തെരഞ്ഞെടുപ്പുകൾ ഏകീകരിക്കാനുള്ള നീക്കം ഫെഡറൽ സംവിധാനം തകർക്കും -മുഖ്യമന്ത്രി

കണ്ണൂർ:  സംസ്​ഥാന തെരഞ്ഞെടുപ്പുകൾ ഏകീകരിക്കാനുള്ള നീക്കം ഫെഡറൽ സംവിധാനത്തെ തകർക്കുമെന്ന്​ മുഖ്യമന്ത്രി പിണറായി വിജയൻ. കേന്ദ്രസർക്കാറി​​​െൻറ ഇൗ നീക്കത്തെ സി.പി.എമ്മും ഇടതുപക്ഷപ്രസ്​ഥാനങ്ങളും എതിർക്കുമെന്നും അദ്ദേഹം വ്യക്​തമാക്കി. സി.പി.എം കണ്ണൂർ ജില്ല സമ്മേളനത്തി​​​െൻറ സമാപനസമ്മേളനം കണ്ണൂർ ജവഹർ സ്​റ്റേഡിയത്തിൽ ഉദ്​ഘാടനംചെയ്യുകയായിരുന്നു മുഖ്യമന്ത്രി. 

ഒാരോ സംസ്​ഥാനത്തെ തെരഞ്ഞെടുപ്പും അതത്​ ഘട്ടത്തിൽതന്നെ നടത്തണം. ഏകീകരിച്ച്​ തെരഞ്ഞെടുപ്പ്​ നടത്തുന്നത്​ പ്രായോഗികമ​െല്ലന്നും മുഖ്യമന്ത്രി പറഞ്ഞു. ഇടതുപക്ഷത്തെയും സി.പി.എമ്മിനെയും ദുർബലപ്പെടുത്താനാണ് ബി.ജെ.പിയുടെയും കോൺഗ്രസി​​​െൻറയും ശ്രമം. കമ്യൂണിസ്​റ്റുകൾക്കെതിരെ കോൺഗ്രസായിരുന്നു ആദ്യം ആക്രമണങ്ങൾക്ക്  തുടക്കമിട്ടത്. അതിനായി ഗുണ്ടാസംഘം തന്നെ പ്രവർത്തിച്ചു. അതിനുശേഷം ആർ.എസ്.​എസി​​െൻറ വരവുണ്ടായി. അക്രമത്തിലൂടെ ജനങ്ങളെ  ഭയപ്പെടുത്തി കീഴ്്പ്പെടുത്തുകയാണ് ബി.ജെ.പിയുടെ ലക്ഷ്യം. 

പലപ്പോഴും കോൺഗ്രസും ആർ.എസ്.​എസും ഒരേ മനസ്സോടെ, ഒരേ ശൈലിയോടെ  പ്രവർത്തിച്ചു. സി.പി.എമ്മിനെ വേട്ടയാടാൻ പരസ്​പരം ഒത്താശചെയ്തു. സി.പി.എം നേതാവിനെ വധിക്കാൻ ഗുണ്ടക്ക്​  തോക്കുനൽകി വിട്ടത് ഒരു കോൺഗ്രസ്​ നേതാവാണ്. ക്രൂരമായ ആക്രമണത്തിന് വിധേയമായിട്ടും ജീവിച്ചിരിക്കുന്ന അത്ഭുതങ്ങളാണ് ഇ.പി. ജയരാജനും  പി. ജയരാജനും. കേന്ദ്രസർക്കാറി​​െൻറ ഒത്താശയോടെ ഇടതുപക്ഷത്തെ ദുർബലപ്പെടുത്താൻ ശ്രമിക്കുകയാണ് ബി.ജെ.പി. കേരളത്തെ  അപകീർത്തിപ്പെടുത്താൻ തെറ്റായ പ്രചാരണം അഴിച്ചുവിടുന്നു. സി.പി.എമ്മിനെ പ്രവർത്തിക്കാൻ അനുവദിക്കില്ലെന്നാണ് ഇക്കൂട്ടരുടെ ശാഠ്യം. എന്നാൽ,  അങ്ങനെയൊന്നും ഇടിച്ചുതകർക്കാൻ കഴിയില്ലെന്ന് അമിത്​ ഷാക്ക് ബോധ്യമായി. മുട്ടിനോക്കിയപ്പോഴാണ്​ സി.പി.എമ്മി​​​െൻറ കരുത്ത്​ ബി.ജെ.പിക്ക്​  മനസ്സിലായത്​. അത്തരത്തിലാണ് കേരളത്തിലെ ജനങ്ങളുടെ പ്രതികരണങ്ങളെന്നും മുഖ്യമന്ത്രി കൂട്ടിച്ചേർത്തു.  

കേരളത്തിലും ത്രിപുരയിലും മാത്രം ശക്​തിയുള്ള സി.പി.എമ്മിനെയാണ്​ ബി.ജെ.പിയും ആർ.എസ്​.എസും മുഖ്യശത്രുവായി കാണുന്നത്​.  എല്ലാ സംസ്​ഥാനങ്ങളിലും ശക്​തിയുള്ള കോൺഗ്രസിനെ അവർ ശത്രുവായി കാണുന്നില്ല. വർഗീയതക്കെതിരെ വിട്ടുവീഴ്​ചയില്ലാത്ത പോരാട്ടം  നടത്തുന്നതാണ്​  സി.പി.എമ്മിനെ അവരു​െട മുഖ്യശത്രുവാക്കുന്നതെന്നും അദ്ദേഹം പറഞ്ഞു. ജില്ല സെക്രട്ടറി പി. ജയരാജൻ അധ്യക്ഷതവഹിച്ചു. സംസ്​ഥാന  സെക്രട്ടറി കോടിയേരി ബാലകൃഷ്​ണൻ സംസാരിച്ചു. എം. പ്രകാശൻ മാസ്​റ്റർ സ്വാഗതം പറഞ്ഞു.