മുത്തലാഖ്: വിശദീകരണം തൃപ്​തികരം; വിവാദം അവസാനിപ്പിക്കണമെന്ന്​ ഹൈദരലി തങ്ങൾ

മലപ്പുറം: മുത്തലാഖ് ചർച്ചയിലും വോ​െട്ടടുപ്പിലും പ​െങ്കടുക്കാതിരുന്നതിന്​ പി.കെ. കുഞ്ഞാലിക്കുട്ടി നല്‍കിയ വിശദീകരണം തൃപ്തികരമെന്ന് മുസ്​ലിം ലീഗ്​ രാഷ്​​ട്രീയകാര്യസമിതി ചെയർമാനും സംസ്ഥാന പ്രസിഡൻറുമായ ഹൈദരലി ശിഹാബ് തങ്ങൾ. വിഷയത്തില്‍ കുഞ്ഞാലിക്കുട്ടി വിശദീകരണം നല്‍കിയതിന് പിന്നാലെയാണ് തങ്ങളുടെ പ്രതികരണം. വിവാദം അവസാനിപ്പ ിക്കണമെന്നും അദ്ദേഹം അറിയിച്ചു.

രാജ്യസഭയില്‍ തിങ്കളാഴ്ച മുത്തലാഖ് ബില്‍ പരിഗണിക്കുമ്പോള്‍ ലീഗ്​ അംഗം പി.വ ി. അബ്​ദുൽ വഹാബ്​ എതിർത്ത്​ വോ​ട്ടുചെയ്യും. രാജ്യസഭയിൽ ബിൽ പാസാകില്ലെന്നാണ് പ്രതീക്ഷയെന്നും അങ്ങനെയെങ്കിൽ ആക്ഷേപങ്ങൾ അവസാനിക്കുമെന്നും തങ്ങൾ വ്യക്​തമാക്കി. ഇത്തരം സംഭവങ്ങൾ ആവർത്തിക്കാതിരിക്കാൻ മുഴുവൻ ജനപ്രതിനിധികളും ജാഗ്രതയോടെ പ്രവർത്തിക്കണം.

മുത്തലാഖ് ബില്‍ ചര്‍ച്ചക്ക്​ പി.കെ. കുഞ്ഞാലിക്കുട്ടി പാർല​െമൻറിൽ എത്താതിരുന്ന വിഷയം മുസ്​ലിം ലീഗ് ചര്‍ച്ച ചെയ്യുമെന്ന്​ ഞായറാഴ്​ച രാവിലെ ഹൈദരലി തങ്ങൾ മാധ്യമങ്ങളോട്​ പറഞ്ഞിരുന്നു. കുഞ്ഞാലിക്കുട്ടിയുടെ വിശദീകരണം ലഭ്യമായിട്ടില്ലെന്നും കിട്ടിയാലുടൻ പാര്‍ട്ടി കമ്മിറ്റി വിളി​ച്ച്​​ വിഷയം ചർച്ച ചെയ്യുമെന്നും അദ്ദേഹം വ്യക്​തമാക്കിയിരുന്നു. എന്നാൽ, കുഞ്ഞാലിക്കുട്ടിയുമായുള്ള കൂടിക്കാഴ്​ചക്കുശേഷം വൈകീ​േട്ടാടെ ഹൈദരലി തങ്ങൾ നിലപാടിൽ മാറ്റംവരുത്തി പ്രസ്​താവന ഇറക്കുകയായിരുന്നു.

വോട്ടെടുപ്പില്‍ പങ്കെടുക്കാതെ വിട്ടുനിന്നത് ചന്ദ്രികയുടെ ഗവേണിങ്​ ബോഡിയിൽ പങ്കെടുക്കാനാണെന്നും വിവാഹത്തില്‍ പങ്കെടുത്തത് കൊണ്ടല്ലെന്നും കുഞ്ഞാലിക്കുട്ടി വിശദീകരിച്ചിരുന്നു. വോട്ടെടുപ്പ് ഉണ്ടാകുമെന്നറിഞ്ഞിരുന്നെങ്കിൽ സഭയിൽ എത്തുമായിരുന്നുവെന്നും അദ്ദേഹം വ്യക്​തമാക്കിയിരുന്നു. ഇതടക്കം കുഞ്ഞാലിക്കുട്ടി നൽകിയ വിശദീകരണം മുഖവിലക്കെടുത്താണ്​ തങ്ങൾ മുൻ നിലപാടിൽ അയവുവരുത്തിയത്​.

കുഞ്ഞാലിക്കുട്ടിക്ക്​ ട്രോൾമഴ; ഇ.ടിക്ക്​ പ്രശംസ
മലപ്പുറം: മുത്തലാഖ്​ ചര്‍ച്ച ലോക്​സഭയില്‍ നടക്കവേ, വിവാഹ പാര്‍ട്ടിയില്‍ പങ്കെടുത്തതിനെ വിമര്‍ശിച്ച് പി.കെ. കുഞ്ഞാലിക്കുട്ടി എം.പിയുടെ ഫേസ്ബുക് പേജിലടക്കം കുറിപ്പുകളും ട്രോളുകളും നിറയുന്നു​. നടപടി അണികൾക്കുണ്ടാക്കിയ കടുത്ത അമർഷമാണ്​ വിമർശനങ്ങളിൽ പ്രതിഫലിക്കുന്നത്​. ഇ.ടി. മുഹമ്മദ് ബഷീറിനെ പ്രശംസിച്ചാണ്​ മിക്ക കമൻറ​ുകളും. ‘മുത്തലാഖ് ബിൽ പാർലമ​​െൻറിൽ ചർച്ച ചെയ്യുമ്പോഴും വോട്ടിനിടുമ്പോഴും കുഞ്ഞാലിക്കുട്ടി സാഹിബ് ത​​​െൻറ സാന്നിധ്യമറിയിക്കാതെ പോയത്​ വിമർശിക്കപ്പെടുമ്പോൾ അത് അന്ധമായ ലീഗ് വിരോധം കൊണ്ടാണെന്ന് പറഞ്ഞ് തടിതപ്പാൻ ഒരു ലീഗുകാരനുമാകില്ല’ എന്നാണ് ഒരു പ്രവർത്തക​​​െൻറ കമൻറ്​. എതിർപാർട്ടിക്കാരും വിമർശനവുമായി സജീവമാണ്​.