ത്രിപുരയോടെ ലീഗ്​ സി.പി.എമ്മിനേക്കാൾ വലിയ പാർട്ടിയായെന്ന്​ കുഞ്ഞാലിക്കുട്ടി

ന്യൂഡൽഹി: രാജ്യത്തെ പുതിയ രാഷ്​ട്രീയ സാഹചര്യത്തിൽ ബി.ജെ.പിയെ നേരിടാൻ കേന്ദ്രത്തിൽ മൂന്നാം മുന്നണിക്കും കേരളത്തിൽ സി.പി.എമ്മിനും കഴിയില്ലെന്ന്​ മുസ്​ലിംലീഗ്​. ത്രിപുരയിലെ സി.പി.എമ്മി​​​െൻറ പരാജയത്തോടെ ദേശീയ തലത്തിൽ ഇപ്പോൾ മുസ്​ലിം ലീഗ്​ സി.പി.എമ്മിനേക്കാൾ വലിയ പാർട്ടിയായെന്നും മുസ്​ലിം ലീഗ്​ നേതാവ്​ പി.കെ കുഞ്ഞാലിക്കുട്ടി എം.പി വാർത്താസമ്മേളനത്തിൽ പറഞ്ഞു. ബി.ജെ.പിക്കെതിരായ പ്രതിപക്ഷ മുന്നണിയെ നയിക്കാൻ കോൺഗ്രസിനേ കഴിയൂ എന്നും ഇക്കാര്യം മറ്റു പ്രതിപക്ഷ കക്ഷികളെ തെര്യപ്പെടുത്താൻ മുസ്​ലിം ലീഗ്​ സ്വന്തം നിലക്ക്​ ശ്രമിക്കുമെന്നും കുഞ്ഞാലിക്കുട്ടി പറഞ്ഞു.

സി.പി.എം അടക്കമുള്ള കക്ഷികൾ ഇക്കാര്യം ഉൾ​െകാണ്ട്​ ദേശീയ തലത്തിൽ ബി.ജെ.പിക്കെതിരായ ഒരുമിച്ച മുന്നേറ്റത്തിന്​ തയാറാകണം. കോൺഗ്രസിന്​ ശക്​തിയുള്ള സംസ്​ഥാനങ്ങളിൽ മറ്റു സഖ്യകക്ഷികളെ കൂട്ടി കോൺഗ്രസും വിട്ടുവീഴ്​ച കാണിക്കണം.അതേസമയം ത്രിപുരയിലെ പരാജയത്തോടെ തങ്ങളാണ്​ ഫാസിസ്​റ്റുകളെ ചെറുക്കാനുള്ളതെന്ന സി.പി.എം വാദം തെറ്റാണെന്ന്​ തെളഞ്ഞതായി കുഞ്ഞാലിക്കുട്ടി പറഞ്ഞു. ദേശീയ പദവി ഇല്ലാത്ത സി.പി.എമ്മും മുസ്​ലിംലീഗും ഒരു പോലെയായി. കേരളത്തിന്​ പുറമെ തമിഴ്​നാട്ടിലും നിയമസഭയിൽ തങ്ങൾക്ക്​ പ്രാതിനിധ്യമുണ്ട്​. ആ നിലക്ക്​ സി.പിഎമ്മിനേക്കാൾ വലിയ പാർട്ടിയായി ലീഗെന്നും കുഞ്ഞാലിക്കുട്ടി കൂട്ടിച്ചേർത്തു.

മാർച്ച്​ എട്ടിന്​ ലോക വനിതാദിനത്തിൽ വനിതാ ലീഗ്​ അഖിലേന്ത്യാ കമ്മിറ്റി മുസ്​ലിംകളെ ക്രിമിനലുകളാക്കുന്ന മുത്തലാഖിനെതിരെ പാർലമ​​െൻറിലേക്ക്​ മാർച്ച്​ നടത്തുമെന്ന്​ വനിതാ ലീഗ്​ അഖിലേന്ത്യാ പ്രസിഡൻറ്​ നൂർബിന  റഷീദ്​ വാർത്താ സമ്മേളനത്തിൽ അറിയിച്ചു. ഇ.ടി മുഹമ്മദ്​ ബഷീർ, പി.വി അബ്​ദുൽവഹാബ്​, വനിതാ ലീഗ്​ സൗത്ത്​ സോണൽ സെക്രട്ടറി ജയന്തി രാജൻ എന്നിവർ വാർത്താസമ്മേളനത്തിൽ പ​െങ്കടുത്തു.ത്രിപുരയിൽ ബി.ജെ.പിക്ക്​ ഭരണം ലഭിച്ചുവെങ്കിലും മേഘാലയയിൽ കോൺഗ്രസ്​ ഒറ്റകക്ഷിയായത്​ ചെറിയ കാര്യമല്ല എന്ന്​ കുഞ്ഞാലിക്കുട്ടി പറഞ്ഞു.  കൈയ്യൂക്കും പണവുമുപയോഗിച്ച്​ ഭരണം ബി.​ജെ.പി നേടിയതിൽ കാര്യമില്ല. തങ്ങൾക്ക്​ ലഭിച്ച കുറച്ച്​ ശതമാനത്തെ വലുതാക്കി പെരുപ്പിച്ചുകാണിക്കുകയാണ്​ ശരിക്കും ബി.ജെ.പി ചെയ്യുന്നത്​. അതേ സമയം വടക്കേ ഇന്ത്യയിൽ ഇൗയിടെ കഴിഞ്ഞ ഉപതെരഞ്ഞെടുപ്പുകളിലെല്ലാം കോൺഗ്രസ്​ മിന്നുന്ന പ്രകടനമാണ്​ കാഴ്​ചവെച്ചത്​.