വിൽക്കാനുണ്ട് ‘നവകേരള സ്വപ്നങ്ങൾ’; ഭരണത്തുടർച്ചക്ക് പിണറായി

കൊ​ല്ലം: ച​രി​ത്ര​ത്തി​ലാ​ദ്യ​മാ​യി തു​ട​ർ​ഭ​ര​ണം നേ​ടി​യ മു​ഖ്യ​മ​ന്ത്രി​യെ​ന്ന പെ​രു​മ​യി​ൽ​നി​ന്ന് മൂ​ന്നാം തു​ട​ർ​ഭ​ര​ണ​ത്തി​ലൂ​ടെ ‘ഇ​തി​ഹാ​സ’​മാ​യി ഉ​യ​രു​ക​യാ​ണ് പി​ണ​റാ​യി വി​ജ​യ​ന്റെ സ്വ​പ്നം. കേ​ര​ള രാ​ഷ്ട്രീ​യ​ത്തി​ൽ നാ​ളി​തു​വ​രെ ആ​ർ​ക്കും എ​ത്തി​പ്പി​ടി​ക്കാ​നാ​യി​ട്ടി​ല്ലാ​ത്ത ആ ​നേ​ട്ട​ത്തി​ലേ​ക്ക് വ​ഴി​യൊ​രു​ക്കാ​ൻ അ​ദ്ദേ​ഹം സ്വ​പ്ന​ങ്ങ​ൾ വാ​രി​യെ​റി​യു​ക​യാ​ണ്. കൊ​ല്ലം സം​സ്ഥാ​ന സ​മ്മേ​ള​ന​ത്തി​ൽ അ​വ​ത​രി​പ്പി​ച്ച ‘ന​വ​കേ​ര​ള​ത്തെ ന​യി​ക്കാ​ൻ പു​തു​വ​ഴി​ക​ൾ’ രേ​ഖ പാ​ർ​ട്ടി​യെ​യും ജ​ന​ങ്ങ​ളെ​യും തു​ട​ർ​ന്നും പാ​ട്ടി​ലാ​ക്കാ​നു​ള്ള തു​റു​പ്പു​ശീ​ട്ടാ​ണ്.

2024 ലോ​ക്സ​ഭാ തെ​ര​ഞ്ഞെ​ടു​പ്പി​ൽ വ​മ്പ​ൻ തോ​ൽ​വി​യാ​ണ് സി.​പി.​എം കേ​ര​ള​ത്തി​ൽ ഏ​റ്റു​വാ​ങ്ങി​യ​ത്. നൂ​റി​ലേ​റെ നി​യ​മ​സ​ഭാ മ​ണ്ഡ​ല​ങ്ങ​ളി​ൽ പി​ന്നി​ലാ​യി​രു​ന്നു ഇ​ട​തു​മു​ന്ന​ണി. അ​ന്ന് പാ​ർ​ട്ടി ക​മ്മി​റ്റി​ക​ളി​ൽ പി​ണ​റാ​യി വി​ജ​യ​നും ഭ​ര​ണ​വും നേ​രി​ട്ട് വി​മ​ർ​ശി​ക്ക​പ്പെ​ട്ടു. പി​ണ​റാ​യി പാ​ർ​ട്ടി​യി​ൽ പി​ടി​മു​റു​ക്കി​യ കാ​ൽ​നൂ​റ്റാ​ണ്ടി​നി​ടെ​യു​ള്ള ഏ​റ്റ​വും ക​ടു​ത്ത ആ​ക്ര​മ​ണ​മെ​ന്നു​വ​രെ അ​ത് വി​ശേ​ഷി​പ്പി​ക്ക​പ്പെ​ട്ടു. മാ​സ​ങ്ങ​ൾ​ക്കി​പ്പു​റം കൊ​ല്ലം സ​മ്മേ​ള​ന​വേ​ദി​യി​ൽ കാ​ര്യ​ങ്ങ​ൾ നേ​ർ​വി​പ​രീ​ത​മാ​ണ്. പി​ണ​റാ​യി​ക്കു​നേ​രെ ചോ​ദ്യ​ങ്ങ​ളി​ല്ല. മാ​ത്ര​മ​ല്ല, പി​ണ​റാ​യി പ​റ​യു​ന്നി​ട​ത്താ​ണ് കാ​ര്യ​ങ്ങ​ൾ.

ഇ​തെ​ങ്ങ​നെ സാ​ധി​ച്ചെ​ടു​ത്തു​വെ​ന്ന​തി​നു​ള്ള ഉ​ത്ത​ര​മാ​ണ് പി​ണ​റാ​യി മു​ന്നോ​ട്ടു​വെ​ച്ച ന​വ​കേ​ര​ള സ്വ​പ്ന​ങ്ങ​ൾ. മു​ഖ്യ​മ​ന്ത്രി​യു​ടെ നേ​തൃ​ത്വ​ത്തി​ൽ പ്ര​ത്യേ​ക സം​ഘം ചേ​ർ​ന്നെ​ഴു​തി​യ​താ​ണ് പു​തു​വ​ഴി​രേ​ഖ. 41 പേ​ജു​ക​ളു​ള്ള ഈ ​രേ​ഖ​യി​ലെ കാ​ര്യ​ങ്ങ​ൾ ന​ട​പ്പാ​കു​ന്ന​പ​ക്ഷം കേ​ര​ളം ഇ​ന്ന​ത്തെ കേ​ര​ള​മാ​യി​രി​ക്കി​ല്ലെ​ന്നു​റ​പ്പ്.

