പൊലീസ് ജീപ്പ് മറിഞ്ഞ് എസ്.ഐ അടക്കം നാലുപേർക്ക് പരിക്ക്

കോഴിക്കോട്: കായണ്ണ മെട്ടന്തറയിൽ പൊലീസ് ജീപ്പ് നിയന്ത്രണം വിട്ട് മറിഞ്ഞ് എസ്.ഐ അടക്കം നാലുപേർക്ക് പരിക്ക്. പേരാമ്പ്ര സ്റ്റേഷനിലെ വാഹനമാണ് അപകടത്തിൽ പെട്ടത്. സംഭവത്തിൽ എസ്‌.ഐ കെ. ജിതിൻ വാസ് (32), സിവിൽ പൊലീസ് ഓഫിസർമാരായ കൃഷ്ണൻ (52) അനുരൂപ് (37), ദിൽഷാദ് (37) എന്നിവർക്കാണ് പരിക്കേറ്റത്.

ശനിയാഴ്ച രാവിലെ11.30നാണ് അപകടം. കായണ്ണ മൊട്ടന്തറ ഗവ. ഹയര്‍ സെക്കൻഡറി സ്‌കൂളിന്റെ റോഡില്‍നിന്ന് മൊട്ടന്തറ അങ്ങാടിയിലേക്കുള്ള ഇറക്കത്തിലാണ് ജീപ്പ് മറിഞ്ഞത്. പരിക്കേറ്റവരെ ആദ്യം പേരാമ്പ്ര ഇ.എം.എസ് സഹകരണ ആശുപത്രിയിലും പിന്നീട് കോഴിക്കോട് മെഡിക്കൽ കോളജ് ആശുപത്രിയിലും പ്രവേശിപ്പിച്ചു.