പൊലീസ്​ വേട്ട: ഇന്ന്​ ഡി.ജി.പി ഓഫിസ്​ മാർച്ച്​

തി​രു​വ​ന​ന്ത​പു​രം: വാ​ർ​ത്ത​യു​ടെ പേ​രി​ൽ ‘മാ​ധ്യ​മം’ ലേ​ഖ​ക​ൻ അ​നി​രു അ​ശോ​ക​ന്‍റെ മൊ​ബൈ​ൽ ഫോ​ൺ പി​ടി​ച്ചെ​ടു​ക്കാ​നു​ള്ള ക്രൈം​ബ്രാ​ഞ്ച് നീ​ക്ക​ത്തി​നെ​തി​രെ കേ​ര​ള പ​ത്ര​പ്ര​വ​ർ​ത്ത​ക യൂ​നി​യ​ന്‍റെ സം​സ്ഥാ​ന മാ​ർ​ച്ചും ധ​ർ​ണ​യും ചൊ​വ്വാ​ഴ്ച. തി​രു​വ​ന​ന്ത​പു​ര​ത്ത് പൊ​ലീ​സ് ആ​സ്ഥാ​ന​ത്തേ​ക്കും മ​റ്റ് ജി​ല്ല​ക​ളി​ൽ ജി​ല്ല പൊ​ലീ​സ് മേ​ധാ​വി​യു​ടെ കാ​ര്യാ​ല​യ​ത്തി​ലേ​ക്കു​മാ​ണ് മാ​ർ​ച്ച്.

തി​രു​വ​ന​ന്ത​പു​ര​ത്ത് രാ​വി​ലെ 11ന് ​മാ​ന​വീ​യം വീ​ഥി​യി​ൽ നി​ന്ന് പൊ​ലീ​സ് ആ​സ്ഥാ​ന​ത്തേ​ക്ക് ന​ട​ത്തു​ന്ന മാ​ർ​ച്ച് യു.​ഡി.​എ​ഫ് ക​ൺ​വീ​ന​ർ എം.​എം. ഹ​സ​ൻ ഉ​ദ്ഘാ​ട​നം ചെ​യ്യും. യൂ​നി​യ​ൻ സം​സ്ഥാ​ന പ്ര​സി​ഡ​ന്‍റ് കെ.​പി. റ​ജി അ​ധ്യ​ക്ഷ​ത വ​ഹി​ക്കും. ടെ​ലി​ഗ്രാ​ഫ് എ​ഡി​റ്റ​ർ അ​റ്റ് ലാ​ർ​ജ് ആ​ർ. രാ​ജ​ഗോ​പാ​ൽ, ബി.​ജെ.​പി സം​സ്ഥാ​ന വൈ​സ് പ്ര​സി​ഡ​ന്‍റ്​ സി. ​ശി​വ​ൻ​കു​ട്ടി, സി.​എം.​പി ജ​ന​റ​ൽ സെ​ക്ര​ട്ട​റി സി.​പി. ജോ​ൺ തു​ട​ങ്ങി​യ​വ​രും രാ​ഷ്ട്രീ​യ, സാ​മൂ​ഹി​ക സം​ഘ​ട​നാ നേ​താ​ക്ക​ളും പ​ങ്കെ​ടു​ക്കും.

വാ​ർ​ത്ത​യു​ടെ ഉ​റ​വി​ടം വെ​ളി​പ്പെ​ടു​ത്താ​ൻ നി​ർ​ബ​ന്ധി​ച്ച്​ ക്രൈം​ബ്രാ​ഞ്ച് ന​ട​ത്തു​ന്ന നീ​ക്ക​ങ്ങ​ൾ മാ​ധ്യ​മ​പ്ര​വ​ർ​ത്ത​ന​ത്തി​ന്​ കൂ​ച്ചു​വി​ല​ങ്ങി​ടാ​ൻ ഉ​ദ്ദേ​ശി​ച്ചു​ള്ള​താ​ണെ​ന്നും ഇ​തി​നെ​തി​രെ നി​യ​മ​പ​ര​മാ​യും ശ​ക്ത​മാ​യ പോ​രാ​ട്ടം സം​ഘ​ടി​പ്പി​ക്കു​മെ​ന്നും യൂ​നി​യ​ൻ സം​സ്ഥാ​ന പ്ര​സി​ഡ​ന്‍റ് കെ.​പി. റ​ജി​യും ജ​ന​റ​ൽ സെ​ക്ര​ട്ട​റി സു​രേ​ഷ് എ​ട​പ്പാ​ളും അ​റി​യി​ച്ചു.