പ്ലസ്​ വൺ: വിദ്യാർഥികളില്ല, മറ്റു ജില്ലകളിലെ ഒമ്പത്​ ബാച്ചുകൾ മലപ്പുറത്തേക്ക്​ മാറ്റി

മലപ്പുറം: വിദ്യാർഥികളില്ലാത്തതിനാൽ മറ്റ്​ ജില്ലകളിലെ സർക്കാർ സ്​കൂളുകളിലെ ഒമ്പത്​ പ്ലസ്​ വൺ ബാച്ചുകൾ മലപ്പു റത്തേക്ക്​ മാറ്റി പുനഃക്രമീകരിച്ചു സർക്കാർ ഉത്തരവ്​ ഇറക്കി. ഒരു വിദ്യാർഥിപോലും പ്രവേശനം നേടാത്ത 12 ബാച്ചുകളെ യാണ്​ പുനഃക്രമീകരിച്ചത്​. ഇവയിൽ ഒമ്പത്​ ബാച്ചുകൾ മലപ്പുറത്തിന്​ ലഭിച്ചപ്പോൾ രണ്ടെണ്ണം കാസർകോടും ഒന്ന്​ വയ നാടുമാണ്​ അനുവദിച്ചത്​. തിരുവനന്തപുരം, പത്തനംതിട്ട, ആലപ്പുഴ, ഇടുക്കി, എറണാകുളം, തൃശൂർ ജില്ലകളിലെ എട്ട്​ സയൻസും ഒരു കോമേഴ്​സ്​ ബാച്ചുമാണ് ജില്ലക്ക്​​ പുതുതായി ലഭിച്ചിട്ടുള്ളത്​.

പുതിയ ബാച്ചുകൾ ലഭിച്ച സ്​കൂളുകൾ. ബാച്ചുകൾ ബ്രാക്കറ്റിലും. അരീക്കോട്​ ഗവ. ഹയർ സെക്കൻഡറി സ്​കൂൾ (സയൻസ്​), കരുവാരകുണ്ട്​ ഗവ. ഹയർ സെക്കൻഡറി സ്​കൂൾ (കോമേഴ്​സ്​), മക്കരപറമ്പ്​ ജി.വി.എച്ച്​.എസ്​.എസ്​ (സയൻസ്​), പൂക്കോട്ടുംപാടം ജി.എച്ച്​.എസ്​.എസ്​ (സയൻസ്​), മാറഞ്ചേരി ജി.എച്ച്​.എസ്​.എസ്​ (സയൻസ്​), താനൂർ ദേവധാർ ജി.എച്ച്​.എസ്​.എസ്​ (സയൻസ്​), പട്ടിക്കാട്​ ജി.എച്ച്​.എസ്​.എസ്​ (സയൻസ്​), എടപ്പാൾ ജി.എച്ച്​.എസ്​.എസ്​ (സയൻസ്​), കുറ്റിപ്പുറം ജി.എച്ച്​.എസ്​.എസ്​ (സയൻസ്​).

പ്രവേശന നടപടികൾ പൂർത്തീകരിച്ചപ്പോൾ ഒരു വിദ്യാർഥി പോലും പ്രവേശനം നേടാത്ത ചില ഹയർ സെക്കൻഡറി ബാച്ചുകൾ സർക്കാർ മേഖലയിലുണ്ടെന്നും ആയവ പുനഃക്രമീകരിക്കാ​െമന്ന്​ പൊതുവിദ്യാഭ്യാസ ഡയറക്​ടർ സർക്കാറിന്​ ശിപാർശ ചെയ്​തതി​​െൻറ അടിസ്ഥാനത്തിലാണ്​ നടപടി.

ബാച്ചുകൾ മാറ്റുന്ന സ്​കൂളിൽ അടുത്ത രണ്ട്​ വർഷവും ഒരു ബാച്ചിൽ താഴെയുള്ള വിദ്യാർഥികളാണ്​ പ്രവേശനം നേടുന്നതെങ്കിൽ മാറ്റം സ്ഥിരപ്പെടുത്തും. മാറ്റപ്പെടുന്ന ബാച്ചിലെ അധ്യാപക തസ്​തികകൾ പുനർനിർണയം ചെയ്​ത്​ പുതിയ സ്​കൂളുകളിലേക്ക്​ അനുവദിക്കണം. തസ്​തിക ക്രമീകരിക്കു​േമ്പാൾ അധ്യാപകരുടെ എണ്ണം കൂടുതലാണെങ്കിൽ അവരെ മാതൃസ്​കൂളിൽ നിലനിർത്തി പൊതുവിദ്യാഭ്യാസ ഡയറക്​ടറെ അറിയിക്കണം.

മാറ്റിയ ബാച്ചുകളിലേക്ക്​ 2019-20 അധ്യയന വർഷത്തെ ഏകജാലക സംവിധാനം വഴി സ്​കൂൾ മാറ്റം അനുവദിക്കണം. തുടർന്നുള്ള ഒഴിവുകളിൽ സ്​പോട്ട്​ അഡ്​മിഷനും നടത്തും. തുടർ വർഷങ്ങളിൽ ഏകജാലക പ്രവേശന പ്രക്രിയയുടെ ആദ്യഘട്ടം മുതൽ ഉൾപ്പെടുത്തണമെന്നും കഴിഞ്ഞ ദിവസം ഇറങ്ങിയ ഉത്തരവിൽ പറയുന്നു.