പോത്തൻകോട് കൊലപാതകം: ആറുപേർ പിടിയിൽ, സുധീഷി​െൻറ ഭാര്യാസഹോദരനും പ്രതിപ്പട്ടികയിൽ

പോത്തൻകോട്: കല്ലൂരിൽ ഗുണ്ടാസംഘം വീടുകയറി യുവാവിനെ ക്രൂരമായി വെട്ടിക്കൊന്ന സംഭവത്തിൽ മൂന്ന് പ്രതികൾ കൂടി പിടിയിൽ. വേങ്ങോട് കട്ടിയാട് സ്വദേശി അരുൺ (23), വെഞ്ഞാറമൂട് ചെമ്പൂര് സ്വദേശി സച്ചിൻ (24), കന്യാകുളങ്ങര കുനൂർ സ്വദേശി സൂരജ് (23) എന്നിവരാണ് തിങ്കളാഴ്​ച വൈകീട്ട് അ​േന്വഷണസംഘത്തി​െൻറ പിടിയിലായത്. ചിറയിൻകീഴ് ശാസ്തവട്ടം സ്വദേശികളായ നന്ദീഷ് (22), നിതീഷ് (24), കണിയാപുരം സ്വദേശി രഞ്ജിത്ത് (28) എന്നിവരെ കഴിഞ്ഞദിവസം അറസ്​റ്റ്​ ചെയ്​തിരുന്നു. ഇതോടെ ആകെ പിടിയിലായവരുടെ എണ്ണം ആറായി. മൊത്തം 11 പേരാണ്​ കേസിലെ പ്രതികൾ. പിടികൂടാനുള്ള അഞ്ചുപേർക്കായി പൊലീസ്​ ലുക്കൗട്ട്​ നോട്ടീസ്​ പുറപ്പെടുവിച്ചു. പ്രതികൾ സഞ്ചരിച്ച ബൈക്ക്​ പൊലീസ്​ പിടിച്ചെടുത്തു.

കൊല്ലപ്പെട്ട സുധീഷി​െൻറ ഭാര്യാസഹോദരൻ മിഠായി ശ്യാം എന്ന ശ്യാമിനെയും പ്രതിപ്പട്ടികയിൽ ഉൾപ്പെടുത്തി. സുധീഷി​െൻറ ഒളിത്താവളത്തെക്കുറിച്ചും രക്ഷപ്പെടാൻ സാധ്യതയുള്ള വഴികളെക്കുറിച്ചും കൊലയാളി സംഘത്തിന് വിവരം നൽകിയത് ശ്യാമാണ്. കൊലക്ക്​ ശേഷം സംഘത്തോടൊപ്പം ഇയാളും മടങ്ങിയതായി പൊലീസിന് വിവരം ലഭിച്ചിട്ടുണ്ട്. കഞ്ചാവ് ഇടപാടുമായി ബന്ധപ്പെട്ട് ഇവർ തമ്മിൽ പിണക്കത്തിലായിരുന്നു.

കൊലപാതകത്തിൽ പങ്കുണ്ടെന്ന വിവരത്തി​െൻറ അടിസ്ഥാനത്തിൽ തിങ്കളാഴ്​ച അറസ്​റ്റിലായ പ്രതികളെ വെഞ്ഞാറമൂട് പൊലീസ് നിരീക്ഷിച്ചുവരുകയായിരുന്നു. വെഞ്ഞാറമൂട് മാർക്കറ്റ് റോഡിന് സമീപത്തെ ഒളിയിടത്തിൽനിന്നാണ്​ ഇവരെ കസ്​റ്റഡിയിലെടുത്തത്. എന്നാൽ ഇവരുടെ അറസ്​റ്റ്​ രേഖപ്പെടുത്തിയിട്ടില്ല. കഴിഞ്ഞദിവസം പിടിയിലായ നന്ദീഷ്, നിധീഷ്, ഓട്ടോ ഡ്രൈവർ രഞ്​ജിത്ത് എന്നിവരെ സംഭവസ്ഥലത്ത് എത്തിച്ച് തെളിവെടുപ്പ് നടത്തി.

കൊല്ലപ്പെട്ട സുധീഷി​െൻറ സംഘം ആറ്റിങ്ങൽ മങ്കാട്ടുമൂലയിലെ വീട് ആക്രമിച്ച് രണ്ടുപേരെ വെട്ടിപ്പരിക്കേൽപ്പിച്ച സംഭവത്തിൽ അവിടെയുണ്ടായിരുന്ന ശ്യാമിനും ഉണ്ണിക്കും മാതാവിനും നേർക്ക് നാടൻ ബോംബെറിഞ്ഞിരുന്നു. ബോംബ് പൊട്ടാതിരുന്നതിനാൽ ഇവർ പരിക്കേൽക്കാതെ രക്ഷപ്പെട്ടു. ഇതി​െൻറ വൈരാഗ്യമാകാം കൊലക്ക്​ കാരണമെന്നാണ് പൊലീസ് കരുതുന്നത്.

2012ൽ ആറ്റിങ്ങലിൽ നടന്ന ഒട്ടകം രാജേഷി​െൻറ അനുജ​െൻറ കൊലപാതകക്കേസിൽ സുധീഷും ജയിലിൽ കിടക്കുന്ന അനുജനും ഉൾപ്പെട്ടിരുന്നതായും അതി​െൻറ പകയാണ് ഇപ്പോഴത്തെ സംഭവത്തിന്​ പിന്നിലെന്നും സ്പെഷൽ ബ്രാഞ്ചിന് വിവരം ലഭിച്ചിട്ടുണ്ട്​. ഈ വഴിക്കും അന്വേഷണം നടക്കുന്നുണ്ട്​.

അക്രമികളെ സംഘടിപ്പിച്ച് കൊലക്ക് നേതൃത്വം നൽകിയത് ഒട്ടകം രാജേഷാണെന്ന് അ​േന്വഷണ സംഘം കണ്ടെത്തി. ആറ്റിങ്ങൽ മങ്കാട്ടുമൂലയിൽ നടന്ന രണ്ട് അക്രമസംഭവങ്ങളുടെ തുടർച്ചയാണ് കല്ലൂരിലെ കൊലപാതകമെന്നും നിരവധി പേരെ കസ്​റ്റഡിയിലെടുത്ത് ചോദ്യം ചെയ്തുവരുന്നതായും തിരുവനന്തപുരം റൂറൽ പൊലീസ് സൂപ്രണ്ട് വി.കെ. മധു പറഞ്ഞു.