പ്ലസ് വൺ അപേക്ഷക്കും പ്രവേശനത്തിനും ചുരുങ്ങിയ ദിവസങ്ങൾ മാ​ത്രം: അധ്യാപകർ ആശങ്കയിൽ

പെ​രി​ന്ത​ൽ​മ​ണ്ണ: ജൂ​ൺ മൂ​ന്നി​ന് ഒ​ന്നാം​വ​ർ​ഷ ഹ​യ​ർ സെ​ക്ക​ൻ​ഡ​റി ക്ലാ​സു​ക​ൾ തു​ട​ങ്ങാ​ൻ തീ​രു​മാ​ന​മെ ​ടു​ത്ത​തോ​ടെ അ​ധ്യാ​പ​ക​ർ​ക്കി​ട​യി​ൽ ആ​ശ​ങ്ക​യും പ്ര​തി​ഷേ​ധ​വും. നാ​ല​ര ല​ക്ഷ​ത്തി​ല​ധി​കം വ​രു​ന്ന വ ി​ദ്യാ​ർ​ഥി​ക​ളു​ടെ പ്ര​വേ​ശ​ന ന​ട​പ​ടി​ക​ൾ നി​ർ​വ​ഹി​ക്കാ​റു​ള്ള​ത് ഹ​യ​ർ സെ​ക്ക​ൻ​ഡ​റി പ്രി​ൻ​സി​പ്പ​ല ും അ​ധ്യാ​പ​ക​രും ചേ​ർ​ന്നാ​ണ്.

ചി​ല വി​ഷ​യ​ങ്ങ​ളി​ൽ ഒ​ന്നാം​വ​ർ​ഷ മൂ​ല്യ​നി​ർ​ണ​യം അ​വ​സാ​നി​ച്ചി​ ട്ടു​മി​ല്ല. കൂ​ടാ​തെ മേ​യ് 13 മു​ത​ൽ നാ​ല് സ്പെ​ല്ലു​ക​ളി​ലാ​യി മു​ഴു​വ​ൻ അ​ധ്യാ​പ​ക​രും നി​ർ​ബ​ന്ധ​മാ​യും നാ​ലു​ദി​വ​സ​ത്തെ അ​വ​ധി​ക്കാ​ല ഐ.​ടി പ​രി​ശീ​ല​ന​ത്തി​ൽ പ​ങ്കെ​ടു​ക്ക​ണ​മെ​ന്ന് ഡ​യ​റ​ക്ട​റേ​റ്റി​​െൻറ ക​ർ​ശ​ന നി​ർ​ദേ​ശ​വു​മു​ണ്ട്. ഈ ​സ​മ​യ​ത്ത് അ​ധ്യാ​പ​ക​ർ സ്കൂ​ളി​ലു​ണ്ടാ​വി​ല്ല.

ജൂ​ൺ മൂ​ന്നി​ന് പ്ല​സ് വ​ൺ ക്ലാ​സു​ക​ൾ ആ​രം​ഭി​ക്ക​ണ​മെ​ങ്കി​ൽ ഇ​നി എ​ല്ലാ ദി​വ​സ​ങ്ങ​ളി​ലും പ​രി​ശീ​ല​ന​മ​ട​ക്ക​മു​ള്ള ചു​മ​ത​ല​ക​ളേ​ൽ​ക്കാ​തെ അ​ധ്യാ​പ​ക​ർ സ്കൂ​ളി​ൽ ഹാ​ജ​രാ​വേ​ണ്ടി വ​രും. മൂ​ല്യ​നി​ർ​ണ​യ ജോ​ലി​ക​ൾ തീ​രു​ന്ന മു​റ​ക്ക് അ​ഡ്മി​ഷ​നാ​യി സ്കൂ​ളി​ലെ​ത്തേ​ണ്ടി​യും വ​രും. പ്ല​സ് വ​ൺ പ്ര​വേ​ശ​ന അ​പേ​ക്ഷ സ​മ​ർ​പ്പി​ക്കാ​ൻ നാ​ല്​ പ്ര​വൃ​ത്തി ദി​വ​സ​മാ​ണ്​ വി​ദ്യാ​ർ​ഥി​ക​ൾ​ക്ക് ല​ഭി​ക്കു​ന്ന​ത്. മു​മ്പ്​ ഇ​ത് 11 ദി​വ​സ​മാ​യി​രു​ന്നു. അ​പേ​ക്ഷ​ക​ളു​ടെ സൂ​ക്ഷ്മ പ​രി​ശോ​ധ​ന​ക്കു​ള്ള സ​മ​യം മൂ​ന്നു​ദി​വ​സ​വു​മാ​ണ്.

ട്ര​യ​ൽ അ​ലോ​ട്ട്മ​െൻറ്​ 20നും ​അ​പാ​ക​ത​ക​ൾ പ​രി​ഹ​രി​ച്ച് ഒ​ന്നാം അ​ലോ​ട്ട്മ​െൻറ് 24നും ​ന​ട​ത്തു​മ്പോ​ൾ ഏ​ക​ജാ​ല​ക പ്ര​വേ​ശ​ന​ത്തി​ൽ തെ​റ്റു​വ​രാ​നും അ​ർ​ഹ​രാ​യ വി​ദ്യാ​ർ​ഥി​ക​ൾ​ക്ക് പ്ര​വേ​ശ​നം നി​ഷേ​ധി​ക്ക​പ്പെ​ടാ​നും സാ​ധ്യ​ത​യു​ണ്ടെ​ന്ന് അ​ധ്യാ​പ​ക​ർ ചൂ​ണ്ടി​ക്കാ​ണി​ക്കു​ന്നു. ഫ​ല​പ്ര​ഖ്യാ​പ​നം വ​ന്നി​ട്ടും അ​ധ്യാ​പ​ക​ർ​ക്ക് ഡ്യൂ​ട്ടി സ​ർ​ട്ടി​ഫി​ക്ക​റ്റോ പ്ര​തി​ഫ​ല​മോ ന​ൽ​കാ​ൻ വി​ദ്യാ​ഭ്യാ​സ വ​കു​പ്പി​നാ​യി​ട്ടി​ല്ല.