ഡോളർ കടത്ത് കേസ്: സംശയം ഇല്ലാതാകുന്നത് വരെ സ്പീക്കർ പദവിയിൽ നിന്ന് മാറണം -പി.കെ. ഫിറോസ്
text_fieldsകോഴിക്കോട്: പലനാൾ കള്ളൻ ഒരുനാൾ പിടിയിലെന്ന സൂചനയാണ് ഡോളർ കടത്ത് കേസിൽ സ്പീക്കറെ ചോദ്യം ചെയ്യുമെന്ന വാർത്തയിലൂടെ പുറത്തു വരുന്നതെന്ന് യൂത്ത് ലീഗ് സംസ്ഥാന സെക്രട്ടറി പി.കെ. ഫിറോസ്. സ്വർണക്കടത്ത് കേസുമായി ബന്ധപ്പെട്ട ഡോളർ കടത്ത് കേസിൽ പി. ശ്രീരാമകൃഷ്ണനെ കസ്റ്റംസ് ചോദ്യം ചെയ്യുമെന്ന വാർത്തയോട് പ്രതികരിക്കുകയായിരുന്നു അദ്ദേഹം.
മാധ്യമ വാർത്ത ശരിയാണെങ്കിൽ സ്പീക്കർ പദവി രാജിവെക്കണം. രാഷ്ട്രീയത്തിന് അതീതമായി കാണുന്ന ഭരണഘടനാ പദവിയാണ് സ്പീക്കറുടേത്. സ്പീക്കർക്കെതിരെ സംശയമാണ് ഉയരുന്നതെങ്കിൽ പോലും സംശയം ഇല്ലാതാകുന്നത് വരെ പദവിയിൽ ഇരിക്കാൻ പാടില്ലെന്നും ഫിറോസ് ചൂണ്ടിക്കാട്ടി.
സ്വർണക്കടത്ത് കേസുമായി ബന്ധപ്പെട്ട ഡോളർ കടത്ത് കേസിൽ സ്പീക്കർ പി. ശ്രീരാമകൃഷ്ണനെ കസ്റ്റംസ് ചോദ്യം ചെയ്യുമെന്ന് വാർത്താ ചാനൽ റിപ്പോർട്ട് ചെയ്തിരുന്നു. ഡോളർ അടങ്ങിയ ബാഗ് കോൺസുലേറ്റ് ഒാഫീസിൽ എത്തിക്കാൻ സ്പീക്കർ ആവശ്യപ്പെട്ടെന്ന മൊഴി പ്രതികളായ സ്വപ്നയും സരിത്തുമാണ് കസ്റ്റംസ് സംഘത്തിന് നൽകിയത്.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.