ഇടത്​ മതേതരസഖ്യത്തിൽ കോൺഗ്രസിന്​ ഇടമില്ല- പിണറായി

തൃ​ശൂർ: ദേശീയ തലത്തിൽ ബി.ജെ.പി.ക്കെതിരെ കോൺഗ്രസുമായി ചേർന്ന്​ രാഷ്​ട്രീയ ബദൽ വേണ്ട എന്ന പാർട്ടി കേരള ഘടകത്തി​​െൻറ നിലപാട്​ അണികളിൽ അടിച്ചുറപ്പിക്കാനുള്ള നീക്ക​േതാടെ സി.പി.എം. ജില്ല സ​േമ്മളനങ്ങൾക്ക്​ തുടക്കം കുറിച്ചു. തൃശൂർ, വയനാട്​ ജില്ല സമ്മേളനങ്ങളാണ്​ ആദ്യം തുടങ്ങിയിരിക്കുന്നത്​. തൃപ്രയാറിൽ നടന്ന തൃശൂർ ജില്ല സമ്മേളനം ഉദ്​ഘാടനം ചെയ്​ത മുഖ്യമന്ത്രി പിണറായി വിജയൻ ലോക്​സഭ തെര​െഞ്ഞടുപ്പിൽ കോൺഗ്രസിനെ കൂട്ട്​ പിടിച്ച്​ ബി.ജെ.പിയെ നേരിടുക എന്ന നയം സി.പി.എമ്മിന്​ ഇല്ലെന്ന്​ അർഥശങ്കക്കിടമില്ലാതെ  വ്യക്തമാക്കി. ശരിയായ നയനിലപാടി​​െൻറ അടിസ്​ഥാനത്തിലാവണം രാഷ്​​്ട്രീയ ബദൽ രൂപം കൊള്ളേണ്ടതെന്നും അതിൽ കോൺഗ്രസിന്​ സ്​ഥാനമി​ല്ലെന്നും അദ്ദേഹം പറഞ്ഞു.  

വയനാട്​ ജില്ല സമ്മേളനം ഉദ്​ഘാടനം ചെയ്​ത  പാർട്ടി സെക്രട്ടറി ​േകാടിയേരി ബാലകൃഷ്​ണനും ബി.ജെ.പി.ക്കെതിരെ കോൺഗ്രസുമായി തെര​െഞ്ഞടുപ്പ്​ സഖ്യമുണ്ടാക്കണമെന്ന പാർട്ടി സെക്രട്ടറി സീതാറാം ​െയച്ചൂരിയുടെ ലൈൻ തള്ളിയ കേരള ഘടകത്തി​​െൻറ നിലപാട്​ ആവർത്തിച്ച്​ ഉറപ്പിക്കുകയാണ്​ ചെയ്​തത്​. 

നവ ഉദാരവത്​കരണ നയം പിന്തുടരുന്ന  കോൺഗ്രസുമായി സി.പി.എമ്മുമായി കൂട്ടുണ്ടാക്കാനാവില്ല എന്ന്​ പിണറായി വിജയൻ പറഞ്ഞു. ‘ബി.ജെ.പിക്കെതിരെ ശക്തമായ രാഷ്​ട്രീയ നീക്കം വേണം. പക്ഷെ, ശരിയായ നയനിലപാടില്ലാത്ത കോൺഗ്രസുമായി ഏച്ചുകൂട്ടി ഉണ്ടാക്കുന്ന സംവിധാനത്തിലൂടെ ബി.ജെ.പിയെ പരാജയപ്പെടുത്താൻ നോക്കുന്നത്​ വസ്​തുതകൾക്ക്​ നിരക്കുന്നതല്ല. കോൺഗ്രസുമായി തെര​െഞ്ഞഞടുപ്പ്​ സഖ്യമുണ്ടാക്കേണ്ടെന്ന്​ 21ാം പാർട്ടി കോൺഗ്രസ്​ തന്നെ വ്യക്തമാക്കിയതാണ്​. അതിൽ നിന്ന്​ മാറ്റം വരുത്തേണ്ട സാഹചര്യം ഇത്​ വരെ രൂപപ്പെട്ടില്ല’^അദ്ദേഹം വ്യക്​തമാക്കി. ബി.ജെ.പി ക്കെതിരെ ഇടതുപക്ഷ ​െഎക്യമാണ്​ പാർട്ടി പ്രധാനമായി കാണുന്നത്​. ഇതിനായി ജനാധിപത്യ, മതനിരപേക്ഷ ശക്തികളെ സഖ്യമുണ്ടാക്കണം. അതിലും കോൺഗ്രസിന്​ ഇടമില്ല-പിണറായി വ്യക്തമാക്കി. 

േകാൺഗ്രസുമായി കൂട്ടുകൂടേണ്ട എന്ന നിലപാട്​ പ്രതിനിധി സമ്മേളന ചർച്ചയിൽ ​ചർച്ച ചെയ്​ത്​ ഉറപ്പാക്കുക എന്നതാണ്​ പാർട്ടി സംസ്​ഥാന നേതൃത്വത്തി​​െൻറ തീരുമാനം. ജില്ല സ​േമ്മളനങ്ങൾ ഫെബ്രുവരി ആദ്യവാരത്തിൽ സമാപിക്കും.