കാപ്പൻ ജനങ്ങളെ വഞ്ചിച്ചു -മുഖ്യമ​ന്ത്രി

തിരുവനന്തപുരം: മാണി സി. കാപ്പ​ൻ ഇടതിനെ മാത്രമല്ല, നാട്ടിലെ ജനങ്ങളെയും തെരഞ്ഞെടുത്തവരെയും വഞ്ചി​െച്ചന്ന്​ മുഖ്യമന്ത്രി പിണറായി വിജയൻ. കൃത്യമായി ജനങ്ങൾ തന്നെ അദ്ദേഹത്തെ ബോധ്യപ്പെടുത്തുമെന്ന്​ പ്രതീക്ഷിക്കുന്നു. അവിടെയുള്ള നാട്ടുകാർ, ഇടത്​ മുന്നണി എന്ന നിലയിൽ സഹായിച്ചവർ എന്നിവരെയൊക്കെ കാണാത്ത നിലപാടാണ്​ കാപ്പൻ സ്വീകരിച്ചതെന്നും മുഖ്യമന്ത്രി പറഞ്ഞു.

ബി.​െജ.പിയും കോൺഗ്രസും തമ്മിലെ​ വ്യത്യാസം നേർത്തു വരുകയാണെന്ന്​ മുഖ്യമന്ത്രി പറഞ്ഞു. ഇത്​ അത്യന്തം അപകടകരമായ പോക്കാണ്​. ആർ.എസ്​.എസ്​ ഉയർത്തുന്ന നിലപാടുകൾക്ക്​​ അംഗീകാരം കൊടുക്കുന്നതാണിതെന്ന്​ കോൺഗ്രസ്​ മനസ്സിലാക്കണം. കോൺസ്രിന്​ ബി.ജെ.പിയെ ശരിയായി എതിർക്കാൻ കഴിയില്ല. കോൺഗ്രസ്​ എന്തു സമീപനം സ്വീകരിച്ചാലും ഇടതുപക്ഷം വർഗീയതയെയും വർഗീയ നിലപാടുകളെയും അതിരൂക്ഷമായി എതിർക്കും. പെരുമ്പാവൂർ എം.എൽ.എ രാമക്ഷേത്ര നിർമാണത്തിന്​ പണം കൊടുത്തതിനെക്കുറിച്ച ചോദ്യത്തോട്​ പ്രതികരിക്കുകയായിരുന്നു മുഖ്യമന്ത്രി.

കോൺഗ്രസിനുള്ള ഏറ്റവും വലിയ പരിമിതിയാണിത്​. പുതുച്ചേരിയിൽ എം.എൽ.എമാർ ചിലർ അപ്പുറം പോയി. ജയിച്ച കോൺഗ്രസ്​ എം.എൽ.എമാർ സർക്കാർ രൂപവത്​കരണത്തിനു മുമ്പുതന്നെ പോയി ബി.ജെ.പി സർക്കാറുണ്ടാക്കുന്നത്​ രാജ്യത്താകമാനം നടക്കുന്നു. ഏതെങ്കിലും പ്രശ്​നത്തിൽ രാജ്യത്ത്​ ഉറച്ച നിലപാട്​ വർഗീയതക്കെതി​െര സ്വീകരിക്കാൻ കോൺഗസിന്​ കഴിയു​ന്നുണ്ടോ? വർഗീയതയുമായി സമരസപ്പെട്ട്​ പോകാനാണ്​ അവർക്ക്​ താൽപര്യം. തങ്ങൾക്ക്​ ഇൗ വിഭാഗത്തി​െൻറ വോട്ട്​ നഷ്​ടപ്പെടുമെന്ന ചിന്തയാണുള്ളത്​​.

കേരളത്തിൽ അത്​ നടക്കാതിരുന്നത്​ ഇടതുപക്ഷം ശക്തമായതും മതനിരപേക്ഷതയോട്​ വിട്ടുവീഴ്​ച ചെയ്യാത്ത സമീപനം സ്വീകരിക്കുന്നതുംകൊണ്ടാണ്​. അതി​െൻറ അൽപം ചില സ്വാധീനം ഇവി​െട മറ്റുള്ളവരിലും കാണും. ദിഗ്​വിജയ്​ സിങ്ങിനെ പോ​െല പ്രധാനപ്പെട്ടവർ ചെയ്​ത കാര്യം ഇവിടത്തെ എം.എൽ.എയെ ചെയ്യുന്നത​ിേലക്ക്​ എത്തി. അതു ന്യായീകരിക്കാൻ, അനുകൂലിക്കുന്ന വലിയ നേതാക്കളുടെ പേരുതന്നെ പരാമർശിക്കുന്നു. അവരെല്ലാം ചെയ്​തു, ഇദ്ദേഹം ചെയ്​താൽ എന്തുകുഴപ്പം എന്ന്​ ചോദിക്കുന്നു. ഇവിടെയാണ്​ രണ്ടുകൂട്ടരും തമ്മിലെ വ്യത്യാസം കുറഞ്ഞുവരുന്നതെന്നും മുഖ്യമ​ന്ത്രി പറഞ്ഞു.