ഉത്തരേന്ത്യയിൽ ബി.ജെ.പി പയറ്റുന്ന രാഷ്ട്രീയമാണ് കേരളത്തിൽ സി.പി.എം പരീക്ഷിക്കുന്നത്; വിജയരാഘവനെതിരെ കുഞ്ഞാലിക്കുട്ടി

കോഴിക്കോട്: രാഹുൽ ഗാന്ധിയുടെ വയനാട്ടിലെ വിജയം മുസ്‍ലിം വർഗീയ ചേരിയുടെ പിന്തുണയോടെ ആണെന്ന സി.പി.എം പോളിറ്റ് ബ്യൂറോ അംഗം എ. വിജയരാഘവന്റെ പ്രസ്താവനക്കെതിരെ പി.കെ. കുഞ്ഞാലിക്കുട്ടി. സി.പി.എം ഭൂരിപക്ഷ വർഗീയത ഇളക്കിവിടുകയാണ്. ക്രൂരമായ പരാമർശമാണ് വിജയരാഘവന്റെത്. ഉത്തരേന്ത്യയിൽ ബി.ജെ.പി കൊണ്ടുനടക്കുന്ന രാഷ്ട്രീയമാണ് സി.പി.എം കേരളത്തിൽ പരീക്ഷിക്കുന്നതെന്നും കുഞ്ഞാലിക്കുട്ടി വിമർശിച്ചു.

വോട്ടു ചോരുമെന്ന ആധിയാണവരെ ഇങ്ങനെ പച്ചക്ക് വർഗീയത പറയാൻ പ്രേരിപ്പിക്കുന്നത്. ഇത് കേരളമാണെന്നും കുഞ്ഞാലിക്കുട്ടി ഓർമപ്പെടുത്തി. വർഗീയത പറഞ്ഞാൽ കേരളത്തിൽ വിപരീത ഫലമാണ് ഉണ്ടാവുക. വയനാട്ടിലെ വോട്ടർമാരെ മൊത്തം തള്ളിപ്പറയുന്ന രീതിയാണ് വിജയരാഘവന്റെതെന്നും കുഞ്ഞാലിക്കുട്ടി ആരോപിച്ചു.

വാ തുറന്നാൽ വർഗീയത മാത്രം പറയുന്ന വിജയരാഘവൻ വർഗീയ രാഘവനായി മാറിയെന്നായിരുന്നു വിവാദത്തിൽ മുസ്‍ലിം ​ലീഗ് നേതാവ് കെ.എം. ഷാജിയുടെ പ്രതികരണം. ആർ.എസ്.എസ് പോലും പറയാന്‍ മടിക്കുന്നതാണ് വിജയരാഘവന്‍ പറയുന്നത്.വര്‍ഗീയത പറയുന്നതിന് രാഷ്ട്രീയ ജീവതത്തില്‍ കിട്ടാവുന്ന ഏറ്റവും മികച്ച മറുപടി തരാനാണ് ഒരുങ്ങി നില്‍ക്കുന്നതെന്നും കെ.എം. ഷാജി കൂട്ടിച്ചേര്‍ത്തു.

രാ​ഹു​ൽ ഗാ​ന്ധിയും പ്രിയങ്ക ഗാന്ധിയും വ​യ​നാ​ട് ലോ​ക്സ​ഭ മ​ണ്ഡ​ല​ത്തി​ൽ​ നി​ന്ന് വി​ജ​യി​ച്ച് ഡ​ൽ​ഹി​യി​ൽ എ​ത്തി​യ​ത് മു​സ്‍ലിം വ​ർ​ഗീ​യ ചേ​രി​യു​ടെ ദൃ​ഢ​മാ​യ പി​ന്തു​ണ​യോ​ടെ​യാ​ണെ​ന്നാണ് വി​ജ​യ​രാ​ഘ​വ​ൻ പറഞ്ഞത്. സി.​പി.​എം വ​യ​നാ​ട് ജി​ല്ല സ​മ്മേ​ള​ന​ത്തി​ന്‍റെ പ്ര​തി​നി​ധി സ​മ്മേ​ള​നം ഉ​ദ്ഘാ​ട​നം ചെ​യ്യവെയായിരുന്നു വിജയരാഘവന്‍റെ വിവാദ പരാമർശം.അ​വ​രു​ടെ പി​ന്തു​ണ ഇ​ല്ലെ​ങ്കി​ൽ രാ​ഹു​ൽ ഗാ​ന്ധി ജ​യി​ക്കു​മാ​യി​രു​ന്നി​ല്ല. പ്രി​യ​ങ്ക ഗാ​ന്ധി​യു​ടെ ഓ​രോ ഘോ​ഷ​യാ​ത്ര​യു​ടെ മു​ന്നി​ലും പി​ന്നി​ലും ന്യൂ​ന​പ​ക്ഷ വ​ർ​ഗീ​യ​ത​യി​ലെ ഏ​റ്റ​വും മോ​ശ​പ്പെ​ട്ട വ​ർ​ഗീ​യ, തീ​വ്ര​വാ​ദ ഘ​ട​ക​ങ്ങ​ൾ ആ​യി​രു​ന്നു​വെ​ന്നും വി​ജ​യ​രാ​ഘ​വ​ൻ ആ​രോ​പി​ച്ചു.