ദാസ്യപ്പണി: പൊലീസ് ഉദ്യോഗസ്ഥർക്ക് അന്ത്യ ശാസനവുമായി മുഖ്യമന്ത്രി

തിരുവനന്തപുരം: പൊലീസിലെ അച്ചടക്കം, അടിമപ്പണി തുടങ്ങിയ വിവാദങ്ങളിൽ ഉന്നത ഉദ്യോഗസ്​ഥർക്ക്​ മുഖ്യമന്ത്രിയുടെ അന്ത്യശാസനം. ‘കേരളത്തിനുപുറത്തുനിന്നുവന്ന ​െഎ.പി.എസുകാർ ജോലി ചെയ്യുന്നത്​ കേരളത്തിലാണെന്ന് ഓർക്കണം. ഉത്തരേന്ത്യൻ സംസ്ഥാനങ്ങളിലെ സംസ്​കാരമല്ല കേരള പൊലീസി​േൻറത്​’​ എന്നായിരുന്നു പിണറായി വിജയ​​​െൻറ കർശന മുന്നറിയിപ്പ്​. എസ്​.പി റാങ്കിന്​ മുകളിലുള്ള ഉദ്യോഗസ്​ഥരുടെ അടിയന്തര യോഗത്തിലായിരുന്നു രൂക്ഷ വിമർശനം​. 

സേനയിൽനിന്നുണ്ടാകുന്ന വാർത്തകൾ ദൗർഭാഗ്യകരമാണ്. ഉന്നതസ്ഥാനങ്ങളിൽ ഇരിക്കുന്ന നിങ്ങൾ ഇനി ഇനി ഇടവരുത്തരുത്. സർക്കാർ കടുത്ത നിയന്ത്രണം കൊണ്ടുവരില്ല. പക്ഷേ, ചട്ടം അനുസരിച്ചാണ് പ്രവർത്തിക്കുന്നതെന്ന് ഉറപ്പുവരുത്തണം. അല്ലാത്തപക്ഷം, കർശന നടപടിക്ക് നിർബന്ധിതമാകും. ക്യാമ്പ്​ ഫോളോവർമാരെയും പൊലീസുകാരെയും ഉദ്യോഗസ്​ഥർക്കൊപ്പം വിടുന്നത്​ ചട്ടങ്ങളുടെ അടിസ്ഥാനത്തിലാണ്. വീഴ്ചയുണ്ടായാൽ ശിക്ഷാനടപടി സ്വീകരിക്കാൻ നിങ്ങൾക്ക് അധികാരമില്ല.

ചില ഉദ്യോഗസ്ഥരുടെ വര്‍ക്കിങ് അറേഞ്ച്‌മ​​െൻറ്​സ്​ തുടരുകയാണ്​. അത് അനുവദിക്കില്ല. അനധികൃതമായി പൊലീസുകാരുണ്ടെങ്കില്‍ മാതൃയൂനിറ്റുകളിലേക്ക്​ അയക്കണം. മാസങ്ങൾക്കുമുമ്പ്​ വിഡിയോ കോണ്‍ഫറന്‍സിങ്ങിലൂടെ താൻ നിർദേശം നൽകിയ ശേഷമാണ്​ വരാപ്പുഴ കസ്​റ്റഡി മരണം നടന്നത്. തിയറ്റർ പീഡനക്കേസിലും കെവിൻെറ കൊലപാതകത്തിലും നിങ്ങളിൽ ചിലരുടെ ഭാഗത്തുനിന്നുണ്ടായ പ്രവൃത്തി സർക്കാറി​​​െൻറ പ്രതിച്ഛായക്ക്​ കോട്ടമുണ്ടാക്കി. ചില എസ്​.പിമാര്‍ ഉൾപ്പെടെയുള്ളവർക്ക്​  വീഴ്ച പറ്റി.  

