സൈബര്‍ സേനയെ അഴിച്ചുവിട്ടത് പിണറായിയെന്ന് കെ. സുധാകരന്‍

തിരുവനന്തപുരം: സൈബറിടത്ത് കൊലവിളിയും വ്യക്തിഹത്യയും നടത്തുന്ന സി.പി.എം സൈബര്‍ സേനയുടെ സംരക്ഷകനാണ്​ മുഖ്യമന്ത്രി പിണറായി വിജയനെന്ന് കെ.പി.സി.സി പ്രസിഡന്റ് കെ. സുധാകരന്‍. മുന്‍ മുഖ്യമന്ത്രി ഉമ്മന്‍ ചാണ്ടിയെയും കോണ്‍ഗ്രസ് നേതാക്കളെയും സൈബര്‍ ആക്രമണത്തിലൂടെ അരിഞ്ഞുവീഴ്ത്താന്‍ ക്രിമിനലുകളെ പോറ്റിവളര്‍ത്തുന്നയാൾ ഇപ്പോള്‍ കോൺ​​ഗ്രസുകാർ സൈബര്‍ ആക്രമണം നടത്തുന്നതായി വിലപിക്കുന്നെന്നും അദ്ദേഹം പറഞ്ഞു.

തെരഞ്ഞെടുപ്പ് വിദഗ്ധന്‍ പ്രശാന്ത് കിഷോറുമായി മുഖ്യമന്ത്രി പല തവണ നടത്തിയ ചര്‍ച്ച എന്തിനു വേണ്ടിയായിരുന്നെന്നും സുധാകരന്‍ ചോദിച്ചു.