ഇന്നലെ ഹർത്താൽ നടത്തിയത് ചില ദുശക്തികൾ -കുഞ്ഞാലിക്കുട്ടി

മലപ്പുറം: കഠ് വ ബലാത്സംഗക്കൊലയിൽ പ്രതിഷേധിച്ച് ഇന്നലെ നടത്തിയ ഹർത്താലിനെതിരെ മുസ്ലിം ലീഗ്.  ഹർത്താൽ ചില ദുശക്തികൾ നടത്തിയതെന്ന് പി.കെ കുഞ്ഞാലിക്കുട്ടി എം.പി അഭിപ്രായപ്പെട്ടു. വർഗ്ഗീയ വിഭജനം ഉണ്ടാക്കുകയാണ് ഇവരുടെ ലക്ഷ്യം. അക്രമസംഭവങ്ങളിൽ സർക്കാർ അന്വേഷണം നടത്തണമെന്നും കുഞ്ഞാലിക്കുട്ടി ആവശ്യപ്പെട്ടു.

ഹർത്താൽ പ്രചാരണം സോഷ്യൽ മീഡിയയിൽ വ്യാപിച്ച സമയത്ത് തന്നെ ഹർത്താലിനെ തള്ളി യൂത്ത് ലീഗ് രംഗത്തെത്തിയിരുന്നു.  ഇന്നലത്തെ ഹർത്താലുമായി ബന്ധപ്പെട്ട് ഇന്ന് മലപ്പുറം ജില്ലയിൽ നിരവധി പേരെ കസ്റ്റഡിയിലെടുത്തിട്ടുണ്ട്.