മലപ്പുറത്ത്​ പി.കെ. കുഞ്ഞാലിക്കുട്ടി ലീഗ്​ സ്​ഥാനാർഥി VIDEO

മലപ്പുറം: മലപ്പുറം ലോക്​സഭ മണ്ഡലം ഉപതെരഞ്ഞെടുപ്പിൽ മുസ്​ലിം ലീഗ്​ സ്​ഥാനാർഥിയായി  മുൻമന്ത്രിയും പ്രതിപക്ഷ ഉപനേതാവും ലീഗ്​ ദേശീയ ജനറൽ സെക്രട്ടറിയുമായ പി.കെ. കുഞ്ഞാലിക്കുട്ടി മൽസരിക്കും. ബുധനാഴ്​ച മലപ്പുറത്ത്​ ചേർന്ന പ്രവർത്തക സമിതിക്കുശേഷം പാണക്കാ​ട്ട്​ ​നടന്ന പാർലമ​െൻററി ബോർഡ്​ യോഗത്തിലാണ്​ തീരുമാനമുണ്ടായത്​. സംസ്​ഥാന അധ്യക്ഷൻ ഹൈദരലി തങ്ങളാണ്​ പ്രഖ്യാപനം നടത്തിയത്​.

ഇ.ടി. മുഹമ്മദ്​ ബഷീർ, പി.വി. അബ്​ദുൽ വഹാബ്​, കെ.പി.എ. മജീദ്​, സാദിഖലി ശിഹാബ്​ തങ്ങൾ എന്നീ ഉന്നതാധികാര സമിതി അംഗങ്ങളും അബ്​ദുസ്സമദ്​ സമദാനി, കുട്ടി അഹമ്മദ്​കുട്ടി, കെ.എൻ.എ. ഖാദർ തുടങ്ങിയവരും സന്നിഹിതരായിരുന്നു. കുഞ്ഞാലിക്കുട്ടി തെരഞ്ഞെടുക്കപ്പെട്ടാൽ വേങ്ങര നിയമസഭ മണ്ഡലത്തിലും ഉപതെരഞ്ഞെടുപ്പുണ്ടാകും.

ദേശീയതലത്തിൽ പ്രവർത്തിക്കു​േമ്പാൾതന്നെ കേരളത്തിൽ യു.ഡി.എഫ്​ നേതൃസ്​ഥാനത്തും കുഞ്ഞാലിക്കുട്ടി ഉണ്ടാകു​െമന്ന്​ ഹൈദരലി തങ്ങൾ പറഞ്ഞു. എല്ലാ ഘടകങ്ങളും പരിശോധിച്ച ശേഷമാണ്​ സ്​ഥാനാർഥിയെ നിശ്​ചയിച്ചത്​. മാർച്ച്​ 20ന്​ കുഞ്ഞാലിക്കുട്ടി നാമനിർദേശ പത്രിക സമർപ്പിക്കും. അന്ന്​ വൈകുന്നേരം മൂന്നിന്​ യു.ഡി.എഫ്​ പാർലമ​െൻറ്​ മണ്ഡലം കൺവെൻഷൻ ചേരുമെന്നും അദ്ദേഹം കൂട്ടിച്ചേർത്തു.

മുൻഗാമികളുടെ മാർഗത്തിലൂടെ മുന്നോട്ടുപോകുമെന്ന്​ പി.കെ. കുഞ്ഞാലിക്കുട്ടി പറഞ്ഞു. നിയമസഭയിൽ പ്രതിപക്ഷ ഉപനേതാവ്​ ആരാകുമെന്ന കാര്യം ഹൈദരലി തങ്ങൾ തീരുമാനിക്കും. ദേശീയതലത്തിൽ മതേതര കൂട്ടായ്​മക്കായി പ്രയത്​നിക്കുമെന്നും അദ്ദേഹം വ്യക്​തമാക്കി.

എം.എസ്​.എഫിലൂടെ​ പൊതുപ്രവർത്തനം തുടങ്ങിയ കുഞ്ഞാലിക്കുട്ടി മലപ്പുറം ഉൗരകത്ത്​ പാണ്ടിക്കടവത്ത്​ മുഹമ്മദ്​ ഹാജിയുടെയും കെ.പി. ഫാത്തിമകുട്ടിയുടെയും മകനാണ്​. ഇ. അഹമ്മദി​​െൻറ നിര്യാണത്തെ തുടർന്ന്​ പാർട്ടിയുടെ ദേശീയ ജന. സെക്രട്ടറിയായി തെരഞ്ഞെടുക്കപ്പെട്ടു. ബികോമും ബിസിനസ്​ മാനേജ്​മ​െൻറിൽ പി.ജി ഡിപ്ലോമയും എടുത്ത കുഞ്ഞാലിക്കുട്ടി 1980ൽ മലപ്പുറം മുനിസിപ്പൽ ചെയർമാനായി. അഞ്ച്​ തവണ നിയമസഭയിലേക്ക്​ തെരഞ്ഞെടുക്കപ്പെട്ടു.

’82ൽ മലപ്പുറം, 91, 96, 2001 വർഷങ്ങളിൽ കുറ്റിപ്പുറം, 2011, 2016 വർഷങ്ങളിൽ വേങ്ങര എന്നിവിടങ്ങളിൽ നിന്നാണ്​ നിയമസഭയിൽ എത്തിയത്​. 91, 2001, 2011 വർഷങ്ങളിലെ യു.ഡി.എഫ്​ മന്ത്രിസഭയിൽ വ്യവസായ മന്ത്രിയായി. 2006ൽ കുറ്റിപ്പുറത്ത്​ കെ.ടി. ജലീലിനോട്​ പരാജയപ്പെട്ടതൊഴിച്ചാൽ മത്സരത്തിൽ വീഴ്​ച ഉണ്ടായിട്ടില്ല. കെ.എം. കുല്‍സുവാണ്​ ഭാര്യ. മക്കൾ: ആഷിഖ്​, ലസിത.