കാർഷിക നിയമഭേദഗതി കുത്തകകളെ സഹായിക്കുന്നതാണെന്ന്​ നയപ്രഖ്യാപന പ്രസംഗം

തിരുവനന്തപുരം: കാർഷിക നിയമഭേദഗതി കുത്തകകളെ സഹായിക്കുന്നതാണെന്ന്​ ഗവർണർ ആരിഫ്​ മുഹമ്മദ്​ ഖാന്‍റെ നയപ്രഖ്യാപന പ്രസംഗം. കാർഷിക നിയമഭേദഗതി കേരളമുൾപ്പടെയുള്ള സംസ്ഥാനങ്ങൾക്ക്​ തിരിച്ചടിയുണ്ടാക്കുമെന്നും ഗവർണർ നയപ്രഖ്യാപന പ്രസംഗത്തിൽ പറഞ്ഞു.

താങ്ങുവില സ​​​മ്പ്രദായം ഇല്ലാതാക്കുന്നത്​ അപലപനീയമാണെന്നും അദ്ദേഹം വ്യക്​തമാക്കി. കോവിഡ്​ മൂലമുള്ള സാമ്പത്തിക മാന്ദ്യം തടയാൻ കേന്ദ്രസർക്കാറിന്‍റെ നിലവിലുള്ള സഹായം പോരെന്നും ഗവർണർ വിമർശിച്ചു. സംസ്ഥാന സർക്കാറിന്‍റെ വികസന പദ്ധതികളെ കേന്ദ്രം തടയാൻ ശ്രമിക്കുകയാണെന്നും അദ്ദേഹം കൂട്ടിച്ചേർത്തു.

Latest video