​​​​പൊലീസ് കംപ്ലയിന്‍റ് അതോറിറ്റി ചെയര്‍മാന് പുതിയ കാർ; സർക്കാർ നടപടി വിവാദത്തിലേക്ക്

കൊ​ച്ചി: ക​ടു​ത്ത സാ​മ്പ​ത്തി​ക പ്ര​തി​സ​ന്ധി​ക്കി​ടെ പൊ​ലീ​സ് കം​പ്ല​യി​ന്‍റ്​ അ​തോ​റി​റ്റി ചെ​യ​ര്‍മാ​ന് പു​തി​യ കാ​ര്‍ വാ​ങ്ങാ​ൻ അ​നു​മ​തി ന​ൽ​കി​യ സ​ർ​ക്കാ​ർ ന​ട​പ​ടി വി​വാ​ദ​ത്തി​ലേ​ക്ക്. ഒ​രു ല​ക്ഷം കി​ലോ മീ​റ്റ​ർ മാ​ത്രം ഓ​ടി​യ 2017 മോ​ഡ​ൽ ഇ​ന്നോ​വ ക്രി​സ്റ്റ കാ​ർ മാ​റ്റി പ​ക​രം വാ​ങ്ങാ​ൻ 30,37,736 രൂ​പ​യു​ടെ അ​നു​മ​തി​യാ​ണ്​ മ​ന്ത്രി​സ​ഭാ യോ​ഗം ന​ൽ​കി​യ​ത്. ഇ​ത്​ സ​ബ​ന്ധി​ച്ച്​ ഡി​സം​ബ​ർ 12ന്​ ​ആ​ഭ്യ​ന്ത​ര വ​കു​പ്പ്​ ഉ​ത്ത​ര​വും പു​റ​പ്പെ​ടു​വി​ച്ചു.

പൊ​ലീ​സ് കം​പ്ല​യി​ന്‍റ്​ അ​തോ​റി​റ്റി ചെ​യ​ര്‍മാ​നാ​യ മു​ൻ ഹൈ​കോ​ട​തി ജ​ഡ്ജി ജ​സ്റ്റി​സ്​ വി.​കെ. മോ​ഹ​ന​ൻ ഇ​പ്പോ​ൾ ഉ​പ​യോ​ഗി​ക്കു​ന്ന കാ​റി​ന്​​ തു​ട​ര്‍ച്ച​യാ​യി ത​ക​രാ​റും അ​റ്റ​കു​റ്റ​പ്പ​ണി​യും ഉ​ണ്ടാ​കു​ന്ന​താ​യി അ​ദ്ദേ​ഹം അ​റി​യി​ച്ചി​ട്ടു​ണ്ടെ​ന്ന വി​വ​രം പൊ​ലീ​സ്​ മേ​ധാ​വി സ​ർ​ക്കാ​റി​ന്​ കൈ​മാ​റി​യി​രു​ന്നു. ​

തു​ട​ർ​ന്നാ​ണ്​ വി​ഷ​യം മ​ന്ത്രി​സ​ഭ യോ​ഗം ച​ർ​ച്ച​ ചെ​യ്ത്​ ഇ​ന്നോ​വ ഹൈ​ക്രോ​സ് (ഹൈ​ബ്രി​ഡ്) ഫു​ള്‍ ഓ​പ്ഷ​ൻ കാ​ര്‍ വാ​ങ്ങാ​ൻ തു​ക അ​നു​വ​ദി​ച്ച​തെ​ന്നാ​ണ് ഉ​ത്ത​ര​വി​ൽ പ​റ​യു​ന്ന​ത്. നി​ല​വി​ലെ വാ​ഹ​നം ആ​റു വ​ര്‍ഷ​ത്തി​നി​ട​യി​ൽ 1,05,000 കി​ലോ​മീ​റ്റ​റാ​ണ് ഓ​ടി​യ​ത്.

നി​ല​വി​ലെ കാ​ര്‍ മാ​റ്റേ​ണ്ടെ​ന്ന ധ​ന​വ​കു​പ്പ്​ നി​ല​പാ​ട് മു​ഖ്യ​മ​ന്ത്രി ഇ​ട​പെ​ട്ട്​ തി​രു​ത്തി​ച്ചാ​ണ്​ അ​നു​മ​തി ന​ൽ​കി​യ​തെ​ന്ന ആ​രോ​പ​ണ​മു​യ​ർ​ന്നി​ട്ടു​ണ്ട്.