കള്ളക്കടത്ത് സ്വര്‍ണ കവര്‍ച്ച; പ്രധാന പ്രതികളെ ആദ്യം കസ്റ്റഡിയില്‍ വാങ്ങും

കൊ​ണ്ടോ​ട്ടി: സം​സ്ഥാ​ന വ്യാ​പ​ക​മാ​യി ക്വ​ട്ടേ​ഷ​ന്‍, ക​വ​ര്‍ച്ച കേ​സു​ക​ളി​ല്‍ ബ​ന്ധ​മു​ള്ള അ​ര്‍ജു​ന്‍ ആ​യ​ങ്കി​യു​ടെ സം​ഘ​ത്തി​ലെ മു​ഴു​വ​ൻ പ്ര​തി​ക​ളേ​യും പി​ടി​കൂ​ടാ​ൻ പൊ​ലീ​സ് അ​ന്വേ​ഷ​ണം ഊ​ർ​ജി​ത​മാ​ക്കി. അ​ര്‍ജു​ന്‍ ആ​യ​ങ്കി​യെ​ക്കൂ​ടാ​തെ സം​ഘ​ത്തെ കു​റി​ച്ച് കൂ​ടു​ത​ല്‍ വി​വ​ര​മു​ള്ള പ്ര​തി​ക​ളെ ക​സ്റ്റ​ഡി​യി​ല്‍ വാ​ങ്ങി അ​ന്വേ​ഷ​ണം വ്യാ​പി​പ്പി​ക്കാ​നാ​ണ് ശ്ര​മം.

ഇ​തി​ന്റെ ഭാ​ഗ​മാ​യി പ്ര​തി​ക​ളെ ഒ​ളി​വി​ല്‍ പോ​കാ​നും മ​റ്റും സ​ഹാ​യി​ച്ച തി​രു​വ​ന​ന്ത​പു​രം വെ​മ്പാ​യം സ്വ​ദേ​ശി എ​ന്‍.​എ​ന്‍. മ​ന്‍സി​ല്‍ നൗ​ഫ​ലി​നെ​യാ​കും ആ​ദ്യം ക​സ്റ്റ​ഡി​യി​ല്‍ വാ​ങ്ങു​ക. തു​ട​ര്‍ന്ന് മ​റ്റു പ്ര​ധാ​ന പ്ര​തി​ക​ളേ​യും ക​സ്റ്റ​ഡി​യി​ലെ​ടു​ക്കും. സം​ഘ​ത്ത​ല​വ​ന്‍ അ​ര്‍ജു​ന്‍ ആ​യ​ങ്കി​ക്കെ​തി​രെ വീ​ണ്ടും കാ​പ്പ നി​യ​മ​പ്ര​കാ​രം കു​റ്റം ചു​മ​ത്താ​നു​ള്ള നീ​ക്കം ആ​രം​ഭി​ച്ചി​ട്ടു​ണ്ട്.

അ​ര്‍ജു​ന് വി​വി​ധ ജി​ല്ല​ക​ളി​ലെ സം​ഘ​ങ്ങ​ളെ നി​യ​ന്ത്രി​ക്കാ​നും സം​ഘാം​ഗ​ങ്ങ​ള്‍ക്ക് ഒ​ളി​വി​ല്‍ ക​ഴി​യാ​നും സൗ​ക​ര്യ​മൊ​രു​ക്കി​യ​ത് നൗ​ഫ​ലാ​ണെ​ന്ന് വ്യ​ക്ത​മാ​യി​രു​ന്നു. നൗ​ഫ​ലു​മാ​യി ചേ​ര്‍ന്ന് കാ​ക്ക​നാ​ട് വാടക വീട്ടിൽ താ​മ​സി​ച്ചാ​ണ് വി​വി​ധ ജി​ല്ല​ക​ളി​ലെ ക്വ​ട്ടേ​ഷ​ന്‍ സം​ഘ​ങ്ങ​​ളെ അ​ർ​ജു​ന്‍ നി​യ​ന്ത്രി​ച്ചി​രു​ന്ന​ത്. യു​വ​ജ​ന​ക്ഷേ​മ ക​മീ​ഷ​ന്‍ വെ​മ്പാ​യം പ​ഞ്ചാ​യ​ത്ത് കോ​ഓ​ഡി​നേ​റ്റ​റാ​യി​രു​ന്നു പി​ടി​യി​ലാ​യ നൗ​ഫ​ല്‍.

2021 ജൂ​ണി​ല്‍ രാ​മ​നാ​ട്ടു​ക​ര​യി​ല്‍ അ​ഞ്ച് യു​വാ​ക്ക​ളു​ടെ മ​ര​ണ​ത്തി​നി​ട​യാ​ക്കി​യ സ്വ​ർ​ണ ക​വ​ര്‍ച്ച കേ​സി​ലും അ​ര്‍ജു​ന്‍ ആ​യ​ങ്കി​യു​ടെ പ​ങ്ക് വ്യ​ക്ത​മാ​യ​താ​യി സൂ​ച​ന​യു​ണ്ട്.