പരാജയ കാരണം പരിശോധിക്കും -കുഞ്ഞാലിക്കുട്ടി

മലപ്പുറം: ചെങ്ങന്നൂരില്‍ യു.ഡി.എഫി​​​െൻറ പരാജയ കാരണം ഗൗരവപൂർവം പരിശോധിക്കുമെന്ന് മുസ്‌ലിം ലീഗ് ദേശീയ ജനറല്‍ സെക്രട്ടറി പി.കെ. കുഞ്ഞാലിക്കുട്ടി എം.പി. വിജയിക്കുമെന്ന് കരുതിയിടത്തുനിന്നാണ് പരാജയത്തിലേക്ക് ഫലം മറിഞ്ഞത്. കോണ്‍ഗ്രസും ഈ വിഷയം പരിശോധിക്കണം.

മുസ്‌ലിം ലീഗിന്​ സ്വാധീനമുള്ള മേഖലയിലെല്ലാം യു.ഡി.എഫിന് നല്ല മുന്നേറ്റമുണ്ടായി. ഹൈദരലി തങ്ങള്‍ ഉള്‍പ്പെടെ ലീഗി​​​െൻറ സമുന്നത നേതാക്കളെല്ലാം ചെങ്ങന്നൂരില്‍ ക്യാമ്പ് ചെയ്ത്​ പ്രചാരണ പ്രവര്‍ത്തനങ്ങള്‍ക്ക് നേതൃത്വം നല്‍കി. ഉപതെരഞ്ഞെടുപ്പ് എല്ലാത്തി​​െൻറയും വിലയിരുത്തലല്ല. എൽ.ഡി.എഫി​​​െൻറ വിജയം എല്ലാത്തി​​​െൻറയും അവസാനമല്ലെന്നും കുഞ്ഞാലിക്കുട്ടി പറഞ്ഞു.