സി​ൽ​വ​ർ ലൈ​ൻ റെ​യി​ൽ പ​ദ്ധ​തി​ക്ക് രാ​ഷ്ട്രീ​യ ത​ട​സ്സം ഉ​ള്ള​താ​യി ക​രു​തു​ന്നി​ല്ലെ​ന്ന് മു​ഖ്യ​മ​ന്ത്രി

ന്യൂ​ഡ​ൽ​ഹി: വി​വാ​ദ സി​ൽ​വ​ർ ലൈ​ൻ റെ​യി​ൽ പ​ദ്ധ​തി​ക്ക് പ​ച്ച​ക്കൊ​ടി​യാ​യി​ല്ല. അ​ന്തി​മാ​നു​മ​തി വേ​ഗ​ത്തി​ലാ​ക്കാ​ൻ മു​ഖ്യ​മ​ന്ത്രി പി​ണ​റാ​യി വി​ജ​യ​ൻ പ്ര​ധാ​ന​മ​ന്ത്രി ന​രേ​ന്ദ്ര​മോ​ദി​യെ ക​ണ്ടു. എ​ന്താ​ണ് ചെ​യ്യാ​ൻ പ​റ്റു​ക​യെ​ന്ന് ആ​ലോ​ചി​ക്കാ​മെ​ന്ന് പ്രധാനമന്ത്രി പറഞ്ഞു. അ​തേ​സ​മ​യം, പ​ദ്ധ​തി​ക്ക് അ​നു​മ​തി ന​ൽ​കു​ന്ന കാ​ര്യ​ത്തി​ൽ കേ​ന്ദ്ര​സ​ർ​ക്കാ​റി​ന് രാ​ഷ്ട്രീ​യ ത​ട​സ്സം ഉ​ള്ള​താ​യി ക​രു​തു​ന്നി​ല്ലെ​ന്ന് മു​ഖ്യ​മ​ന്ത്രി പി​ന്നീ​ട് വാ​ർ​ത്ത​സ​മ്മേ​ള​ന​ത്തി​ൽ വി​ശ​ദീ​ക​രി​ച്ചു.

റെ​യി​ൽ മ​ന്ത്രി​യു​മാ​യി കാ​ര്യ​ങ്ങ​ൾ വി​ശ​ദ​മാ​യി സം​സാ​രി​ക്കാ​മെ​ന്നും, എ​ന്താ​ണ് ചെ​യ്യാ​ൻ പ​റ്റു​ക​യെ​ന്ന് ആ​ലോ​ചി​ക്കാ​മെ​ന്നും പ്ര​ധാ​ന​മ​ന്ത്രി ഉ​റ​പ്പു ന​ൽ​കി​യ​താ​യി അ​ദ്ദേ​ഹം വി​ശ​ദീ​ക​രി​ച്ചു. പ​ദ്ധ​തി​യോ​ടു​ള്ള എ​തി​ർ​പ്പ് ബി.​ജെ.​പി പാ​ർ​ല​മെ​ന്റി​ൽ പ്ര​ക​ടി​പ്പി​ക്കു​ക​യും കേ​ര​ള​ത്തി​ൽ സ​മ​രം ക​ന​ക്കു​ക​യും ചെ​യ്യു​ന്ന പ​ശ്ചാ​ത്ത​ല​ത്തി​ലാ​ണ് പി​ണ​റാ​യി മോ​ദി​യെ ക​ണ്ട​ത്. പ്ര​ധാ​ന​മ​ന്ത്രി​യു​ടെ പ്ര​തി​ക​ര​ണം ആ​രോ​ഗ്യ​ക​ര​മാ​യി​രു​ന്നു​വെ​ന്നാ​ണ് മു​ഖ്യ​മ​ന്ത്രി വി​ല​യി​രു​ത്തി​യ​ത്.

കാ​ര്യ​ങ്ങ​ൾ അ​തീ​വ താ​ൽ​പ​ര്യ​ത്തോ​ടെ പ്ര​ധാ​ന​മ​ന്ത്രി കേ​ട്ടു. ന​ല്ല ച​ർ​ച്ച​യാ​ണ് ന​ട​ന്ന​ത്. പ്ര​ധാ​ന​മ​ന്ത്രി​യു​മാ​യു​ള്ള കൂ​ടി​ക്കാ​ഴ്ച കേ​ന്ദ്രാ​നു​മ​തി വേ​ഗ​ത്തി​ൽ ല​ഭ്യ​മാ​കു​ന്ന​തി​ന് ഇ​ട​യാ​ക്കു​മെ​ന്നാ​ണ് പ്ര​തീ​ക്ഷി​ക്കു​ന്ന​ത് -മു​ഖ്യ​മ​ന്ത്രി വി​ശ​ദീ​ക​രി​ച്ചു.അ​ന്തി​മാ​നു​മ​തി വൈ​കു​ന്ന​ത് രാ​ഷ്ട്രീ​യ കാ​ര​ണ​ങ്ങ​ൾ കൊ​ണ്ടാ​ണെ​ന്ന് ക​രു​തു​ന്നി​ല്ല. വി​ശ​ദ പ​ദ്ധ​തി റി​പ്പോ​ർ​ട്ട് (ഡി.​പി.​ആ​ർ) കൊ​ടു​ത്ത​പ്പോ​ൾ സാ​ധാ​ര​ണ ഗ​തി​യി​ൽ ഉ​ണ്ടാ​കു​ന്ന സം​ശ​യ​ങ്ങ​ളു​ണ്ടാ​യി.

അ​തി​നെ​ല്ലാം മ​റു​പ​ടി കൊ​ടു​ത്തു ക​ഴി​ഞ്ഞു. ഇ​നി​യി​പ്പോ​ൾ കേ​ന്ദ്രം അ​നു​മ​തി ന​ൽ​ക​ണം, അ​തെ​യു​ള്ളൂ. പ്ര​ധാ​ന​മ​ന്ത്രി തു​റ​ന്ന മ​ന​സ്സോ​ടെ​യാ​ണ് സം​സാ​രി​ച്ച​ത്. വി​ക​സ​ന പ​ദ്ധ​തി​ക​ൾ പൂ​ർ​ത്തി​യാ​ക്കു​ന്ന കാ​ര്യ​ത്തി​ൽ ഒ​രു​പാ​ട് വി​ശ​ദാം​ശ​ങ്ങ​ളി​ലേ​ക്ക് ക​ട​ന്ന് ത​ങ്ങ​ൾ സം​സാ​രി​ച്ചു. ഏ​റെ സ​മ​യ​മെ​ടു​ത്താ​ണ് ച​ർ​ച്ച ന​ട​ത്തി​യ​ത്. അ​ത്ര​യും സ​മ​യ​മെ​ടു​ക്കാ​മോ എ​ന്ന ശ​ങ്ക ത​ന്നെ ത​നി​ക്ക് ഉ​ണ്ടാ​യി. ഒ​രു ത​ര​ത്തി​ലു​ള്ള രാ​ഷ്ട്രീ​യ നി​ല​പാ​ടും അ​ദ്ദേ​ഹം പ്ര​ക​ടി​പ്പി​ച്ച​താ​യി ക​ണ്ടി​ല്ല.

ഔ​ദ്യോ​ഗി​ക​മാ​യി​ട്ട​ല്ലെ​ങ്കി​ലും റെ​യി​ൽ മ​ന്ത്രി​യെ​യും കാ​ണാ​നാ​യെന്നും മു​ഖ്യ​മ​ന്ത്രി പ​റ​ഞ്ഞു.