പാർട്ടി ആവശ്യപ്പെട്ടാൽ മലപ്പുറത്ത് മത്സരിക്കും -പി.കെ കുഞ്ഞാലിക്കുട്ടി

മലപ്പുറം: പാർട്ടി ആവശ്യപ്പെട്ടാൽ മലപ്പുറം ലോക്സഭ മണ്ഡലത്തിൽ മത്സരിക്കുമെന്ന് മുസ് ലിം ലീഗ് അഖിലേന്ത്യ ട്രഷറർ പി.കെ കുഞ്ഞാലിക്കുട്ടി. താൻ ദേശീയ നേതൃത്വത്തിലേക്ക് മാറിയാലും സംസ്ഥാന നേതൃത്വത്തിന് ക്ഷീണം സംഭവിക്കില്ല. മികവുറ്റ നിരവധി നേതാക്കൾ ലീഗിലുണ്ട്. ഏത് പദവികളും അലങ്കരിക്കാൻ തക്ക കഴിവുള്ള നേതാക്കളാണവർ. അവസരം ലഭിക്കുമ്പോഴെ എല്ലാവർക്കും മികവ് തെളിയിക്കാൻ സാധിക്കൂവെന്നും കുഞ്ഞാലിക്കുട്ടി മാധ്യമങ്ങളോട് പറഞ്ഞു.

ചെന്നൈയിൽ ചേരുന്ന മുസ് ലിം ലീഗ് ദേശീയ കൗൺസിൽ യോഗം കുഞ്ഞാലിക്കുട്ടിയെ ദേശീയ ജനറൽ സെക്രട്ടറിയായി തെരഞ്ഞെടുക്കുമെന്നാണ് റിപ്പോർട്ട്. ഇ. അഹമ്മദിന്‍റെ നിര്യാണത്തെ തുടർന്ന് വർക്കിങ് പ്രസിഡന്‍റായി തമിഴ്നാട്ടിൽ നിന്നുള്ള ഖാദർ മൊയ്തീനെ തെരഞ്ഞെടുത്തിട്ടുണ്ട്.