കോടതി നിർദേശം മറയാക്കി പ്രതിഷേധക്കാരെ പൂട്ടാൻ പൊലീസ്

തി​രു​വ​ന​ന്ത​പു​രം: പൊ​തു​മു​ത​ൽ ന​ശീ​ക​ര​ണ നി​യ​ന്ത്ര​ണ നി​യ​മം സം​ബ​ന്ധി​ച്ച സു​പ്രീം​കോ​ട​തി നി​ർ​​ദേ​ശം മ​റ​യാ​ക്കി ജ​ന​കീ​യ സ​മ​ര​ങ്ങ​ളെ​യും പ്ര​തി​ഷേ​ധ​ങ്ങ​ളെ​യും പൂ​ട്ടാ​ൻ പൊ​ലീ​സ്. പൊ​തു​മു​ത​ൽ ന​ശി​പ്പി​ക്കു​ന്ന​തു​ൾ​പ്പെ​ടെ സ​മ​ര​ങ്ങ​ളെ നേ​രി​ടു​ന്ന​തു​മാ​യി ബ​ന്ധ​പ്പെ​ട്ട്​ ഡി.​ജി.​പി അ​നി​ൽ​കാ​ന്ത്​ പു​റ​ത്തി​റ​ക്കി​യ സ​ർ​ക്കു​ല​റി​ലാ​ണ്​ പു​തി​യ നി​ർ​ദേ​ശ​ങ്ങ​ൾ. അ​ക്ര​മ​ങ്ങ​ളും വ​സ്തു​വ​ക​ക​ൾ​ക്ക്​ നാ​ശ​മു​ണ്ടാ​ക്കു​ന്ന​തു​മാ​യ സ​മ​ര​മു​ണ്ടാ​യാ​ൽ നേ​തൃ​ത്വം ന​ൽ​കു​ന്ന സം​ഘ​ട​ന​ക​ളു​ടെ നേ​താ​ക്ക​ളും ഭാ​ര​വാ​ഹി​ക​ളും 24 മ​ണി​ക്കൂ​റി​നകം ബ​ന്ധ​പ്പെ​ട്ട പൊ​ലീ​സ്​ സ്​​റ്റേ​ഷ​നി​ൽ ഹാ​ജ​രാ​ക​ണം. അ​ല്ലാ​ത്ത​പ​ക്ഷം അ​വ​ർ ഒ​ളി​വി​ലാ​ണെ​ന്ന നി​ല​യി​ൽ തു​ട​ർ​ന​ട​പ​ടി സ്വീ​ക​രി​ക്കും.

ആ​ൾ​ക്കൂ​ട്ട ആ​ക്ര​മ​ണം ന​ട​ക്കു​ന്ന പ്ര​ത്യേ​ക കാ​ല​യ​ള​വി​ൽ നോ​ഡ​ൽ ഓ​ഫി​സ​ർ​മാ​ർ​ക്ക്​ സ​മൂ​ഹ​മാ​ധ്യ​മ​ങ്ങ​ളി​ലും ഇ​ൻ​റ​ർ​നെ​റ്റ്​ അ​ധി​ഷ്ഠി​ത ആ​ശ​യ​വി​നി​മ​യ സേ​വ​ന​ങ്ങ​ളി​ലും മൊ​ബൈ​ൽ ആ​പ്ലി​ക്കേ​ഷ​നു​ക​ളി​ലും നി​യ​ന്ത്ര​ണം ഏ​ർ​പ്പെ​ടു​ത്താ​ം. അ​ക്ര​മ​ത്തി​ന്​ ആ​ഹ്വാ​നം ചെ​യ്യു​ന്ന വ്യ​ക്​​തി​ക​ൾ, സം​ഘ​ട​ന​ക​ൾ, സ​മൂ​ഹ മാ​ധ്യ​മ അ​ക്കൗ​ണ്ടു​ക​ൾ എ​ന്നി​വ​ക്കെ​തി​രെ ന​ട​പ​ടി സ്വീ​ക​രി​ക്കും. അ​ക്ര​മ​ങ്ങ​ളു​ണ്ടാ​യാ​ൽ ഔ​ദ്യോ​ഗി​ക വി​ഡി​യോ ഓ​പ​റേ​റ്റ​ർ​മാ​ർ ഇ​ല്ലെ​ങ്കി​ൽ സ്വ​കാ​ര്യ ഓ​പ​റേ​റ്റ​ർ​മാ​രെ ഉ​പ​യോ​ഗി​ച്ച്​ ദൃ​ശ്യ​ങ്ങ​ൾ പ​ക​ർ​ത്തു​ക​യും ആ​വ​ശ്യ​മെ​ങ്കി​ൽ മാ​ധ്യ​മ​ങ്ങ​ളി​ൽ​നി​ന്ന്​ ദൃ​ശ്യ​ങ്ങ​ൾ ശേ​ഖ​രി​ക്കു​ക​യും ചെ​യ്യ​ണം.

പ്ര​ക​ട​ന​ങ്ങ​ൾ ന​ട​ക്കു​മ്പോ​ൾ ആ​യു​ധം കൈ​വ​ശം വെ​ച്ചാ​ൽ സം​ഘ​ർ​ഷ​മു​ണ്ടാ​ക്കാ​നാ​ണെ​ന്ന്​ ക​രു​തി ന​ട​പ​ടി സ്വീ​ക​രി​ക്കും. പ്ര​ക​ട​നം സ​മാ​ധാ​ന​പ​ര​മാ​ക​ണം. ജി​ല്ല​യി​ൽ മാ​ത്രം ഒ​തു​ങ്ങു​ന്ന പ്ര​ക​ട​ന​ങ്ങ​ൾ​ക്ക്​ ജി​ല്ല പൊ​ലീ​സ്​ മേ​ധാ​വി​യും സം​സ്ഥാ​ന​ത​ല​ത്തി​ലു​ള്ള​വ​ക്ക്​ സം​സ്ഥാ​ന​ത്തെ ഏ​റ്റ​വും ഉ​യ​ർ​ന്ന ഉ​ദ്യോ​ഗ​സ്ഥ​നും മേ​ൽ​നോ​ട്ടം വ​ഹി​ക്ക​ണം. പൊ​തു​മു​ത​ൽ ന​ശി​പ്പി​ച്ചാ​ൽ ന​ഷ്ട​പ​രി​ഹാ​രം കെ​ട്ടി​വെ​ച്ചാ​ൽ ജാ​മ്യം അ​നു​വ​ദി​ക്കും. കു​റ്റ​കൃ​ത്യ​ങ്ങ​ൾ ചെ​യ്യു​ന്ന​വ​ർ കു​റ്റ​മു​ക്ത​മാ​ക്ക​പ്പെ​ടു​ന്ന സാ​ഹ​ച​ര്യ​മു​ണ്ടാ​യാ​ൽ അ​തി​നെ​തി​രെ എ​ത്ര​യും​വേ​ഗം​ പ​ബ്ലി​ക്​​പ്രോ​സി​ക്യൂ​ട്ട​ർ​മാ​രു​മാ​യി കൂ​ടി​യാ​ലോ​ചി​ച്ച്​ അ​പ്പീ​ൽ സ​മ​ർ​പ്പി​ക്ക​ണ​മെ​ന്നും ഡി.​ജി.​പി​യു​ടെ സ​ർ​ക്കു​ല​റി​ലു​ണ്ട്.