മുക്കത്ത് വൻ സ്ഫോടക ശേഖരം പിടികൂടി; ഒരാൾ അറസ്​റ്റിൽ

മുക്കം: ലോറിയിൽ അനധികൃതമായി കടത്തിയ ഒരു ടൺ സ്ഫോടക വസ്തു പൊലീസ് പിടികൂടി. ഒരാ​ളെ അറസ്​റ്റ്​ ചെയ്യുകയും ലോറി കസ്​റ്റഡിയിലെടുക്കുകയും ചെയ്​തു. എടവണ്ണ-കൊയിലാണ്ടി സംസ്ഥാന പാതയിൽ മുക്കത്തിന് സമീപം ഒാടത്തെരുവിൽനിന്നാണ് മുക്കം എസ്.ഐ അഭിലാഷി​​​െൻറ നേതൃത്വത്തിൽ ലോറി പിടികൂടിയത്. 

ലോറി ഉടമയും ഡ്രൈവറുമായ തമിഴ്നാട് നെടുപട്ടി സേലം സ്വദേശി മതേഷ് (40) അറസ്​റ്റിലായി. കോഴിക്കോട് റൂറൽ എസ്.പി പി.കെ. പുഷ്കരന് കിട്ടിയ രഹസ്യവിവരത്തി​​​െൻറ അടിസ്ഥാനത്തിൽ ശനിയാഴ്ച പുലർച്ച അഞ്ചിന്​ ഓടത്തെരുവിൽ നടത്തിയ നിരീക്ഷണത്തിനിടയിലാണ്​ വയനാട് ഭാഗത്തേക്ക് പോവുകയായിരുന്ന ടി.എൻ 56 എ 8565 നമ്പറിലുള്ള ലോറി പിടികൂടിയത്. സ്ഫോടക ശേഖരം കൊടുവള്ളി സ്വദേശിക്ക്​ നൽകാനുള്ളതാ​െണന്നാണ് പ്രതിയെ ചോദ്യം ചെയ്​തതിൽനിന്ന് കിട്ടിയ പ്രാഥമിക വിവരം. ലോറിയുടെ പിന്നിൽ വിവിധ ഭാഗങ്ങളിലായി രഹസ്യമായും വലത​ുഭാഗത്ത് പ്രത്യേകം തയാറാക്കിയ അറയിലുമായി പെട്ടിയിലാക്കിയ വിധത്തിലാണ് 8000 ജലാറ്റിൻ സ്​റ്റിക്കുകൾ സൂക്ഷിച്ചിരുന്നത്. 

ജലാറ്റിൻ സ്​റ്റിക്ക് തെലുങ്കാനയിലെ നെൽകോണത്ത് നിർമിച്ചതായി രേഖപ്പെടുത്തിയിട്ടുണ്ട്. സോഡിയം നൈട്രേറ്റ്​ ഇതിൽ ചേർത്തിട്ടുണ്ട്​. മറ്റു പ്രിൻറുകളെല്ലാം പറിച്ച് മാറ്റിയിട്ടുമുണ്ട്​.താമരശ്ശേരി ഡിവൈ.എസ്.പി പി.സി. സജീവൻ, എസ്.ഐ കെ.പി. അഭിലാഷ്, ബേബി മാത്യു, സതീഷ് കുമാർ, ജയമോദ്, സലീം മുട്ടത്ത്, രാജീവ്, ഷിബിൽ ജോസഫ്, ഹരിദാസൻ എന്നിവരാണ്​ സ്ഫോടകവസ്തുക്കൾ പിടികൂടാൻ നേതൃത്വം നൽകിയത്.