പിണറായി സർക്കാർ ലക്ഷണമൊത്ത ഫാസിസ്റ്റ് ഗവൺമെൻറ്​ -പി.കെ. കൃഷ്​ണദാസ്​

കൊച്ചി: പിണറായി വിജയൻ സർക്കാർ ലക്ഷണമൊത്ത ഫാസിസ്റ്റ് ഗവൺമ​​​​െൻറാണെന്ന് ബി.ജെ.പി ദേശീയ നിര്‍വാഹക സമിതിയംഗം​ പി.കെ. കൃഷ്​ണദാസ്. എതിർശബ്ദത്തെ മുഖ്യമന്ത്രിയും സർക്കാരും നിശബ്ദരാക്കാൻ ശ്രമിക്കുകയാണെന്നും സർക്കാരിനെതിരെ നിലപാട് സ്വീകരിച്ചവരെ വെച്ചു പൊറുപ്പിക്കി​െല്ലന്ന നടപടിയാണ് സർക്കാർ സ്വീകരിക്കുന്നതെന്നും കൃഷ്​ണദാസ് ആരോപിച്ചു.

വിശ്വാസികൾക്കൊപ്പം നിൽക്കുന്ന എൻ.എസ്.എസിനെതിരെ സി.പി.എം വ്യാപക അക്രമം നടത്തുകയാണ്​. തീർത്ഥാടനത്തെ നിരോധിക്കുകയെന്ന ഹിഡൻ അജണ്ടയാണ് സർക്കാർ നടപ്പാക്കുന്നത്​. സർക്കാർ സർവ്വകക്ഷി യോഗം വിളിച്ചത് ആത്മാർത്ഥയോടെ ആണെങ്കിൽ ബി.ജെ.പി സ്വാഗതം ചെയ്യുന്നുവെന്നും മറിച്ച് സി.പി.എം അജണ്ട നടപ്പാക്കാനാ​െണങ്കിൽ അധര വ്യായാമം മാത്രമാകുമെന്നും കൃഷ്ണദാസ് പറഞ്ഞു.

ശ്രീധരൻ പിള്ളക്കെതിരെ കേസെടുക്കാൻ ശ്രമിക്കുന്നത് സ്ഥാപിത താൽപ്പര്യത്തി​​​​​െൻറ ഭാഗമാണ്​. രഹ്ന ഫാത്തിമയെ സന്നിധാനത്ത് എത്തിച്ചത് സി.പി.എമ്മും സർക്കാരും ചേർന്നാണെന്നും വെള്ളിയാഴ്ച്ച തന്നെ അതിന് ശ്രമിച്ചത് ഹിന്ദു-മുസ്​ലിം വർഗീയ ലഹള ലക്ഷ്യമിട്ടാണെന്നും അദ്ദേഹം​ ആരോപിച്ചു.

സി.പി.എമ്മി​​​​​െൻറ ഹിഡൻ അജണ്ടയുടെ ഭാഗമായിരുന്നു അത്​​. ജാതീയ കലാപമായി ഇതിനെ മാറ്റാനാണ് മുഖ്യമന്ത്രി ശ്രമിക്കുന്നത്. ശബരിമലയെ സവർണ-അവർണ പ്രശ്നമാക്കാനാണ് ശ്രമിക്കുന്നത്. ക്ഷേത്ര പ്രവേശന വിളംബരത്തെ വികൃതമാക്കി ജാതീയ കലാപത്തിനുള്ള ശ്രമങ്ങളാണ് നടക്കുന്നതെന്നും ഇതിനെതിരെ മുഖ്യമന്ത്രിക്കെതിരെ കേസെടുക്കണമെന്നാണ് ബി.ജെ.പി ആവശ്യപ്പെടുന്നതെന്നും കൃഷ്​ണദാസ്​ പറഞ്ഞു.