പ്ലസ് വൺ; ജില്ലയിൽ 4079 സീറ്റ്​ ‘കാലി’

പ​ത്ത​നം​തി​ട്ട: പ്ല​സ് വ​ണ്‍ പ്ര​വേ​ശ​ന​ത്തി​ന്​ മൂ​ന്ന് പ്ര​ധാ​ന അ​ലോ​ട്ട്‌​മെ​ന്റും ര​ണ്ട് സ​പ്ലി​മെ​ന്‍റ​റി അ​ലോ​ട്ട്മെ​ന്‍റും പൂ​ര്‍ത്തി​യാ​യി​രി​ക്കേ ജി​ല്ല​യി​ല്‍ 4079 സീ​റ്റു​ക​ള്‍ ഒ​ഴി​ഞ്ഞു​കി​ട​ക്കു​ന്നു. സ​ർ​ക്കാ​ർ സ്കൂ​ളി​ൽ 1317 സീ​റ്റും എ​യ്ഡ​ഡി​ൽ 1405, അം​ഗീ​കൃ​ത അ​ൺ​എ​യ്ഡ​ഡ് ബാ​ച്ചു​ക​ളി​ൽ 1357 സീ​റ്റ് എ​ന്നി​ങ്ങ​നെ​യാ​ണ് ഒ​ഴി​വു​ക​ൾ. 14,072 സീ​റ്റി​ൽ 10,623 എ​ണ്ണ​ത്തി​ൽ പ്ര​വേ​ശ​നം ന​ൽ​കി. ര​ണ്ടാ​മ​ത്തെ സ​പ്ലി​മെ​ന്‍റ​റി അ​ലോ​ട്ട്മെ​ന്‍റി​ൽ ര​ണ്ട് സീ​റ്റി​ലേ​ക്ക് മാ​ത്ര​മാ​ണ് കു​ട്ടി​ക​ൾ എ​ത്തി​യ​ത്.

സം​സ്ഥാ​ന​ത്ത് ഏ​റ്റ​വു​മ​ധി​കം സീ​റ്റ്​ ഒ​ഴി​വു​ള്ള ജി​ല്ല​ക​ളി​ലൊ​ന്നാ​ണ് പ​ത്ത​നം​തി​ട്ട. ഏ​താ​നും വ​ർ​ഷ​ങ്ങ​ളാ​യി പ്ര​വേ​ശ​ന ന​ട​പ​ടി പൂ​ർ​ത്തീ​ക​രി​ക്കു​മ്പോ​ഴും പ​ത്ത​നം​തി​ട്ട​യി​ൽ സീ​റ്റ് ഒ​ഴി​ഞ്ഞു​കി​ട​ക്കു​ക പ​തി​വാ​ണ്. 13,859 അ​പേ​ക്ഷ​യാ​ണ് ഇ​ക്കു​റി ല​ഭി​ച്ച​ത്.

ഇ​തി​ല്‍ 3360 പേ​ര്‍ ജി​ല്ല​ക്ക്​ പു​റ​ത്തു നി​ന്നാ​യി​രു​ന്നു. ഭി​ന്ന​ശേ​ഷി​ക്കാ​രു​ടേ​ത്​ ഉ​ള്‍പ്പെ​ടെ 9906 മെ​റി​റ്റ് സീ​റ്റു​ക​ളി​ല്‍ 9196 എ​ണ്ണ​ത്തി​ലാ​ണ് പ്ര​ധാ​ന അ​ലോ​ട്ട്മെ​ന്‍റി​ലൂ​ടെ പ്ര​വേ​ശ​നം ന​ല്‍കി​യ​ത്. മെ​റി​റ്റ് സീ​റ്റി​ലും മാ​നേ​ജ്മെ​ന്‍റ് ക്വോ​ട്ട​യി​ലും അ​ൺ​എ​യ്ഡ​ഡ് വി​ഭാ​ഗ​ത്തി​ലും സ്പോ​ർ​ട്സ് ക്വോ​ട്ട​യി​ലു​മെ​ല്ലാം ഇ​ക്കൊ​ല്ലം സീ​റ്റു​ക​ൾ ഒ​ഴി​വു​ണ്ട്.

