മികച്ച ആരോഗ്യ കേന്ദ്രങ്ങൾ: ആദ്യ ഏഴും കേരളത്തിൽ

തി​രു​വ​ന​ന്ത​പു​രം: സം​സ്ഥാ​ന​ത്തെ ഏ​ഴ്​ കു​ടും​ബാ​രോ​ഗ്യ കേ​ന്ദ്ര​ങ്ങ​ള്‍ക്ക് നാ​ഷ​ന​ല്‍ ക്വാ​ളി​റ്റി അ​ഷ്വ​റ​ന്‍സ് സ്​​റ്റാ​ന്‍ഡേ​ര്‍ഡ് (എ​ന്‍.​ക്യു.​എ.​എ​സ്) അം​ഗീ​കാ​രം ല​ഭി​ച്ച​താ​യി മ​ന്ത്രി കെ.​കെ. ശൈ​ല​ജ. രാ​ജ്യ​ത്തെ പ്രാ​ഥ​മി​കാ​രോ​ഗ്യ​ത​ല​ത്തി​ലു​ള്ള ഏ​റ്റ​വും മി​ക​ച്ച കേ​ന്ദ്ര​ങ്ങ​ൾ​ക്ക്​ ല​ഭി​ക്കു​ന്ന അം ​ഗീ​കാ​ര​ത്തി​ൽ ആ​ദ്യ ഏ​ഴ്​ സ്ഥാ​ന​ങ്ങ​ളും കേ​ര​ള​ത്തി​ലെ കു​ടും​ബാ​രോ​ഗ്യ കേ​ന്ദ്ര​ങ്ങ​ള്‍ ക​ര​സ്ഥ​മാ​ക്കി.

മി​ക​ച്ച ചി​കി​ത്സ സൗ​ക​ര്യ​ങ്ങ​ളൊ​രു​ക്കി കു​ടും​ബാ​രോ​ഗ്യ കേ​ന്ദ്ര​ങ്ങ​ളാ​ക്കി ഉ​യ​ര്‍ത്തി​യ തി​രു​വ​ന​ന്ത​പു​രം പൂ​ഴ​നാ​ട് (സ്‌​കോ​ര്‍: 99), മ​ല​പ്പു​റം ചാ​ലി​യാ​ര്‍ (95), പാ​ല​ക്കാ​ട് ശ്രീ​കൃ​ഷ്ണ​പു​രം (94), പ​ത്ത​നം​തി​ട്ട ഓ​ത​റ (93), കോ​ഴി​ക്കോ​ട് രാ​മ​നാ​ട്ടു​ക​ര (92), ക​ണ്ണൂ​ര്‍ കൊ​ട്ടി​യൂ​ര്‍ (92), തൃ​ശൂ​ര്‍ മു​ണ്ടൂ​ര്‍ (88) എ​ന്നി​വ​യാ​ണ് ദേ​ശീ​യ ഗു​ണ​നി​ല​വാ​ര അം​ഗീ​കാ​ര​മാ​യ എ​ന്‍.​ക്യു.​എ.​എ​സ് ബ​ഹു​മ​തി നേ​ടിയ​ത്. 55 കേ​ന്ദ്ര​ങ്ങ​ളാ​ണ് ദേ​ശീ​യ അം​ഗീ​കാ​ര​ത്തി​നാ​യി അ​യ​ച്ച​ത്. അ​തി​ല്‍ 32 കേ​ന്ദ്ര​ങ്ങ​ള്‍ക്ക് നേ​ര​ത്തേ അം​ഗീ​കാ​രം ല​ഭി​ച്ചി​രു​ന്നു. 10 കേ​ന്ദ്ര​ങ്ങ​ളു​ടെ ഫ​ലം പ്ര​തീ​ക്ഷി​ച്ചി​രി​ക്കു​ക​യാ​ണ്.

മേ​യ്, ജൂ​ണ്‍ മാ​സ​ങ്ങ​ളി​ല്‍ മൂ​ല്യ​നി​ര്‍ണ​യം ന​ട​ത്തി​യ കേ​ന്ദ്ര​ങ്ങ​ളു​ടെ ഫ​ല​മാ​ണ് വ​ന്ന​ത്. ഈ ​വ​ര്‍ഷാ​വ​സാ​ന​ത്തോ​ടെ 140 കേ​ന്ദ്ര​ങ്ങ​ള്‍ക്ക് ദേ​ശീ​യ അം​ഗീ​കാ​രം നേ​ടി​യെ​ടു​ക്കാ​നാ​ണ് ശ്ര​മി​മെ​ന്നും മ​ന്ത്രി പറഞ്ഞു. രോ​ഗി​ക​ള്‍ക്കു​ള്ള സേ​വ​ന​ങ്ങ​ൾ, മ​രു​ന്നു​ക​ളു​ടെ ല​ഭ്യ​ത​, വി​ത​ര​ണ​ം, ക്ലി​നി​ക്ക​ല്‍ സേ​വ​ന​ങ്ങ​ള്‍, പ​ക​ര്‍ച്ച​വ്യാ​ധി പ്ര​തി​രോ​ധ പ്ര​വ​ര്‍ത്ത​ന​ങ്ങ​ള്‍, മാ​തൃ-​ശി​ശു ആ​രോ​ഗ്യം, ജീ​വി​ത​ശൈ​ലി രോ​ഗ​നി​യ​ന്ത്ര​ണം, പ്ര​തി​രോ​ധ കു​ത്തി​വെ​പ്പ് തു​ട​ങ്ങി എ​ട്ട​​ു വി​ഭാ​ഗ​ങ്ങ​ളെ അ​ടി​സ്ഥാ​ന​മാ​ക്കി​യാ​ണ് നാ​ഷ​ന​ല്‍ ക്വാ​ളി​റ്റി അ​ഷ്വ​റ​ന്‍സ് സ്​​റ്റാ​ന്‍ഡേ​ര്‍ഡി​ന് പ​രി​ഗ​ണി​ക്കു​ന്ന​ത്.

സം​സ്ഥാ​ന ത​ല​ത്തി​ലും ദേ​ശീ​യ ത​ല​ത്തി​ലു​മു​ള്ള വി​വി​ധ മൂ​ല്യ​നി​ര്‍ണ​യ​ങ്ങ​ളി​ലൂ​ടെ​യാ​ണ് ക്വാ​ളി​റ്റി അ​ഷ്വ​റ​ന്‍സ് സ്​​റ്റാ​ന്‍ഡേ​ര്‍ഡി​നാ​യി തെ​ര​ഞ്ഞെ​ടു​ക്കു​ന്ന​ത്. ഈ ​സം​ഘ​ങ്ങ​ള്‍ ഓ​രോ ആ​ശു​പ​ത്രി​യും പ​രി​ശോ​ധി​ച്ചാ​ണ് ഗു​ണ​നി​ല​വാ​ര മാ​ന​ദ​ണ്ഡം ഉ​റ​പ്പാ​ക്കു​ന്ന​ത്. ഓ​രോ വി​ഭാ​ഗ​ത്തി​ലും 70 ശ​ത​മാ​ന​ത്തി​ല്‍ കൂ​ടു​ത​ല്‍ മാ​ര്‍ക്ക് നേ​ട​ണം.