രാത്രി വനിതാ ജനപ്രതിനിധിയുടെ ​വീട്ടിലെത്തിയ പൊലീസ്​ മൊബൈൽ പിടിച്ചുവാങ്ങി രഹസ്യ ആപ്​ ഇൻസ്റ്റാൾ ചെയ്​തെന്ന്​

തിരുവനന്തപുരം: വനിതാ ജനപ്രതിനിധിയുടെ വീട്ടിൽ പൊലീസ്​ നടത്തിയ അതിക്രമത്തിനെതിരെ ഡി.ജി.പിക്കും ആഭ്യന്തര സെക്രട്ടറിക്കും പരാതി നൽകി. എറണാകുളം പോത്താനിക്കാട്​ ഗ്രാമപഞ്ചായത്ത്​ സിറ്റാൻഡിങ്​ കമ്മിറ്റി അംഗം ജിനു മാത്യുവാണ്​ പരാതി നൽകിയത്​. രാത്രി ​വീട്ടിലെത്തിയ പൊലീസ്​ മൊബൈൽ പിടിച്ചുവാങ്ങി രഹസ്യ ആപ്​ ഇൻസ്റ്റാൾ ചെയ്​തതായും പരാതിയിൽ പറയുന്നു.

ഇൗമാസം 13ന്​ രാത്രി ഏഴു മണിയോടെയാണ്​ പോത്താനിക്കാട്​ സി.​െഎയും യൂനിഫോം ധരിക്കാത്തവരുൾപ്പെടെ പൊലീസ്​ സംഘവും ജിനു മാത്യുവി​െൻറ വീട്ടിലെത്തിയത്​. ഒരു കേസുമായി ബന്ധപ്പെട്ട അന്വേഷണത്തി​െൻറ ഭാഗമായി എത്തിയതാണെന്ന്​ പറഞ്ഞ പൊലീസ്​ സംഘം ഫോൺ ആവശ്യപ്പെട്ടു. ഫോൺ പരിശോധിക്കാനുള്ള രേഖകൾ വല്ലതുമുണ്ടോയെന്ന്​ ചോദിച്ചപ്പോൾ യൂനി​േഫാമിടാതിരുന്ന ഉദ്യോഗസ്ഥൻ ത​െൻറ പക്കൽ നിന്ന്​ ഫോൺ ബലംപ്രയോഗിച്ച്​ പിടിച്ചുവാങ്ങിയെന്ന്​ ജിനുമാത്യു പരാതിയിൽ ആരോപിക്കുന്നു.

തന്നെ നിർബന്ധിച്ച്​ ഫോണി​െൻറയും വാട്​സ്​ആപ്പി​െൻറയും ​േലാക്ക്​ മാറ്റിച്ചു. തുടർന്ന്,​ ആ ഉദ്യോഗസ്ഥൻ ഫോണുമായി പുറത്തേക്കുപോയി. 15 മിനിറ്റായിട്ടും ഫോൺ ലഭിക്കാത്തതിനെ തുടർന്ന്​ ഒന്നുകിൽ ഫോൺ തരികയോ അല്ലെങ്കിൽ ഫോൺ പൊലീസി​െൻറ കസ്​റ്റഡിയിലാണെന്ന്​ എഴുതിത്തരുകയോ ചെയ്യണമെന്ന്​ ആവശ്യപ്പെട്ടു. തുടർന്നാണ്​ ഫോൺ കൈമാറിയത്​. വനിതാ പൊലീസില്ലാതെയാണോ വനിതയുടെ വീട്ടിൽ വരുന്നതെന്ന്​ ചോദിച്ചപ്പോൾ ഒന്നും മിണ്ടാതെ പൊലീസ്​ സംഘം മടങ്ങി.

അവർ പോയശേഷം മൊബൈൽ ഫോൺ പരിശോധിച്ചപ്പോൾ സ്​ക്രീൻ റെക്കോഡ്​ ചെയ്യുന്നതായി കണ്ടെത്തി. പിറ്റേന്ന്​ മൊബൈൽ ഷോപ്പിൽ കാണിച്ചപ്പോൾ നിയമവിരുദ്ധമായ ഒരു ആപ്​ ഡൗൺലോഡ്​ ചെയ്​ത്​ അത്​ ഹൈഡ്​ ചെയ്​തതായി കണ്ടെത്തി. അത്​ മനസ്സിലാക്കിയതിനെ തുടർന്ന്​ ആ ആപ്​ നീക്കം ചെയ്​തു. ഒരു വനിതാ ജനപ്രതിനിധിയായ ത​െൻറ വീട്ടിൽ വനിതാ പൊലീസ്​ പോലുമില്ലാതെ രാത്രിയിലെത്തി ഇത്തരം നടപടി സ്വീകരിച്ചവർക്കെതിരെ കർശന നടപടി സ്വീകരിക്കണമെന്നും പരാതിയിൽ ജിനു ആവശ്യപ്പെട്ടു.