മതസ്പർധ വളർത്തുന്ന പോസ്റ്റ്​: സഹകരണ ബാങ്ക്​ ജീവനക്കാരനെ​ പാർട്ടിയിൽനിന്ന്​ പുറത്താക്കിയതായി സി.പി.എം

മലപ്പുറം: ബലിപെരുന്നാളിനെക്കുറിച്ച്​ സമൂഹമാധ്യമത്തിൽ മതസ്പർധയുണ്ടാക്കുന്ന തരത്തിൽ പോസ്റ്റിട്ടതിന്​ സഹകരണ ബാങ്ക്​ ജീവനക്കാരന്​ സസ്​പെൻഷൻ. ഇയാളെ പാർട്ടിയിൽനിന്ന്​ പുറത്താക്കിയതായി സി.പി.എം അറിയിച്ചു. ​മലപ്പുറം ജില്ല സഹകരണ ബാങ്ക്​ മേലാറ്റൂർ ശാഖ ജൂനിയർ അക്കൗണ്ടന്‍റ്​ കെ.വി. സത്യനെയാണ്​ സസ്​പെന്‍റ്​ ചെയ്തത്​. അന്വേഷണ വിധേയമായാണ്​ നടപടി സ്വീകരിച്ചിരിക്കുന്നതെന്ന്​ ജില്ല സഹകരണ ബാങ്ക്​ പ്രസിഡന്‍റ്​ അറിയിച്ചു.

സി.പി.എം പാണ്ടിക്കാട്​ ലോക്കലിന്​ കീഴിലെ മണ്ടകക്കുന്ന്​ ബ്രാഞ്ച്​ അംഗമായ സത്യനെ പാർട്ടി അംഗത്വത്തിൽ നിന്ന്​ പുറത്താക്കിയതായി ജില്ല കമ്മിറ്റി​ അറിയിച്ചു. പാർട്ടി നിലപാടിന്​ വിരുദ്ധമായി സമൂഹമാധ്യമങ്ങളിലൂടെ പ്രചാരണം നടത്തിയതിനാണ്​ നടപടി.