സർക്കാർ മദ്യശാലകൾ മാറ്റി സ്​ഥാപിക്കൽ; പൊലീസ്​ സംരക്ഷണം നൽകാൻ ഡി.ജി.പി സർക്കുലർ

തിരുവനന്തപുരം: ദേശീയ പാതയോരത്തെ സർക്കാർ മദ്യവിൽപ്പന ശാലയായ ബിവറേജസ്​ കോർപറേഷൻ ഒൗട്ട്​ലറ്റുകൾ മാറ്റി സ്​ഥാപിക്കാൻ പൊലീസ്​ സംരക്ഷണം നൽകും. ജില്ലാ പൊലീസ്​ മേധാവിമാർക്ക്​ ഇതു സംബന്ധിച്ച്​ സർക്കുലർ ഡി.ജി.പി ലോക്​നാഥ്​ ബെഹ്​റ കൈമാറി. ജനവാസകേന്ദ്രങ്ങളിൽ പ്രതിഷേധം ശക്​തമായതിനാൽ സംരക്ഷണം നൽകണമെന്നാവശ്യപ്പെട്ട്​ ബിവറേജസ്​ കോർപറേഷൻ എക്​സൈസ്​ മന്ത്രിയെ സമീപിച്ചിരുന്നു.

മാർച്ച്​ 31നകം ദേശീയ –സംസ്​ഥാന പാതയോരത്തെ മദ്യ വിൽപ്പന ​േകന്ദ്രങ്ങൾ മാറ്റി സ്​ഥാപിക്കണ​െമന്ന്​ സുപ്രീംകോടതി നിർദേശിച്ചിരുന്നു. എന്നാൽ പ്രാദേശിക തലത്തിൽ പ്രതിഷേധങ്ങൾ വർധിക്കുന്നതിനാൽ പുതിയ ഇടങ്ങളിൽ ഒൗട്ട്​ലറ്റുകൾ സ്​ഥാപിക്കാൻ കഴിഞ്ഞിട്ടില്ല. 270 മദ്യവിൽപ്പന കേന്ദ്രങ്ങളിൽ 110 എണ്ണം മാറ്റി സ്​ഥാപിക്കേണ്ടവയാണ്​. മാർച്ച്​ 31നകം മാറ്റിയിട്ടില്ലെങ്കിൽ ഇവ അടച്ചു പൂ​േട്ടണ്ടി വരും. ഇത്​ സർക്കാറിന്​ കനത്ത സാമ്പത്തിക നഷ്​ടമാണ്​ വരുത്തിവെക്കുക.