസ്, ജോർജ് ജേക്കബ്, വി.എം. സിറാജ്, കെ.ഇ.എ. ഖാദർ എന്നിവർ സംസാരിച്ചു.

നഗരത്തിൽ നടത്തിയ റോഡ് ഷോയിൽ ആയിരങ്ങൾ പങ്കെടുത്തു. കടുവാമൂഴിയിൽനിന്ന് ആരംഭിച്ച റോഡ് ഷോ ടൗൺ ചുറ്റി സെൻട്രൽ ജങ്​ഷനിൽ സമാപിച്ചു.