സുഹൃത്തിനുവേണ്ടി പ്ലസ് ടു സേ പരീക്ഷയിൽ ആൾമാറാട്ടം; വിദ്യാർഥി അറസ്റ്റിൽ
text_fieldsപയ്യോളി: സുഹൃത്തിനുവേണ്ടി ആൾമാറാട്ടം നടത്തി പ്ലസ് ടു സേ പരീക്ഷ എഴുതിയ വിദ്യാർഥി പിടിയിൽ. കൊണ്ടോട്ടി കിഴിശ്ശേരി സ്വദേശിയെയാണ് പയ്യോളി പൊലീസ് അറസ്റ്റ് ചെയ്തത്. പ്രിൻസിപ്പലിെൻറ പരാതിയിലാണ് നടപടി.സുഹൃത്തിനെ പരീക്ഷക്ക് അയച്ച വിദ്യാർഥിക്കെതിരെ ജുവനൈൽ ആക്ട് പ്രകാരം കേസെടുക്കും. മണിയൂർ ഹയർ സെക്കൻഡറി സ്കൂൾ കേന്ദ്രമായി തിങ്കളാഴ്ച നടന്ന പ്ലസ് ടു സോഷ്യോളജി സേ പരീക്ഷയിലാണ് ആൾമാറാട്ടം.
ഹാൾ ടിക്കറ്റിലെ റജിസ്റ്റർ നമ്പറും ഉത്തരക്കടലാസിലെ രജിസ്റ്റർ നമ്പറും തമ്മിൽ വ്യത്യാസം കണ്ടതിനെ തുടർന്ന് ഇവിജിലേറ്റർ ചോദ്യംചയ്തപ്പോഴാണ് ആൾമാറാട്ടം വെളിച്ചത്തായത്. കൈയിലുള്ള ഹാൾ ടിക്കറ്റിലെ നമ്പറിന് പകരം കഴിഞ്ഞ വർഷം പരീക്ഷയെഴുതിയ തെൻറ രജിസ്റ്റർ നമ്പർ ഉത്തരക്കടലാസിൽ യുവാവ് എഴുതി പോവുകയായിരുന്നു. സുഹൃത്തിെൻറ പടത്തിന് പകരം സ്വന്തം പടം ഒട്ടിച്ചാണ് ഇയാൾ പരീക്ഷ എഴുതാനെത്തിയത്. പ്രതിയെ കോടതിയിൽ ഹാജരാക്കി. പിടിയിലായയാൾ പ്ലസ് ടു പരീക്ഷ നേരത്തേ പാസായിട്ടുണ്ട്.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.