ഷാഫി പറമ്പിലിനെതിരെ പാലക്കാട്‌ പോസ്റ്ററുകള്‍: ‘ഏകാധിപത്യവും ഗ്രൂപ്പിസവും അവസാനിപ്പിക്കണം’

പാലക്കാട്: യൂത്ത് കോൺഗ്രസ്‌ സംസ്ഥാന അധ്യക്ഷൻ ഷാഫി പറമ്പിലിനെതിരെ പാലക്കാട്‌ നഗരത്തിൽ പോസ്റ്ററുകള്‍. ഷാഫിയുടെയും ജില്ലാ പ്രസിഡന്‍റ് ടി.എച്ച് ഫിറോസ് ബാബുവിന്‍റെയും പേരെടുത്ത് പറയുന്ന പോസ്റ്ററുകൾ ആരാണ് തയാറാക്കി​യതെന്ന് എവിടെയും പറയുന്നില്ല. ഇരുവരുടെയും ഏകാധിപത്യവും ഗ്രൂപ്പിസവും അവസാനിപ്പിക്കണമെന്നാണ് പോസ്റ്ററിലുള്ളത്.

ഷാഫി ഫാൻസ് പാലക്കാട്ടെ കോൺഗ്രസിനെ ബാധിച്ച കാൻസറാ​ണെന്ന് ആരോപിക്കുന്ന പോസ്റ്ററിൽ ഇരുവരും മതം പരിചയാക്കി വ്യക്തിഗത നേട്ടം കൈവരിച്ചെന്നും വിമർശനം ഉണ്ട്. ജില്ലാ പ്രസിഡന്‍റ് ജില്ല മുഴുവൻ പണപ്പിരിവു നടത്തി സാമ്പത്തിക നേട്ടം കൊയ്തതായും ഇതിൽ പറയുന്നു.