ശബരിമലയിൽ ജഡ്ജിയെയും തടഞ്ഞെന്ന്​ ഹരജിക്കാർ

കൊച്ചി: നിരോധനാജ്ഞയുടെ പേരിൽ കേന്ദ്ര മന്ത്രിയെയും ഹൈകോടതി ജഡ്ജിയെയും വരെ തടയുന്ന സാഹചര്യമാണ് ശബരിമലയിൽ നിലവിലുള്ളതെന്ന്​ ഹരജിക്കാർ ​ൈഹകോടതിയിൽ. സന്നിധാനത്തെത്തുന്ന ഭക്​തരെ പൊലീസിനെ ഉപയോഗിച്ച്​ പീഡിപ്പിക്കരുതെന്നും ശരണം വിളിക്കുന്നതു പോലും തടയുന്ന പൊലീസ്​ ഇടപെടൽ ഭക്തിയുടെ അന്തരീക്ഷം തകർക്കുമെന്നും ശബരിമലയിലെ നിയന്ത്രണങ്ങൾക്കെതിരെ ഹരജി സമർപ്പിച്ചവർ ചൂണ്ടിക്കാട്ടി. സർക്കാറി​​​െൻറ മറുപടി വാദത്തിന്​ ഹരജികൾ ​െചാവ്വാഴ്​ചത്തേക്ക്​ മാറ്റി.

ചെന്നൈ സ്വദേശി ടി.ആർ. രമേഷ് ഉൾപ്പെടെ ഒരു കൂട്ടം ​ആളുകൾ നൽകിയ ഹരജിയാണ്​ കോടതി പരിഗണനയിലുള്ളത്​. ശബരിമല സ്പെഷൽ കമീഷണറുടെ റിപ്പോർട്ടി​​​െൻറ അടിസ്​ഥാനത്തിൽ ഹൈകോടതി സ്വമേധയ രജിസ്​റ്റർ ചെയ്ത ഹരജിയും ഇ​േതാടൊപ്പം പരിഗണിക്കുന്നുണ്ട്​. ഭക്​തരെ പൊലീസ് ഭയപ്പെടുത്തുകയാണെന്ന്​ ഹരജിക്കാർ ചൂണ്ടിക്കാട്ടി.

നിരോധനാജ്ഞ ഭക്​തർക്ക് ബാധകമല്ലെന്നാണ്​ സർക്കാർ പറയുന്നത്​. ഇത്​ അപ്രായോഗികമാണ്​. ഭക്​തരെയും പ്രതിഷേധക്കാരെയും തിരിച്ചറിയാനാവില്ല. കൊലയാളിക്കു പോലും പ്രാർഥിക്കാൻ അവകാശമുണ്ടെന്നിരിക്കെ അറസ്​റ്റ്​ ചെയ്തവർക്കെതിരെ കേസ്​ നിലവിലുണ്ടെന്ന സർക്കാർ വാദത്തിൽ അടിസ്​ഥാനമില്ല. ഒന്നുകിൽ എല്ലാവർക്കും നിരോധനാജ്ഞ ബാധകമാക്കണം. അല്ലാത്ത പക്ഷം ആർക്കും ബാധകമാക്കരുത്​.

കേന്ദ്ര മന്ത്രിയെ തടഞ്ഞു നിർത്തിയ പൊലീസ് ഉദ്യോഗസ്ഥൻ സർക്കാറി​​​െൻറ നയ തീരുമാനം മന്ത്രിയോട് പരസ്യമായി ചർച്ച ചെയ്​ത നടപടി പെരുമാറ്റ ദൂഷ്യമാണ്​. ഭക്​തരെ ആരാധന നടത്തുന്നതിൽനിന്ന്​ തടയുന്ന നടപടിയാണ്​ ഉദ്യോഗസ്​ഥരുടെ ഭാഗത്ത്​ നിന്നുണ്ടാകുന്നതെന്നും ഹരജിക്കാർ പറഞ്ഞു.