മാ​നേ​ജ്​​മെ​ന്‍റ്​ ക്വോ​ട്ട​യി​ൽ 200ൽ ​താ​ഴെ

ജി​ല്ല​യി​ലെ സ്‌​കൂ​ളു​ക​ളി​ല്‍ മാ​നേ​ജ്‌​മെ​ന്റ് ക്വോ​ട്ട​യി​ല്‍ 1750 സീ​റ്റു​ക​ളു​ണ്ടാ​യി​രു​ന്ന​തി​ല്‍ 200 കു​ട്ടി​ക​ളി​ൽ താ​ഴെ മാ​ത്ര​മാ​ണ് ഇ​ക്കു​റി എ​ത്തി​യ​ത്. മെ​റി​റ്റ് സീ​റ്റി​ൽ പ്ര​വേ​ശ​നം സാ​ധ്യ​മാ​കു​മെ​ന്നി​രി​ക്കേ മാ​നേ​ജ്മെ​ന്‍റ്, അ​ൺ​എ​യ്ഡ​ഡ് സീ​റ്റു​ക​ളോ​ട്​ താ​ൽ​പ​ര്യ​ക്കു​റ​വ് പ്ര​ക​ട​മാ​യി.

മ​ല​പ്പു​റം, കാ​സ​ർ​കോ​ട്​ ജി​ല്ല​ക​ളി​ൽ മ​തി​യാ​യ സീ​റ്റു​ക​ൾ ല​ഭ്യ​മാ​കാ​തി​രു​ന്ന സാ​ഹ​ച​ര്യ​ത്തി​ൽ അ​ധി​ക ബാ​ച്ചു​ക​ൾ അ​നു​വ​ദി​ച്ച് സ​ർ​ക്കാ​ർ ഉ​ത്ത​ര​വാ​യി​ട്ടു​ണ്ട്. ഇ​തു​കൂ​ടാ​തെ ഒ​ഴി​വു​ള്ള ജി​ല്ല​ക​ളി​ലേ​ക്ക് അ​ന്ത​ർ ജി​ല്ല സീ​റ്റ്​ മാ​റ്റ​ത്തി​നു​ള്ള അ​പേ​ക്ഷ​യും പ​രി​ഗ​ണി​ച്ചി​രു​ന്നു. സം​സ്ഥാ​ന​ത്തൊ​ട്ടാ​കെ ജൂ​ലൈ 31വ​രെ 23,908 അ​പേ​ക്ഷ​ക​ൾ അ​ന്ത​ർ​ജി​ല്ല സീ​റ്റ്​ മാ​റ്റ​ത്തി​നു ല​ഭി​ച്ചു. ഇ​തി​ൽ 23,507 അ​പേ​ക്ഷ​ക​ൾ പ​രി​ഗ​ണി​ച്ച് പ​ട്ടി​ക​യും പ്ര​സി​ദ്ധീ​ക​രി​ച്ചി​ട്ടു​ണ്ട്.

ഒ​ഴി​വ് ഏ​റെ​യും ഹ്യു​മാ​നി​റ്റീ​സിൽ

ന​ഗ​ര മേ​ഖ​ല​ക​ളി​ല​ട​ക്കം ഒ​ഴി​വു​ക​ളേ​റെ​യു​ള്ള​ത് ഹ്യു​മാ​നി​റ്റീ​സ് ബാ​ച്ചു​ക​ളി​ലാ​ണ്. സ​യ​ന്‍സ് ബാ​ച്ചു​ക​ളി​ല്‍ ഗ്രാ​മീ​ണ മേ​ഖ​ല​ക​ളി​ല്‍ സീ​റ്റു​ക​ള്‍ ബാ​ക്കി​യാ​ണ്. ഇ​വി​ട​ങ്ങ​ളി​ല്‍ ഹ്യു​മാ​നി​റ്റീ​സി​നും ഒ​ഴി​വു​ക​ളു​ണ്ട്.