എസ്​.പിമാർ സ്​റ്റേഷനുകൾ സന്ദർശിച്ച്​ സ്ഥിതി വിലയിരുത്തണം. പ്രധാന കേസുകളില്‍ മേലുദ്യോഗസ്ഥര്‍ മേല്‍നോട്ടം വഹിക്കണം. സ്‌പെഷൽ ബ്രാഞ്ച്, വിജിലന്‍സ് എന്നിവിടങ്ങള്‍ വിശ്രമ കേന്ദ്രങ്ങളാക്കാന്‍ സമ്മതിക്കില്ല. ടീ ഷര്‍ട്ട് ധരിച്ച് 11 മണിക്ക്​  ഓഫിസിലെത്തുന്ന ചില എസ്​.പിമാരെ തനിക്കറിയാം. അത്തരത്തിലുള്ള നടപടി ​െവച്ചുപൊറുപ്പിക്കില്ലെന്നും മുഖ്യമന്ത്രി താക്കീത്​ നൽകി. അടിമപ്പണിയുമായി ബന്ധപ്പെട്ട വിവാദത്തിൽ ആരോപണവിധേയനായ എ.ഡി.ജി.പി സുദേഷ് കുമാര്‍ യോഗത്തില്‍ പങ്കെടുത്തില്ല. മൊബൈൽ ഫോണുകൾ പോലും അനുവദിക്കാത്ത കനത്ത സുരക്ഷയിലാണ് യോഗം നടന്നത്. ആഭ്യന്തരവകുപ്പിലെയും മ​ുഖ്യമന്ത്രിയുടെ ഒാഫിസിലെ പ്രമുഖർക്കു പോലും പ്ര​േവശനം അനുവദിച്ചിരുന്നില്ല.

മാധ്യമങ്ങൾക്കെതിരെ വീണ്ടും മുഖ്യമന്ത്രി 
തിരുവനന്തപുരം: ഉന്നത പൊലീസ്​ ഉദ്യോഗസ്​ഥരുടെ യോഗത്തിൽ മാധ്യമങ്ങൾക്ക്​ മുഖ്യമന്ത്രിയുടെ വിമർശനം. മാധ്യമങ്ങൾക്ക്​ നെഗറ്റിവ്​ വാർത്തകളോടാണ്​ താൽപര്യമെന്നും അതിന്​ ചില ഉദ്യോഗസ്​ഥർതന്നെ സഹായിക്കു​െന്നന്നും പിണറായി വിജയൻ കുറ്റപ്പെടുത്തി. പൊലീസ്​ ഉദ്യോഗസ്​ഥർക്കെതിരെ പ്രചരിപ്പിക്കുന്ന എല്ലാ വാർത്തകളും ശരിയല്ലെന്ന്​ തനിക്കറിയാം. ദേശീയ മാധ്യമങ്ങൾ പോലും കേരള പൊലീസിലെ സംഭവിക്കാൻ പാടില്ലാത്ത കാര്യങ്ങൾ റിപ്പോർട്ട്​  ചെയ്യുന്നുണ്ട്.

ഇത്​ കേരളത്തെയും സർക്കാറിനെയും നാണംകെടുത്തുന്നതാണ്. ഇത്തരം നെഗറ്റിവ് വാർത്തകൾ സർക്കാറിനെതിരായ നീക്കമാണ്​. മാധ്യമങ്ങളുടെ ഇത്തരം ​െനഗറ്റിവ്​ നീക്കത്തിൽനിന്ന്​ ഉദ്യോഗസ്​ഥർ ഒഴിഞ്ഞുനിൽക്കണം. വീഴ്ചയുണ്ടെങ്കില്‍ അറിയിക്കാന്‍ പൊലീസ് സ്​റ്റേഷനില്‍ ഏകീകൃത കാള്‍ സ​​െൻറര്‍ സംവിധാനം കൊണ്ടുവരുമെന്നും മുഖ്യമന്ത്രി പറഞ്ഞു.