പെരുമ്പാവൂരിൽ ബസ്സും കാറും കൂട്ടിയിടിച്ച് അഞ്ചു മരണം

പെരുമ്പാവൂർ: പെരുമ്പാവൂരിൽ ബസും കാറും കൂട്ടിയിടിച്ച്​ അഞ്ചുപേർ മരിച്ചു. രണ്ടുപേർക്ക്​ പരിക്കേറ്റു. ഇടുക്കി ഏലപ്പാറ സ്വദേശികളായ ജിനീഷ് (22), വിജയൻ, കിരൺ (21), ഉണ്ണി (20), ജെറിൻ (22) എന്നിവരാണ് മരിച്ചത്. ഇന്ന്​ പുലർച്ചെ 12.45ഒാടെയാണ്​ അപകടം നടന്നത്​. ആന്ധ്രയിൽ നിന്നുള്ള അയ്യപ്പ ഭക്​തർ സഞ്ചരിച്ച ബസുമായി കാർ കൂട്ടിയിടിക്കുകയായിരുന്നു. 

ഏഴു പേരാണ്  കാറിലുണ്ടായിരുന്നത്. പരിക്കേറ്റ സുജിത്​, ജിബിൻ എന്നിവരെ ആശുപത്രിയിൽ പ്രവേശിപ്പിച്ചു. ജിബിനെ ഒമാനിലേക്ക് യാത്രയാക്കാൻ പോകും വഴിയാണ്​ അപകടമുണ്ടായത്​.  മൃതദേഹം സാൻജോ ആശുപത്രി, താലൂക്കാശുപത്രി എന്നിവിടങ്ങളിൽ സൂക്ഷിച്ചിരിക്കുന്നു.