കോ​മേ​ഴ്‌​സ് ബാ​ച്ചു​ക​ളി​ലേ​ക്ക് ഒ​ട്ടു​മി​ക്ക സ്‌​കൂ​ളു​ക​ള്‍ക്കും മ​തി​യാ​യ കു​ട്ടി​ക​ളെ ല​ഭി​ച്ചി​ട്ടു​ണ്ട്. 2300 സീ​റ്റു​ക​ളാ​ണ് ഹ്യു​മാ​നി​റ്റീ​സി​ൽ ഉ​ണ്ടാ​യി​രു​ന്ന​ത്. സ​യ​ന്‍സി​ല്‍ 7350 സീ​റ്റു​ക​ളും കോ​മേ​ഴ്‌​സി​ല്‍ 3550 സീ​റ്റു​മാ​ണു​ള്ള​ത്.

കു​ട്ടി​ക​ളു​ടെ കു​റ​വ് ബാ​ച്ചു​ക​ളെ ബാ​ധി​ക്കും

ഹ​യ​ര്‍ സെ​ക്ക​ന്‍ഡ​റി സ്‌​കൂ​ളു​ക​ളി​ല്‍ ഒ​ന്നാം വ​ര്‍ഷ പ്ര​വേ​ശ​ന​ത്തി​ന് കു​ട്ടി​ക​ളു​ടെ എ​ണ്ണ​ത്തി​ല്‍ കു​റ​വു​ണ്ടാ​യ​ത് ഏ​റെ​യും ഗ്രാ​മീ​ണ മേ​ഖ​ല​യി​ലെ വി​ദ്യാ​ല​യ​ങ്ങ​ളി​ലാ​ണ്. സ​ര്‍ക്കാ​ര്‍, എ​യ്ഡ​ഡ് വി​ദ്യാ​ല​യ​ങ്ങ​ളി​ലെ പ​ല ബാ​ച്ചു​ക​ളി​ലേ​ക്കും മ​തി​യാ​യ കു​ട്ടി​ക​ളെ ല​ഭി​ച്ചി​ട്ടി​ല്ല.

ഒ​രു ബാ​ച്ചി​ന് ആ​വ​ശ്യ​മാ​യ കു​ട്ടി​ക​ളു​ടെ എ​ണ്ണം അ​മ്പ​താ​ണ്. ബാ​ച്ച് മു​ന്നോ​ട്ടു കൊ​ണ്ടു​പോ​കാ​ന്‍ നി​ല​വി​ല്‍ ആ​വ​ശ്യ​മു​ള്ള​ത് 25 കു​ട്ടി​ക​ളാ​ണ്.

ര​ണ്ടാ​മ​തൊ​രു ബാ​ച്ച് തു​ട​ങ്ങ​ണ​മെ​ങ്കി​ല്‍ 75 കു​ട്ടി​ക​ള്‍ വേ​ണം. 25 കു​ട്ടി​ക​ളു​ടെ പി​ന്‍ബ​ല​ത്തി​ലാ​ണ് ജി​ല്ല​യി​ലെ പ​ല സ്‌​കൂ​ളു​ക​ളി​ലും ബാ​ച്ചു​ക​ള്‍ നി​ല​നി​ല്‍ക്കാ​ന്‍ ത​ന്നെ കാ​ര​ണം.

ക​ഴി​ഞ്ഞ വ​ർ​ഷ​വും കുട്ടികളില്ല

ക​ഴി​ഞ്ഞ വ​ര്‍ഷ​വും കു​ട്ടി​ക​ളു​ടെ എ​ണ്ണ​ത്തി​ല്‍ വ​ന്‍ കു​റ​വാ​ണ് ജി​ല്ല​യി​ലെ സ്‌​കൂ​ളു​ക​ളി​ലു​ണ്ടാ​യി​രു​ന്ന​ത്. ഇ​ത്ത​വ​ണ സ്ഥി​തി അ​തി​ലും മോ​ശ​മാ​ണെ​ന്ന് അ​ധ്യാ​പ​ക​ര്‍ പ​റ​യു​ന്നു.

