ആശുപത്രിയുടെ ചർമരോഗ പരസ്യത്തിന് മോർഗൻ ഫ്രീമാന്റ ചിത്രം; വിവാദമായതോടെ മാറ്റി
text_fieldsമോർഗൻ ഫ്രീമാന്റ ചിത്രം ചർമരോഗ പരസ്യത്തിൽ
വടകര: ഹോളിവുഡ് ഇതിഹാസ ചലച്ചിത്ര താരം മോർഗൻ ഫ്രീമാന്റ ചിത്രം ചർമരോഗ പരസ്യത്തിന് സ്ഥാപിച്ച് വിവാദമായതോടെ മാറ്റി. വടകര സഹകരണ ആശുപത്രിയിലാണ് അരിമ്പാറ, ഉണ്ണി, പാലുണ്ണി, സ്ക്വിൻ ടാഗ് തുടങ്ങിയവക്കുള്ള ചികിത്സയുടെ പരസ്യത്തിനുള്ള ബോർഡിൽ അരിമ്പാറയുള്ള മുഖമുള്ള മോർഗൻ ഫ്രീമാന്റ ചിത്രം പ്രദർശിപ്പിച്ചത്.
പ്രശസ്ത നടനോടുള്ള അവഹേളനമാണിതെന്ന് സമൂഹ മാധ്യമങ്ങളിൽ കടുത്ത വിമർശനമാണ് ഉയർന്നത്. ഇതോടെ ആശുപത്രി പരസ്യ ബോർഡ് മാറ്റി. പരസ്യം തയാറാക്കിയവരിൽനിന്ന് ഉണ്ടായ പാകപ്പിഴയാണ് പിശക് വരുത്താനിടയാക്കിയതെന്നാണ് ആശുപത്രി അധികൃതരുടെ വിശദീകരണം. ആശുപത്രിയുടെ എഫ്.ബി പേജിലും ഖേദം പ്രകടിപ്പിച്ചിട്ടുണ്ട്.
നാല് ദിവസമാണ് ബോർഡ് ആശുപത്രി വരാന്തയിൽ ഉണ്ടായിരുന്നത്. മോർഗൻ ഫ്രീമാനെ തിരിച്ചറിഞ്ഞവരാണ് പരസ്യം സമൂഹ മാധ്യമങ്ങളിൽ പോസ്റ്റ് ചെയ്ത് വിമർശിച്ചത്.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.