ഏ​തു മ​ല​യാ​ളി​യും കൊ​തി​ക്കു​ന്ന ആ ​നാ​ളു​ക​ളെ​ക്കു​റി​ച്ചു​ള്ള സ്വ​പ്നം പൊ​തു​ജ​ന​ങ്ങ​ളി​ൽ പ്ര​തി​ഷ്ഠി​ച്ച് പാ​ർ​ട്ടി​ക്കൊ​പ്പം നി​ർ​ത്താ​നാ​കു​മെ​ന്നാ​ണ് പി​ണ​റാ​യി ക​ണ​ക്കു​കൂ​ട്ടു​ന്ന​ത്. മൂ​ന്നാം തു​ട​ർ​ഭ​ര​ണം പി​ടി​ക്കാ​ൻ മ​റ്റൊ​രു പ്ര​തീ​ക്ഷ മു​ന്നി​ലി​ല്ലാ​ത്ത പാ​ർ​ട്ടി​ക്ക് പി​ണ​റാ​യി​യു​ടെ പി​ന്നി​ൽ നി​ൽ​ക്കു​ക​യേ വ​ഴി​യു​ള്ളൂ.

പി​ണ​റാ​യി​ക്ക് മു​ന്നി​ൽ പാ​ർ​ട്ടി​യു​ടെ വി​ധേ​യ​പ്പെ​ട​ൽ കൊ​ല്ലം സ​മ്മേ​ള​ന​ത്തി​ൽ പ​ക​ൽ​പോ​ലെ വ്യ​ക്ത​മാ​ണ്. സ​മ്മേ​ള​ന​ത്തി​ലെ പ്ര​ധാ​ന രേ​ഖ​യാ​യ പ്ര​വ​ർ​ത്ത​ന റി​പ്പോ​ർ​ട്ടി​നെ​ക്കാ​ൾ പ്ര​ധാ​ന്യ​മാ​ണ് പി​ണ​റാ​യി​യു​ടെ പു​തു​വ​ഴി രേ​ഖ​ക്ക് ല​ഭി​ച്ച​ത്.

ഇ​ങ്ങ​നെ​യൊ​രു രേ​ഖ വ​രു​ന്നു​വെ​ന്ന് പെ​രു​മ്പ​റ കൊ​ട്ടി​യ​തും അ​ത് വ​ലി​യ മാ​റ്റ​ങ്ങ​ളു​ണ്ടാ​ക്കാ​ൻ പോ​കു​ന്നു​വെ​ന്ന് പ​റ​ഞ്ഞ​തും പാ​ർ​ട്ടി സെ​ക്ര​ട്ട​റി​യ​ട​ക്ക​മു​ള്ള മു​തി​ർ​ന്ന നേ​താ​ക്ക​ളാ​ണ്. ലോ​ക്സ​ഭാ തോ​ൽ​വി​യി​ൽ പാ​ർ​ട്ടി​യി​ൽ പ്ര​തി​ക്കൂ​ട്ടി​ലാ​യ പി​ണ​റാ​യി ന​വ​കേ​ര​ള പു​തു​വ​ഴി രേ​ഖ​യി​ലൂ​ടെ വീ​ണ്ടും പാ​ർ​ട്ടി​ക്കാ​രു​ടെ ‘ക്യാ​പ്റ്റ​നാ’​യി മാ​റു​ന്ന​താ​ണ് കൊ​ല്ല​ത്ത് കാ​ണു​ന്ന​ത്.

വീ​ണ്ടും ന​യി​ക്ക​ണ​മെ​ങ്കി​ൽ 79കാ​ര​നാ​യ പി​ണ​റാ​യി​ക്ക് പാ​ർ​ട്ടി​യി​ൽ​നി​ന്ന് ര​ണ്ടു പ്ര​ധാ​ന ഇ​ള​വ് നേ​ട​ണം. 75 വ​യ​സ്സ് പ്രാ​യ​പ​രി​ധി, തു​ട​ർ​ച്ച​യാ​യി ര​ണ്ടു​ത​വ​ണ മ​ത്സ​രി​ച്ച് ജ​യി​ച്ച​വ​ർ വീ​ണ്ടും മ​ത്സ​രി​ക്കേ​ണ്ട​തി​ല്ല എ​ന്നീ ഇ​ള​വു​ക​ൾ ഇ​ന്ന​ത്തെ സാ​ഹ​ച​ര്യ​ത്തി​ൽ പി​ണ​റാ​യി​ക്ക് ഉ​റ​പ്പാ​ണ്. ആ ​നി​ല​യി​ൽ ഇ​തു​വ​രെ പി​ണ​റാ​യി​യു​ടെ ക​രു​നീ​ക്ക​ങ്ങ​ൾ കൃ​ത്യ​മാ​ണ്. പാ​ർ​ട്ടി​ക്ക് മു​ന്നി​ൽ​വെ​ച്ച മൂ​ന്നാം തു​ട​ർ​ഭ​ര​ണ സ്വ​പ്നം നേ​തൃ​ത്വം ക​ണ്ണ​ട​ച്ച് ഏ​റ്റെ​ടു​ത്തു​ക​ഴി​ഞ്ഞു. പി​ണ​റാ​യി​യു​ടെ പു​തു​വ​ഴി​രേ​ഖ മു​ന്നോ​ട്ടു​വെ​ക്കു​ന്ന ന​വ​കേ​ര​ള സ്വ​പ്നം പൊ​തു​ജ​നം ഏ​റ്റെ​ടു​ക്കു​മോ​യെ​ന്ന​ത് ക​ണ്ട​റി​യ​ണം.