യുവതികളുടെ ദർശനം: നിയമപരമായി അനുവദിച്ചത്​- പി.ജയരാജൻ

ഗുരുവായൂർ: ശബരിമലയിൽ രണ്ട് സ്ത്രീകൾ ദർശനം നടത്തിയത് നിയമപരമായി അനുവദനീയമായ കാര്യം മാത്രമാണെന്ന് സി.പി.എം കണ്ണൂർ ജില്ല സെക്രട്ടറി പി. ജയരാജൻ. പൊലീസ് ചെയ്യേണ്ട കാര്യമാണ് ചെയ്തതെന്നും ജയരാജൻ പറഞ്ഞു. ഗുരുവായുരിൽ മാധ്യമ പ്രവർത്തകരോട്​ സംസാരിക്കുകയായിരുന്നു ജയരാജൻ.

നട അടക്കുന്നതുപോലുള്ള കാര്യങ്ങളിൽ നിലപാടെടുക്കേണ്ടത് ദേവസ്വം ബോർഡാണെന്നും അദ്ദേഹം കൂട്ടിച്ചേർത്തു. മലബാർ ദേവസ്വം ബോർഡ് പ്രസിഡൻറ്​ ഒ.കെ. വാസുവിൻറ സത്യപ്രതിജ്ഞയിൽ പങ്കെടുക്കാനാണ്​ അദ്ദേഹം ഗുരുവായുരിലെത്തിയത്​.