തൃശൂരിൽ പരോളിലിറങ്ങിയ പോക്‌സോ കേസ് പ്രതിയെ വെട്ടിക്കൊന്നു

തൃശൂര്‍: പഴയന്നൂര്‍ എളനാട് പോക്‌സോ കേസ് പ്രതിയെ വെട്ടിക്കൊന്നു. എളനാട് സ്വദേശിനിയായ ആദിവാസി യുവതിയെ പീഡിപ്പിച്ച കേസിലെ പ്രതിയായ ഏളനാട് തിരുമണി സ്വദേശിയാണ് സതീഷ്(36) ആണ്​ കൊല്ലപ്പെട്ടത്. ബുധനാഴ്ച രാവിലെ ആളൊഴിഞ്ഞ വീടി​െൻറ മുന്നിലാണ്​ ഇയാളുടെ മൃതദേഹം അയൽവാസികൾ കണ്ടത്​. പ്രായപൂർത്തിയാകാത്ത പെൺകുട്ടിയെ ബലാത്സംഗം ചെയ്ത കേസിൽ എട്ടു മാസമായി ജയിലിലായിരുന്നു സതീഷ്.

ജയിലിലെ കോവിഡ് വ്യാപനത്തി​െൻറ സാഹചര്യത്തിൽ തടവുകാർക്ക്​ പരോള്‍ അനുവദിച്ചിരുന്നു. ഇതനുസരിച്ച് രണ്ട് മാസമായി ഇയാള്‍ പരോളില്‍ കഴിയുകയായിരുന്നു. പരോളി​ലിറങ്ങിയ ശേഷം ഇയാൾ മലപ്പുറത്താണ്​ താമസിച്ചിരുന്നത്​. എന്നാൽ ഏതാനും ദിവസങ്ങളായി എളനാട്​ കണ്ടതായി നാട്ടുകാർ പറഞ്ഞു.

കൊലയാളികളെ കുറിച്ച്​ സൂചനയൊന്നും ലഭിച്ചിട്ടില്ല. സംഭവത്തിൽ പഴയന്നൂര്‍ പൊലീസ് അന്വേഷണം തുടങ്ങി.