ചോദ്യം ചെയ്യലിനു പോയ കെ.ടി ജലീലിൻെറ യാത്ര പൊലീസും അറിഞ്ഞില്ല; സി.സി ടി.വി ദൃശ്യങ്ങൾ പുറത്ത്​

കൊച്ചി: മന്ത്രി കെ.ടി. ജലീൽ സൃഹൃത്തായ വ്യവസായി എം.എസ്​. അനസിൻെറ അരൂരിലെ വീട്ടിൽനിന്ന്​ കൊച്ചിയിലെ എൻഫോഴ്​സ്​മെൻറ്​ ഡയറക്​ടറേറ്റ്​ ഓഫിസിൽ ചോദ്യചെയ്യലിനു പോയ വിവരം പൊലീസും അറിഞ്ഞില്ല. മന്ത്രി ഔദ്യോഗിക വാഹനത്തിൽ അരൂരിലെ വീട്ടിൽ വ്യാഴാഴ്​ച രാത്രി എത്തിയതിനുശേഷം തിരിച്ചുപോകുന്നത്​ സംബന്ധിച്ച്​ പൊലീസിനെ അറിയിച്ചില്ലെന്നാണ്​ വിവരം.

സീഫുഡ്​, ഫാർമസ്യൂട്ടിക്കൽ വ്യവസായം നടത്തുന്ന അനസ്​ സി.പി.എം, ഇടതുപക്ഷ ​ഉന്നത നേതാക്കളുടെ അടുപ്പക്കാരനും ഹജ്ജ്​ കമ്മിറ്റി അംഗവുമാണ്​. വെള്ളിയാഴ്​ച രാവിലെ ഔദ്യോഗിക വാഹനം ഒഴിവാക്കി സുഹൃത്തി​ൻെറ വെള്ള ഇന്നോവ കാറിലാണ്​ മന്ത്രി എറണാകുളം മുല്ലശ്ശേരി കനാൽ റോഡിലെ ഇ.ഡി ഓഫിസിൽ എത്തിയത്​. ഇതിനു​ സമീപത്തെ സ്ഥാപനത്തിലെ സി.സി ടി.വി കാമറയിൽ ഈ വാഹനത്തി​ൻെറ ദൃശ്യങ്ങൾ പതിഞ്ഞിട്ടുണ്ട്​. ദൃശ്യങ്ങൾ ചാനലുകൾ പുറത്തുവിട്ടതോടെ പൊലീസ്​ സ്​പെഷൽ ​ബ്രാഞ്ച്​ അന്വേഷിച്ചെത്തുകയും ചെയ്​തു.

വെള്ളിയാഴ്​ച രാവിലെ 9.30ഓടെ ആരംഭിച്ച ചോദ്യംചെയ്യൽ രണ്ടര മണിക്കൂർ നീണ്ടു. മന്ത്രി സഞ്ചരിച്ച വാഹനം ഉച്ചക്ക്​ ഒന്നരയോടെ ഇ.ഡി ഓഫിസിൽനിന്ന്​ തിരികെ പോകുന്നതും ദൃശ്യങ്ങളിലുണ്ട്​. ഇതേ കാർ പിന്നീട്​ നമ്പർ മറച്ച നിലയിൽ അനസി​െൻറ വീട്ടിൽ കിടന്നു. മന്ത്രിയുടെ ഔ​േദ്യാഗിക വാഹനം അരൂരിൽനിന്ന്​ കൊച്ചിയിലേക്കും തിരിച്ചു.​ ഇടക്കുവെച്ച്​ ഒൗദ്യോഗിക വാഹനത്തിൽ കയറി മന്ത്രി മലപ്പുറത്തേക്ക്​ പോയെന്നാണ്​ വിവരം.