പൊരിയാനി ടോൾ ബൂ​ത്ത്: പ്രതിഷേധം കനക്കുന്നു

മു​ണ്ടൂ​ർ: പാ​ല​ക്കാ​ട് -കോ​ഴി​ക്കോ​ട് ദേ​ശീ​യ​പാ​ത പൊ​രി​യാ​നി​യി​ൽ സ്ഥാ​പി​ക്കാ​നൊ​രു​ങ്ങു​ന്ന ടോ​ൾ ബൂ​ത്തി​നെ​തി​രെ പ്ര​തി​ഷേ​ധം ശ​ക്ത​മാ​വു​ന്നു. സി.​പി.​എം, കോ​ൺ​ഗ്ര​സ്, വെ​ൽ​ഫെ​യ​ർ പാ​ർ​ട്ടി, ബി.​ജെ.​പി എ​ന്നി രാ​ഷ്ട്രീ​യ പാ​ർ​ട്ടി​ക​ൾ പ്ര​ത്യ​ക്ഷ പ്ര​തി​ഷേ​ധ പ​രി​പാ​ടി​ക​ൾ സം​ഘ​ടി​പ്പി​ച്ചി​രു​ന്നു. കോ​ങ്ങാ​ട് മേ​ഖ​ല​യി​ലെ ബ​സു​ട​മ​ക​ൾ ബ​സ് ഓ​പ​റേ​റ്റേ​ഴ്സ് അ​സോ​സി​യേ​ഷ​ന് കീ​ഴി​ൽ സ്വ​കാ​ര്യ ബ​സു​ക​ളി​ൽ ക​രി​ങ്കൊ​ടി കെ​ട്ടി ബു​ധ​നാ​ഴ്ച പ്ര​തി​ഷേ​ധ ദി​നം ആ​ച​രി​ച്ചു.

അ​ശാ​സ്ത്രീ​യ ടോ​ൾ ഏ​ർ​പ്പെ​ടു​ത്തി ജ​ന​ങ്ങ​ളെ കൊ​ള്ള​യ​ടി​ക്കാ​നു​ള്ള നീ​ക്ക​ത്തി​നെ​തി​രെ മു​ണ്ടൂ​ർ വ​ഴി സ​ർ​വി​സ് ന​ട​ത്തു​ന്ന പ​ത്തി​രി​പ്പാ​ല, പ​റ​ളി, കോ​ങ്ങാ​ട്, മു​ണ്ടൂ​ർ, ക​ട​മ്പ​ഴി​പ്പു​റം, ചെ​ർ​പ്പു​ള​ശ്ശേ​രി എ​ന്നി​വി​ട​ങ്ങ​ളി​ലെ സ്വ​കാ​ര്യ ബ​സുട​മ​ക​ളും ജീ​വ​ന​ക്കാ​രു​മാ​ണ് പ്ര​തി​ഷേ​ധ ദി​നാ​ച​ര​ണ​ത്തി​ൽ പ​ങ്കെ​ടു​ത്ത​ത്. ബ​സുട​മ​ക​ളു​ടെ സം​ഘ​ട​ന പൊ​രി​യാ​നി​യി​ൽ അ​ടു​ത്ത ദി​വ​സം പ്ര​തി​ഷേ​ധ സം​ഗ​മ​വും പ്ര​ക​ട​ന​വും സം​ഘ​ടി​പ്പി​ക്കും.

ഏ​ഴ് കി​ലോ​മീ​റ്റ​ർ ദൈ​ർ​ഘ്യ​ത്തി​ലു​ള്ള ദേ​ശീ​യ പാ​ത​യു​ടെ ഉ​പ​യോ​ഗ​ത്തി​ന് അ​തി​ല​ധി​കം ദൂ​രം സം​സ്ഥാ​ന പാ​ത ഉ​പ​യോ​ഗി​ക്കു​ന്ന​വ​രാ​വും ടോ​ൾ കൊ​ടു​ക്കേ​ണ്ടി വ​രു​ക എ​ന്ന വൈ​രു​ധ്യവും പൊ​രി​യാ​നി​യി​ൽ ടോ​ൾ ബൂ​ത്ത് ഏ​ർ​പ്പെ​ടു​ത്തു​മ്പോ​ൾ ഉ​ണ്ടാ​വു​മെ​ന്ന് നാ​ട്ടു​കാ​ർ ചൂ​ണ്ടി​ക്കാ​ട്ടി.ജ​ന​കീ​യ സ​മി​തി​യും വി​വി​ധ പാ​ർ​ട്ടി​ക​ളും ടോ​ൾ ബൂ​ത്തി​നെ​തി​രെ ബാ​ന​റും ബോ​ർ​ഡും സ്ഥാ​പി​ച്ചി​ട്ടു​ണ്ട്.

പ്ര​തി​ഷേ​ധി​ച്ച് ബി.​ജെ.​പി

മു​ണ്ടൂ​ർ: പൊ​രി​യാ​നി ടോ​ൾ ബൂ​ത്ത്‌ മാ​റ്റി സ്ഥാ​പി​ക്ക​ണ​മെ​ന്നാ​വ​ശ്യ​പ്പെ​ട്ട് ബി.​ജെ.​പി സം​ഘ​ടി​പ്പി​ച്ച പ്ര​തി​ഷേ​ധ സ​മ​രം സം​സ്ഥാ​ന ജ​ന​റ​ൽ സെ​ക്ര​ട്ട​റി സി. ​കൃ​ഷ്ണ​കു​മാ​ർ ഉ​ദ്ഘാ​ട​നം ചെ​യ്തു. ജ​ന​ങ്ങ​ൾ​ക്ക് ബു​ദ്ധി​മു​ട്ട് ഉ​ണ്ടാ​ക്കു​ന്ന ടോ​ൾ ബൂ​ത്ത് നി​ർ​മി​ക്കാ​ൻ അ​നു​വ​ദി​ക്കി​ല്ലെ​ന്നും സ​മ​ര​വു​മാ​യി മു​ന്നോ​ട്ട് പോ​വു​മെ​ന്നും അ​ദ്ദേ​ഹം പ​റ​ഞ്ഞു.

മ​ണ്ഡ​ലം പ്ര​സി​ഡ​ന്റ്‌ സു​ജി​ത് അ​ധ്യ​ക്ഷ​നാ​യി. യു​വ​മോ​ർ​ച്ച ജി​ല്ല ഭാ​ര​വാ​ഹി​ക​ളാ​യ കെ.​സി. സു​രേ​ഷ്, കെ.​എ​സ്. വി​നോ​ദ് കൃ​ഷ്ണ​ൻ, മ​ണ്ഡ​ലം വൈ​സ് പ്ര​സി​ഡ​ന്റ്‌ പി.​പി. പ്ര​കാ​ശ​ൻ, ജ​ന​റ​ൽ സെ​ക്ര​ട്ട​റി ജ്യോ​തി​ഷ് എ​ന്നി​വ​ർ പ​ങ്കെ​ടു​ത്തു.