പെരിയാർ കരകവിഞ്ഞു; എറണാകുളത്ത്​ നൂറോളം​ വീടുകളിൽ വെള്ളം കയറി

കൊച്ചി: എറണാകുളം ജില്ലയിൽ പെരിയാർ കരകവിഞ്ഞ്​ നൂറോളം​ വീടുകളിൽ വെള്ളം കയറി. മൂവാറ്റുപുഴ, കോതമംഗലം, ഏലൂർ മേഖലകളിലാണ്​ കൂടുതൽ നാശനഷ്​ടം. മൂവാറ്റുപുഴ നഗരത്തിലെ ജനവാസ കേന്ദ്രങ്ങളിൽ വെള്ളം കയറി. നൂറോളം കുടുംബങ്ങളെ മാറ്റി. ഇലാഹിയ കോളനിയിലെ 17 കുടുംബങ്ങളെ ജെ.ബി സ്കൂളിലെ ദുരിതാശ്വാസ ക്യാമ്പിലേക്ക്​ മാറ്റി. നഗരസഭ വാർഡ് 24ാം വാർഡിലെ ആനിക്കാകുടി കോളനിയിലും വെള്ളം കയറി.

ഏലൂർ വില്ലേജിൽ വടക്കുംഭാഗത്ത് വെള്ളം കയറി. കുറ്റിക്കാട്ടുകര ബോസ്കോ കോളനിയിലാണ്​ കൂടുതൽ ദുരിതം. ഏലൂർ ഗവ. എൽ.പി.എസിൽ ക്യാമ്പ് ആരംഭിച്ചു.

മഞ്ഞുമ്മൽ റെഗുലേറ്റർ കം ബ്രിഡ്​ജിൽ മരം ഒഴുകി വന്ന് ഷട്ടറിൽ കുടുങ്ങി ചില ഭാഗത്ത് ഒഴുക്കിന് തടസ്സമുണ്ടായി. ഫയർ ആൻറ്​ റെസ്ക്യു വിഭാഗം ഏലൂർ യൂനിറ്റി​െൻറ സഹായത്തോടെ മൂന്ന് മണിക്കൂറിനുള്ളിൽ തടസ്സം നീക്കി. ഒഴുക്ക് സാധാരണ നിലയിലാണ്​. ഷട്ടറി​െൻറ അടിഭാഗവും ജലനിരപ്പുമായി നിലവിൽ 2.5 മീറ്റർ ഗ്യാപ് ഉണ്ട്.