തു​ട​ര്‍ച്ച​യാ​യ മൂ​ന്നു​വ​ര്‍ഷം കു​ട്ടി​ക​ള്‍ കു​റ​യു​ന്ന സാ​ഹ​ച​ര്യ​ത്തി​ല്‍ ബാ​ച്ചു​ക​ള്‍ ന​ഷ്ട​മാ​കും. കു​ട്ടി​ക​ളു​ടെ കു​റ​വു കാ​ര​ണം നേ​ര​ത്തേ ത​ന്നെ ബാ​ച്ചു​ക​ള്‍ ന​ഷ്ട​മാ​കു​ക​യും ഹ​യ​ര്‍ സെ​ക്ക​ന്‍ഡ​റി ത​ന്നെ വേ​ണ്ടെ​ന്നു​വെ​ക്കു​ക​യും ചെ​യ്ത വി​ദ്യാ​ല​യ​ങ്ങ​ള്‍ ജി​ല്ല​യി​ലു​ണ്ട്.

സ​ര്‍ക്കാ​ര്‍ ക​ണ​ക്കി​ല്‍ ഇ​പ്പോ​ഴും 95 സ്‌​കൂ​ളു​ക​ളി​ല്‍ ഹ​യ​ര്‍ സെ​ക്ക​ന്‍ഡ​റി അ​നു​വ​ദി​ച്ചി​ട്ടു​ണ്ടെ​ങ്കി​ലും 80 സ്‌​കൂ​ളു​ക​ളി​ല്‍ മാ​ത്ര​മാ​ണ പ്ര​വേ​ശ​ന ന​ട​പ​ടി ന​ട​ന്ന​ത്. അ​ണ്‍എ​യ്ഡ​ഡ് ബാ​ച്ചു​ക​ൾ ആ​രം​ഭി​ച്ച സ്‌​കൂ​ളു​ക​ള്‍ പ​ല​തും ഇ​തി​ന​കം പ്ര​വേ​ശ​നം നി​ർ​ത്തി​വെ​ച്ചു.

വി.​എ​ച്ച്.​എ​സ്.​ഇ​യി​ലും സീ​റ്റ് ഒ​ഴി​വ്

വൊ​ക്കേ​ഷ​ന​ല്‍ ഹ​യ​ര്‍ സെ​ക്ക​ന്‍ഡ​റി ബാ​ച്ചു​ക​ളി​ലും കു​ട്ടി​ക​ളു​ടെ കു​റ​വ് അ​നു​ഭ​വ​പ്പെ​ടു​ന്നു​ണ്ട്. 1300ഓ​ളം സീ​റ്റു​ക​ളാ​ണ് വൊ​ക്കേ​ഷ​ന​ൽ ഹ​യ​ർ സെ​ക്ക​ൻ​ഡ​റി വി​ഭാ​ഗ​ത്തി​ൽ ജി​ല്ല​യി​ലു​ള്ള​ത്. വ്യ​ത്യ​സ്ത സ​ബ്ജ​ക്ട് കോ​മ്പി​നേ​ഷ​നാ​ണ് സ്കൂ​ളു​ക​ളി​ലു​ള്ള​ത്.

ജി​ല്ല​യി​ല്‍ പ​ത്താം​ക്ലാ​സ് പാ​സാ​യ കു​ട്ടി​ക​ളു​ടെ എ​ണ്ണ​ത്തേ​ക്കാ​ള്‍ അ​ധി​ക​മാ​ണ് ഹ​യ​ര്‍ സെ​ക്ക​ന്‍ഡ​റി പ​ഠ​ന​ത്തി​നു​ള്ള സീ​റ്റു​ക​ളു​ടെ എ​ണ്ണം. ഐ.​ടി.​ഐ, പോ​ളി​ടെ​ക്‌​നി​ക് കോ​ഴ്‌​സു​ക​ളി​ലും പ​ത്താം​ക്ലാ​സു​കാ​ര്‍ക്കാ​യി ബാ​ച്ചു​ക​ളു​ണ്ട്.

ഇ​വി​ട​ങ്ങ​ളി​ലും കു​ട്ടി​ക​ളെ ല​ഭി​ക്കാ​ന്‍ ബു​ദ്ധി​മു​ട്ടു​ക​ളു​ണ്ട്. കു​ട്ടി​ക​ളു​ടെ കു​റ​വ് പ​ല സാ​ങ്കേ​തി​ക വി​ദ്യാ​ഭ്യാ​സ സ്ഥാ​പ​ന​ങ്ങ​ളു​ടെ​യും നി​ല​നി​ല്പി​നെ ബാ​ധി​ച്ചി​ട്ടു​ണ്ട്.