പോപ്പുലർ ഫ്രണ്ട് ജനമഹാസമ്മേളനം; വൊളണ്ടിയര് മാര്ച്ചിന് മികച്ച ജനപങ്കാളിത്തം
text_fieldsകോഴിക്കോട്: പോപുലര് ഫ്രണ്ട് ഓഫ് ഇന്ത്യ സംഘടിപ്പിക്കുന്ന ജനമഹാമ്മേളനത്തിലെ വോളണ്ടിയര് മാര്ച്ചിന് മികച്ച ജനപങ്കാളിത്തം.'റിപബ്ലിക്കിനെ രക്ഷിക്കുക' എന്ന പ്രമേയത്തിൽ നടക്കുന്ന കാംപയിനിന്റെ ഭാഗമായാണ് സമ്മേളനം സംഘടിപ്പിക്കുന്നത്. വോളണ്ടിയര് മാര്ച്ച് വൈകീട്ട് 4.30ന് കോഴിക്കോട് സ്റ്റേഡിയം പരിസരത്തുനിന്ന് ആരംഭിച്ചു. ചെസ്റ്റ് ഹോസ്പിറ്റല്, പുതിയ ബസ് സ്റ്റാന്റ്, മാവൂര് റോഡ്, ബാങ്ക് റോഡ്, സിഎച്ച് ഓവര്ബ്രിഡ്ജ്, കോര്പറേഷന് ഓഫിസ് ചുറ്റിയാണ് പരേഡും റാലിയും സമ്മേളന നഗരിയായ ബീച്ചിലാണ് വോളണ്ടിയര് മാര്ച്ചും ബഹുജന റാലിയും സമാപിച്ചത്.
കോഴിക്കോട് ബീച്ചിൽ നടക്കുന്ന പൊതുസമ്മേളനം പോപ്പുലർ ഫ്രണ്ട് ദേശീയ ജനറൽ സെക്രട്ടറി അനീസ് അഹ്മദ് ഉദ്ഘാടനം ചെയ്യും. എസ്.ഡി.പി.ഐ ദേശീയ അധ്യക്ഷൻ എം.കെ ഫൈസി, പോപ്പുലർ ഫ്രണ്ട് സംസ്ഥാന പ്രസിഡന്റ് സി.പി മുഹമ്മദ് ബഷീർ, എസ്.ഡി.ടി.യു സംസ്ഥാന പ്രസിഡന്റ് എ. വാസു, പോപുലർ ഫ്രണ്ട് സംസ്ഥാന ജനറൽ സെക്രട്ടറി എ. അബ്ദുൽ സത്താർ, നാഷനൽ വിമൻസ് ഫ്രണ്ട് ദേശീയ പ്രസിഡന്റ് ലുബ്നാ സിറാജ്, ആൾ ഇന്ത്യ ഇമാംസ് കൗൺസിൽ സംസ്ഥാന ജനറൽ സെക്രട്ടറി ഹാഫിസ് അഫ്സൽ ഖാസിമി, കാംപസ് ഫ്രണ്ട് സംസ്ഥാന വൈസ് പ്രസിഡന്റ് മുഹമ്മദ് ഷാൻ എന്നിവർ പങ്കെടുക്കും. പാലക്കാട് മുതൽ കാസർകോട് വരെയുള്ള പ്രവർത്തകരും അനുഭാവികളുമാണ് സമ്മേളനത്തിൽ പങ്കെടുക്കുക.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.