പൂജപ്പുര സെൻട്രൽ ജയിലിലെ 59 തടവുകാർക്ക്​ കോവിഡ്​

തിരുവനന്തപുരം: പൂജപ്പുര സെൻട്രൽ ജയിലിലെ 59 തടവുകാർക്ക്​ കോവിഡ്​ 19 സ്​ഥിരീകരിച്ചു. 99 പേരിൽ നടത്തിയ പരിശോധനയിലാണ്​ രോഗം ക​ണ്ടെത്തിയത്​. കോവിഡ്​ രോഗലക്ഷണങ്ങളെ തുടർന്ന് 71 വയസായ തടവുകാരനെ​ പരിശോധനക്ക്​ വിധേയമാക്കിയിരുന്നു. ഇയാൾക്ക്​ രോഗം സ്​ഥിരീകരിച്ചതോടെ വിശദ പരിശോധന നടത്തുകയായിരുന്നു.

ആൻറിജൻ പരിശോധനയിലാണ്​ രോഗം ക​​ണ്ടെത്തിയത്​. കൂടുതൽ പേർക്ക്​ രോഗം സ്​ഥിരീകരിച്ചതോടെ എല്ലാവരെയും പരിശോധനക്ക്​ വിധേയമാക്കാനാണ്​ തീരുമാനം. തിരുവനന്തപുരത്ത്​ അഞ്ച്​ പൊലീസുകാർക്കും പുതുതായി രോഗം സ്​ഥിരീകരിച്ചു.