ഫാദർ തിയോഡോഷ്യസി​ന്‍റേത്​ അപക്വ പരാമർശം -പി.എം.എ സലാം

മലപ്പുറം: വിഴിഞ്ഞം സംഘർഷവുമായി ബന്ധപ്പെട്ട്​ മന്ത്രി വി. അബ്​ദുറഹിമാനെതിരെ ഫാദർ തിയോഡോഷ്യസ് നടത്തിയ പരാമർശം അപക്വമാണെന്ന്​ മുസ്​ലിം ലീഗ്​ സംസ്ഥാന ആക്​ടിങ്​ ജനറൽ സെക്രട്ടറി പി.എം.എ സലാം. ഉന്നത സ്ഥാനത്തിരിക്കുന്നവർ വാക്കുകൾ പ്രയോഗിക്കുമ്പോൾ ശ്രദ്ധിക്കണം.

അദ്ദേഹത്തി​ന്റെ പരാമർശത്തിനെതിരെ ശക്തമായി പ്രതികരിച്ച് കുഴപ്പമുണ്ടാക്കാൻ ലീഗ് ആഗ്രഹിക്കുന്നില്ല. വിഴിഞ്ഞം പദ്ധതിക്ക് ലീഗും യു.ഡി.എഫും എതിരല്ല. പക്ഷേ, അതിന്‍റെ പേരിൽ പാവങ്ങൾ ബുദ്ധിമുട്ടരുത്. സമരം ചെയ്യുന്നവരെ വിശ്വാസത്തിൽ എടുക്കണം. സമരക്കാരുടെ ആവശ്യങ്ങൾ സർക്കാർ അംഗീകരിച്ചിട്ടില്ലെന്നും സലാം പറഞ്ഞു.