പൾസർ സുനിയുടെ അഭിഭാഷൻ പ്രതീഷ്​ ചാക്കോയെ കസ്​റ്റഡിലെടുത്തേക്കും

കൊച്ചി: നടിയെ ആക്രമിച്ച കേസിൽ മുഖ്യപ്രതി പൾസർ സുനിയുടെ മുൻ അഭിഭാഷകൻ പ്രതീഷ് ചാക്കോയെ കസ്റ്റഡിയിലെടുക്കുമെന്ന്​ സൂചന. പ്രതീഷ് ചാക്കോയുടെ മുൻകൂർ ജാമ്യാപേക്ഷ ഹൈക്കോടതി ഇന്നു വീണ്ടും പരിഗണിക്കാനിരിക്കെയാണ് ഇയാളെ കസ്​റ്റഡിയിലെടുക്കാനുള്ള നീക്കങ്ങൾ പൊലീസ്​ നടത്തുന്നത്​.

കൃത്യത്തിനു ശേഷം നടിയുടെ ദൃശ്യങ്ങൾ ഉൾപ്പെടുന്ന മെമ്മറി കാർഡ്​ പൾസർ സുനി കൈമാറിയത്​ പ്രതീഷ്​ ചാക്കോക്കായിരുന്നു. സിനിമാ വിതരണക്കാരുടെ സംഘടനയുടെ നിയമ ഉപദേഷ്​ടാവാണ്​ പ്രതീഷ്​ ചാക്കോ. നടിയെ ആക്രമിച്ച്​ ഒളിവിൽ പോയ സുനിയെ കീഴടങ്ങാനുള്ള സാഹചര്യം തേടി അഭിഭാഷക​​​​​െൻറ അടുത്തേക്കയച്ചത്​ ദിലീപാണെന്നും പൊലീസ്​ സംശയിക്കുന്നു. 

കേസിൽ പ്രതീഷ് ചാക്കോയുടെ അറസ്റ്റ് തടയാനാകില്ലെന്ന് ഹൈക്കോടതി നേരത്തെ വ്യക്തമാക്കിയിരുന്നു. കേസിൽ അഭിഭാഷക​​​​​െൻറ പങ്കാളിത്തം വ്യക്തമല്ലെന്നും ചോദ്യം െചയ്താൽ മാത്രമേ ഇതേക്കുറിച്ച് അറിയാൻ ‍കഴിയൂ എന്നുമായിരുന്നു കോടതിയുടെ നിലപാട്. 

നടിയെ ആക്രമിച്ചശേഷം പൾസർ സുനി നൽകിയ ഫോൺ സൂക്ഷി​െച്ചന്നാണ് പ്രതീഷ് ചാക്കോക്കെതിരെയുള്ള ആരോപണം. പൾസർ സുനി ഒളിവില്‍ക്കഴിയവേ ഫെബ്രുവരി 23-ന് എറണാകുളത്ത് അഭിഭാഷക​​​​​െൻറ ഓഫീസില്‍വെച്ച് ഫോണ്‍ നല്‍കിയെന്നാണ് പറയുന്നത്. അവിടെ പരിശോധന നടത്തിയെങ്കിലും ബാഗ് മാത്രമാണ് കിട്ടിയത്. കേസിൽ നിര്‍ണായക തെളിവായ ഫോൺ കിട്ടിയിരുന്നില്ല. ഈ വിഷയത്തിൽ ചോദ്യം ചെയ്യാൻ അന്വേഷണ സംഘം പ്രതീഷ് ചാക്കോക്ക്​ നോട്ടീസ് നൽകിയിരുന്നു.