പാലാ: പരാജയ കാരണം തമ്മിലടിയല്ല -പി.ജെ. ജോസഫ്​

കോട്ടയം: പാലാ ഉപതെരഞ്ഞെടുപ്പിലെ പരാജയ കാരണം കേരളാ കോൺഗ്രസിലെ തമ്മിലടിയാണെന്ന യു.ഡി.എഫിൻെറ വിലയിരുത്തൽ ശരി യല്ലെന്ന്​​ പി.ജെ ജോസഫ്​. പാലായിലെ തോൽവിയുടെ യഥാർഥ ഉത്തരവാദി ആരാണെന്ന്​ യു.ഡി.എഫ്​ കണ്ടെത്തണം. ജനങ്ങൾ ആർക്കൊപ്പമാണെന്ന്​ യു.ഡി.എഫ്​ മനസിലാക്കണമെന്നും പി.ജെ. ജോസഫ്​ പറഞ്ഞു.

ജോസ്​ കെ. മാണി ധാർഷ്​ട്യം മാറ്റണം. ചിഹ്​നത്തിൻെറ പ്രാധാന്യം പോലും ജോസ്​ മനസിലാക്കിയില്ല. എൻ.ജയരാജും റോഷി അഗസ്​റ്റിനും തിരിച്ച്​ വരണമെന്നും അദ്ദേഹം ആവശ്യപ്പെട്ടു.

അതേസമയം, പാലാ ഉപതെരഞ്ഞെടുപ്പ്​ പരാജയത്തിൽ ജോസ്​ കെ.മാണി വിഭാഗത്തെ കുറ്റപ്പെടുത്തി സജി മഞ്ഞക്കടമ്പിൽ രംഗത്തെത്തി. ജോസ്​ കെ.മാണിയുടെ നാക്കും ജോസ്​ ടോമിൻെറ അഹന്തയുമാണ്​ പരാജയ കാരണമെന്ന്​ സജി മഞ്ഞക്കടമ്പിൽ കുറ്റപ്പെടുത്തി.